ខេត្តកំពង់ធំ ៖ មានករណីបុរសម្នាក់បានផឹកថ្នាំបំពុល បណ្តាលឱ្យបាត់បង់ជីវិត បង្កឱ្យមានការភ្ញាក់កើតឡើងកាលពីវេលាម៉ោង៣និង៥៦នាទីចូលព្រឹកថ្ងៃទី៤ ខែកុម្ភៈ ឆ្នាំ២០២១ នៅភូមិថ្មសំលៀង ឃុំក្រយា ស្រុកសន្ទុក…
ខេត្តកំពង់ធំ ៖ មានករណីបុរសម្នាក់បានផឹកថ្នាំបំពុល បណ្តាលឱ្យបាត់បង់ជីវិត បង្កឱ្យមានការភ្ញាក់កើតឡើងកាលពីវេលាម៉ោង៣និង៥៦នាទីចូលព្រឹកថ្ងៃទី៤ ខែកុម្ភៈ ឆ្នាំ២០២១ នៅភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ ។
ជនរងគ្រោះឈ្មោះ ធុន ប៊ុនធឿន ភេទប្រុស អាយុ២៦ឆ្នាំ មានស្រុកកំណើតនៅភូមិកំពង់រាបក្រោម ឃុំកំពង់រាប ស្រុកកោះសូទិន ខេត្តកំពង់ចាម បច្ចុប្បន្នមកស្នាក់នៅភូមិកើតហេតុខាងលើ ប្រកបមុខរបរជាកម្មករជាជ័រកៅស៊ូឱ្យក្រុមហ៊ុនមួយកន្លែង ។
តាមបំភ្លឺពីឈ្មោះ ខេន ស្រីមុំ អាយុ២៣ឆ្នាំ ត្រូវជាប្រពន្ធរបស់ជនរងគ្រោះបានរៀបរាប់ឱ្យដឹងថា គាត់និងប្តីបានរួមរស់នៅជាមួយគ្នាអស់រយៈពេលជិតមួយឆ្នាំកន្លងមកហើយ ពួកគាត់មិនដែលមានបញ្ហាទំនាស់ក្នុងក្រុមគ្រួសារអ្វីនោះទេ ។
ស្ត្រីជាប្រពន្ធបានបន្តថា មុនពេលកើតហេតុ កាលពីថ្ងៃទី៣ ខែកុម្ភៈ ឆ្នាំ២០២១ ប្ដីរបស់គាត់មិនបានទៅចៀរជ័រកៅស៊ូទេ គឺធ្វើការងារនៅផ្ទះជាធម្មតា រហូតដល់វេលាយប់ថ្ងៃដដែល ក៏នាំគ្នាចូលដេកក្នុងបន្ទប់ជាមួយគ្នាទាំងពីរនាក់ប្ដីប្រពន្ធ លុះដល់វេលាម៉ោងប្រហែល១០និង៣០នាទីយប់ថ្ងៃដដែល ប្ដីរបស់គាត់បានប្រាប់ថា ចេញទៅងូតទឹកនៅបន្ទប់ទឹកក្រៅផ្ទះ។
ស្ត្រីជាប្រពន្ធបានបន្តទៀតថា រហូតដល់វេលាម៉ោងកើតហេតុខាងលើ គាត់បានរង់ចាំមើលប្តី លុះមួយសន្ទុះធំ មិនឮសូរប្តីចាក់ទឹកងូតសោះ ហើយគាត់ក៏អើតមើលតាមបង្អួច ស្រាប់តែឃើញប្ដីដួលដេកនៅលើដីខាងក្រោយផ្ទះ ។ បន្ទាប់ពីឃើញបែបនេះ គាត់ក៏ហៅម្តាយ និងបងប្អូនឱ្យទៅជួយមើល ទើបដឹងថា ប្តីរបស់គាត់បានផឹកថ្នាំពុលបែកពពុះមាត់ប្រឡាក់ពេញខ្លួន ហើយនៅនឹងដៃរបស់ប្តីក៏មានកាន់ដបថ្នាំពុល ដែលអាចសន្និដ្ឋានបានថា ប្តីរបស់គាត់ផឹកថ្នាំពុលបញ្ចប់ជីវិត ។
ស្ត្រីជាប្រពន្ធបានបន្តទៀតថា បន្ទាប់មក គាត់និងបងប្អូនបានបញ្ជូនបុរសរងគ្រោះជាប្តីទៅមន្ទីរពេទ្យឯកជនមួយកន្លែងនៅក្នុងភូមិបាក់ស្នា ដើម្បីសង្គ្រោះដែរ ប៉ុន្តែដោយសារស្ថានភាពធ្ងន់ធ្ងរពេក ទើបគ្រូពេទ្យក៏បញ្ជូនទៅកាន់មន្ទីពេទ្យត្រពាំងស្វាយជាបន្តទៀត ហើយនៅពេលមកដល់មន្ទីរពេទ្យត្រពាំងស្វាយ គ្រូពេទ្យក៏បានដាក់សេរ៉ូមលាងក្រពះ ប៉ុន្តែដោយសារថ្នាំពុលជ្រាបពេញខ្លួនទៅហើយ ក្រោយមកប្តីរបស់គាត់ក៏បានបាត់បង់ជីវិត ហើយពួកគាត់ក៏នាំគ្នាដឹកសពមកផ្ទះវិញ ។
ក្រោយពេលទទួលបានព័ត៌មានខាងលើភ្លាម សមត្ថកិច្ចជំនាញក៏បានសហការជាមួយប៉ុស្តិ៍នគរបាលរដ្ឋ ក្រុមប្រឹក្សាឃុំ មេភូមិ គ្រូពេទ្យ និងក្រុមគ្រួសារសព ដើម្បីចូលរួមពិនិត្យទីកន្លែងកើតហេតុ និងធ្វើកោសល្យវិច្ច័យ រកពុំឃើញមានស្លាកស្នាមអ្វីគួរឱ្យកត់សម្គាល់ឡើយ ក៏ធ្វើកំណត់ហេតុប្រគល់សពឱ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ