ADផ្ទាំងផ្សព្វផ្សាយពាណិជ្ជកម្ម

Picture

ឃាត់ខ្លួន​បុរស​ភេទ​ទី​៣​ម្នាក់​នេះ​ដែល​ពូកែ​​ល្បូ​ង​​ក្មេង​​ប្រុសបំផុត​

8 ខែ មុន
  • ភ្នំពេញ

ខេត្តបាត់ដំបង ​៖ បុរស​ភេទ​ទី​៣​ម្នាក់ត្រូវកម្លាំង​​ការិយាល័យ​ព្រហ្មទណ្ឌ​កំរិត​ស្រាល បញ្ជូន​ទៅ​ប្រគល់​ជូន​​តំណាង​អយ្យការ​អម​សាលាដំបូង​ខេត្ត ដើម្បី​ចាត់ការ​តាម​ផ្លូវច្បាប់​ហើយ ក្រោយ​ពី​ឃាត់ខ្លួន​តាម​ដីកា កាលពី​រសៀល​ថ្ងៃ​ទី ០២ កុម្ភៈ នៅ​តាម​ដងផ្លូវ​មួយ​កន្លែងនៅ​ចំណុច​ភូមិ​ឡឥដ្ឋ…

ខេត្តបាត់ដំបង ​៖ បុរស​ភេទ​ទី​៣​ម្នាក់ត្រូវកម្លាំង​​ការិយាល័យ​ព្រហ្មទណ្ឌ​កំរិត​ស្រាល បញ្ជូន​ទៅ​ប្រគល់​ជូន​​តំណាង​អយ្យការ​អម​សាលាដំបូង​ខេត្ត ដើម្បី​ចាត់ការ​តាម​ផ្លូវច្បាប់​ហើយ ក្រោយ​ពី​ឃាត់ខ្លួន​តាម​ដីកា កាលពី​រសៀល​ថ្ងៃ​ទី ០២ កុម្ភៈ នៅ​តាម​ដងផ្លូវ​មួយ​កន្លែងនៅ​ចំណុច​ភូមិ​ឡឥដ្ឋ សង្កាត់​ព្រែក​ព្រះស្ដេច ក្រុង​បាត់ដំបង ពី​បទ «​ឆបោក​»​។
លោក​ឈឿ​ង គឹ​ម​សុង ប្រធាន​ការិយាល័យ​ព្រហ្មទណ្ឌ​កំរិត​ស្រាលបាន​ឲ្យ​ដឹង​ថា ជន​ត្រូវ​ចោទ​រូប​នេះ ឈ្មោះពៅ វ៉ា​ន់​ធី ហៅ លី អាយុ​៦៥​ឆ្នាំ (​បុរស​ភេទ​ទី​៣) មានស្រុក​កំណើត​នៅ​ភូមិ​ក្បាល​រមាស ឃុំ​ក្បាល​រមាស ស្រុក​ក្បាល​រមាស ខេត្តកំពត តែ​បាន​មក​ស្នាក់​នៅ​បណ្ដោះអាសន្ន និងប្រព្រឹត្ត​បទល្មើសនៅ​ក្នុង​ខេត្តបាត់ដំបង​។

Picture

លោក​បាន​ប្រាប់​ថា ជន​នេះ​ត្រូវ​បាន​ឃាត់ខ្លួន តាម​ដីកា​បញ្ជា​ឲ្យ​ចូលខ្លួនរបស់​លោក គី ប៊ុ​ណ្ណា​រ៉ា ព្រះរាជអាជ្ញា​អម​សាលាដំបូង​ខេត្ត ដែល​ជាប់ចោទ​ពី​បទឆបោក ( យក​ប្រាក់ ខ្សែ​ក និងម៉ូតូ ) ពី​យុវជន​ចំនួន​០៣​នាក់ កាលពី​ខែតុលា ឆ្នាំ​២០២០ កន្លង​ទៅ​។
នៅ​ក្នុង​ព្រឹត្តិ​ហេតុ​របស់​សមត្ថកិច្ច ជន​ត្រូវ​ចោទ​ឈ្មោះ ពៅ វ៉ា​ន់​ធី ហៅ លី ​បាន​ប្រព្រឹត្ត​បទល្មើស​នេះ កាលពី​ថ្ងៃ​ទី​០៣ តុលា ឆ្នាំ​២០២០ នៅ​ពេល​ដែល​ខ្លួន​បាន​ស្នាក់​នៅផ្ទះ​សំណាក់​មួយ​កន្លែង នៅ​ក្នុងភូមិ​ជ្រៃ​កោង សង្កាត់​ស្លា​កែ​ត ក្រុង​បាត់ដំបង​។

នៅ​ក្នុង​គ្រានោះ បុរស​ភេទ​ទី​៣ រូប​នេះ​បាន​ទំនាក់​ទម​ន​ង​ស្គាល់​យុវជន​០៣​នាក់ ដោយ​សារ​ឃើញ​យុវជន​ទាំងនោះ មាន​ម៉ូតូ​ជិះមាន​ប្រាក់ មាន​ពាក់​គ្រឿង​អ​ល័​ង្កា​រ​គ្រប់​គ្នា​ផង​។ នៅ​ក្នុង​របាយ​ការ​ណ៍​ដដែល​បាន​បញ្ជាក់​ថា ក្រោយ​ពី​ជួប​ស្គាល់គ្នា​ប​បុរស​នេះ បាន​បង្ហាញ​ពី​ភាព​ស្និត​ស្នាល​យ៉ាង​ខ្លាំង​ជាមួយ​យុវជន​ទាំង​៣​នាក់ ដែល​ពេល​នោះ​ហើយ​ធ្វើ​ឲ្យ​ជន​ភេទ​ទី​៣ នេះ​មាន​ឱកាស​បោក​យក​ប្រាក់ ខ្សែ​ក និង ម៉ូតូ ពី​ជន​រង​គ្រោះ​ទាំង​០៣​នាក់​បាន​យ៉ាង​ស្រូល​។

Picture

លោក ឈឿ​ង គឹ​ម​សុង ប្រធាន​ការិយាល័យ​ព្រហ្មទណ្ឌ​កំរិត​ស្រាល បាន​និយាយ​ថា នៅ​ពេល​ដែល​ក្រុម​ជន​រង​គ្រោះ និង ជន​ត្រូវ​ចោទ​កំពុង​មាន​ទំនាក់ទំនង​គ្នា​យ៉ាង​ល្អូកល្អើន ជន​ត្រូវ​បាន​ប្រើ​ល្បិច​គ្រប់​បែប​យ៉ាង​លូ​ង​លោម​ជន​រង​គ្រោះ​ឲ្យ​ដើរ​លែង​ជាមួយ ទៅ​ផ្សារ​ទិញ​សម្លៀក​បំពាក់ ទៅ​ហូប​អាហារ​ជាមួយ​គ្នា ដើម្បី​ឲ្យ​ជន​រង​គ្រោះ​មាន​ទំនុកចិត្ត​។ ប៉ុន្តែ​ចុង​ក្រោយ បុរស​ភេទ​ទី​៣ រូប​នេះ​បង្គាប់​ឲ្យ​ជន​រង​គ្រោះ​ទាំង​០៣​នាក់ ដោះ​ខ្សែ​ក​ឲ្យ​ខ្លួន ដោយ​អះអាង​ថា ខ្លួន​នឹង​យក​ទៅ​ធ្វើ​ថ្មី​ធំ​ៗ​ជាង​មុន​ឲ្យ​ជន​រង​គ្រោះ លុះ​បាន​ខ្សែ​ក ប្រាក់ ដល់​ដៃ ហើយ​ក៏​ខ្ចី​ម៉ូតូ​ស៊េរី​ទំនើប​របស់​ជន​រង​គ្រោះ​ជិះ​ទៀត ជន​នេះ​បាន​ដាក់​មេ​ប្រូច​ទៅ​កាន់​ស្រុក​កំណើត​បាត់​ឈឹង​តែ​ម្ដង​។

លោក ឈឿ​ង គឹ​ម​សុង បាន​បញ្ជាក់​ថា ក្រោយ​ពី​ដឹង​ថា ជន​ភេទ​ទី​៣​នេះ​បោកប្រាស ជន​រង​គ្រោះ​ទាំង​០៣​នាក់ ក៏​នាំ​គ្នា​ដឹង​ពាក្យបណ្ដឹង​នៅ​ការិយាល័យ​ព្រហ្មទណ្ឌ​កំរិត​ស្រាល ហើយ​លោកស្នងការ​ខេត្ត បាន​បញ្ជា​ឲ្យ​កម្លាំង​ជំនាញ​របស់​លោក​ធ្វើការ​ស្រាវ​ជ្រាវ​លើ​ករណី​នេះ ទើប​កំណត់​មុខសញ្ញា​ជនសង្ស័យ រហូត​ឈាន​ដល់​ការ​ឃាត់​ខ្លួន​ជន​នេះ​តាម​ដីកា នៅ​ពេល​ជន​នេះ​ត្រឡប​មក​បង្ហាញមុខ នៅ​ខេត្តបាត់ដំបង ជា​ថ្មី​។

Picture

យោង​តាម​របាយ​ការ​ណ៍​របស់​សមត្ថកិច្ច ជន​រង​គ្រោះ​ទាំង​០៣​នាក់​នោះ ១​ឈ្មោះ ដៀ​ត វណ្ណៈ អាយុ​១៦​ឆ្នាំ អស់​ខ្សែ​ក​ប្លា​ទី​ន​ចំនួន​១​ខ្សែ​ទម្ងន់​០៣​ជី ២​ឈ្មោះ វុន សា​វុ​ធ អាយុ​១៧​ឆ្នាំ អស់​ម៉ូតូ​ម៉ាក​ហុងដា​ឌ្រី​ម ស៊េរី​ឆ្នាំ​២០២០​មួយ​គ្រឿង និង ៣​ឈ្មោះ វ៉ា​ត់ ភូ​វង្ស អាយុ​១៧​ឆ្នាំ អស់​៥,៥៩៩​លាន​រៀល​។ ព៉ុ​ន្តែ​បន្ទាប់​ពី​ត្រូវ​ចាប់ខ្លួន សមត្ថកិច្ច​ដកហូត​បាន​វត្ថុ​តាង ម៉ូតូ​ម៉ាក​ហុងដា​ឌ្រី​ម ស៊េរី​ឆ្នាំ​២០២០ ចំនួន​០២​គ្រឿង ដែល​មួយ​គ្រឿង​ជា​របស់​ជន​រង​គ្រោះ និង មួយ​គ្រឿង​ទៀត​ជា​របស់​ជន​ត្រូវ​ចោទ​។

យ៉ាងណា​ក៏​ដោយ ក្រោយ​ពី​សួរនាំ​បឋម​នៅ​ស្នងការ​ខេត្ត ពេល​នេះ​កម្លាំង​ការិយាល័យ​ជំនាញ ខាងលើ​បា​នប​ញ្ជួ​ន​ជន​ត្រូវ​ចោទ​រូប​នេះ ទៅ​ប្រគល់​ជួន​តំណាង​អយ្យការ​អម​សាលា​ដំបូង​ខេត្ត ចាត់ការ​តាម​ផ្លូវច្បាប់​ហើយ រីឯ​ម៉ូតូ​មួយ​គ្រឿង​ដែល​ជា​របស់​ជន​រង​គ្រោះ​ក៏​ត្រូវ​បាន​ប្រគល់​ជូន​ជន​រង​គ្រោះ​វិញ​ផង​ដែរ​៕​

Picture