ADផ្ទាំងផ្សព្វផ្សាយពាណិជ្ជកម្ម

Picture

ល្បិច​ហៅ​កង់​បី​ជិះ​ទៅ​ដក​លុយ​ពី​១​កន្លែង​​ទៅ​១​កន្លែង តែ​មក​ចប់​ត្រឹម​អ្នក​រត់​​កង់​បី

8 ខែ មុន
  • ភ្នំពេញ

រាជធានី​ភ្នំពេញ ៖ បុរស​ម្នាក់​ជា​អ្នក​រត់​ម៉ូតូ​កង់​បី​ដឹក​ម៉ូយ​ទៅ​ពីរ​បី​កន្លែង​មិន​បាន​ប្រយ័ត្ន ក៏​ចាញ់​បោក​ជនសង្ស័យ​អស់​ទូរស័ព្ទ​ដៃ​មួយ​គ្រឿង និង​លុយ​៧​ម៉ឺន​រៀល​ទៀត លុះ​កន្លង​ទៅ​ជិត​កន្លះ​ខែ ទើប​ជួប​ម្តងទៀត ក៏​ប្តឹង​សមត្ថកិច្ច​យក​ទៅ​សួរនាំ​កាលពី​វេលា​ម៉ោង​៨​និង​១០​នាទី​យប់ ថ្ងៃ​ទី​២ ខែកុម្ភៈ…

រាជធានី​ភ្នំពេញ ៖ បុរស​ម្នាក់​ជា​អ្នក​រត់​ម៉ូតូ​កង់​បី​ដឹក​ម៉ូយ​ទៅ​ពីរ​បី​កន្លែង​មិន​បាន​ប្រយ័ត្ន ក៏​ចាញ់​បោក​ជនសង្ស័យ​អស់​ទូរស័ព្ទ​ដៃ​មួយ​គ្រឿង និង​លុយ​៧​ម៉ឺន​រៀល​ទៀត លុះ​កន្លង​ទៅ​ជិត​កន្លះ​ខែ ទើប​ជួប​ម្តងទៀត ក៏​ប្តឹង​សមត្ថកិច្ច​យក​ទៅ​សួរនាំ​កាលពី​វេលា​ម៉ោង​៨​និង​១០​នាទី​យប់ ថ្ងៃ​ទី​២ ខែកុម្ភៈ ឆ្នាំ​២០២១ តាម​បណ្តោយ​ផ្លូវ​កម្ពុជា​ក្រោម នៅ​ចំណុច​ក្បែរ​នឹង​ស្តុ​ប​DN ស្ថិត​ក្នុង​សង្កាត់​ផ្សារ​ដេប៉ូ​៣ ខណ្ឌទួលគោក ។

Picture

តាម​ប្រភព​ពី​សមត្ថកិច្ច​មូលដ្ឋាន​បានឱ្យ​ដឹង​ថា ជន​រង​គ្រោះ​ខាងលើ​ឈ្មោះ សន ឌា ភេទ​ប្រុស អាយុ​២៩​ឆ្នាំ មុខរបរ​អ្នក​រត់​ម៉ូតូ​កង់​បី ស្នាក់​នៅ​ម្តុំ​ផ្សារ​ព្រែក​ព្នៅ បាន​ឌុ​ប​ជនសង្ស័យ​ម្នាក់​មាន​ឈ្មោះ សុ​ន រ​ត្ន័​ថា ភេទ​ប្រុស អាយុ​៣៤​ឆ្នាំ ស្នាក់​នៅ​មិន​ពិតប្រាកដ ដោយ​បាន​ឌុ​ប​តាំងពី​ម៉ោង​១០​យប់ ថ្ងៃ​ទី​១០ ខែមករា ឆ្នាំ​២០២១ ចេញ​ពីមុខ​មន្ទីរពេទ្យ​អង្គ​ដួង ទៅ​កាន់​ផ្លូវ​វេ​ង​ស្រេង ។

Picture

សមត្ថកិច្ច​បន្ត​ថា ខណៈ​ពេល​ទៅ​ដល់ ស្រាប់តែ​ជនសង្ស័យ​ឱ្យ​ដឹក​ត្រឡប់​ចេញ​មក​វិញ​ទៅ​កាន់​ផ្លូវ​មុខ​ណា​ហ្គា​វើ​រ លុះ​ពេល​ទៅ​ដល់​ទៀត ជនសង្ស័យ​ក៏​បន្ត​ធ្វើ​ល្បិច​ជា​ដក​លុយ​អត់​បាន ហើយ​ខ្ចី​លុយ​ចំនួន​៧​ម៉ឺន​រៀល និង​ទូរស័ព្ទ​ដៃ​មួយ​គ្រឿង​ម៉ាក ViVO យក​ទៅ​បាត់​ស្រមោល ។

Picture

សមត្ថកិច្ច​បន្ត​ទៀត​ថា រហូត​មក​ដល់​ថ្ងៃ​កើតហេតុ​ខាងលើ​នេះ ជនសង្ស័យ​រូប​នោះ​ក៏​ប្រើ​ល្បិច​បន្ត​ធ្វើ​ជា​ហៅ​ម៉ូតូ​កង់​បី ចេញ​មក​ពី​អង្គ​ដួង​ទៅ​កាន់​ផ្សារ​ទួល​គោក​ដើម្បី​ដក​លុយ លុះ​ពេល​ទៅ​ដល់​ផ្សា​រហើយ ក៏​ស្រាប់តែ​ជនសង្ស័យ​ប្រាប់​ជន​រង​គ្រោះ​ថា ដក​លុយ​អត់​ចេញ រួច​ក៏​ឱ្យ​ដឹក​បន្ត​ទៅ​កាន់​ម្តុំ​កា​ណា​ឌី​យ៉ា​ហើយ​ក៏​នៅ​តែ​បន្ត​ដក​លុយ​មិន​បាន​ទៀត ទើប​ជនសង្ស័យ​ប្រាប់​អ្នក​រត់​ម៉ូតូ​កង់​បី​ឱ្យ​ដឹក​ទៅ​កាន់​មុខ​ណា​ហ្គា​វើ​រ រួច​ហើយ​ក៏​នៅ​តែ​ដក​លុយ​មិន​ចេញ​ទៀត ទើប​ខាង​ម៉ូតូ​កង់​បី​ដឹង​រឿង​ចង់​បោក​រូប​គាត់ ក៏​ដឹក​មក​ដល់​ផ្លូវ​កម្ពុជា​ក្រោម រួច​ប្តឹង​សមត្ថកិច្ច​ឱ្យ​ជួយ​ឃាត់​តែ​ម្តង ដើម្បី​យក​ទៅ​សួរនាំ​នៅ​ប៉ុស្តិ៍​ផ្សារ​ដេប៉ូ​៣ ។

Picture

គួរ​បញ្ជាក់​ថា ជនសង្ស័យ​ខាងលើ​នេះ គឺ​ធ្លាប់​ដើរ​បោកប្រាស់​គេ​អស់​ជា​ច្រើន​ដង​មក​ហើយ ក្រោយ​មក​គឺ​សមត្ថកិច្ច​បាន​ធ្វើការ​សួរនាំ រួច​ហើយ​ដឹង​ដំណើររឿង ក៏​បញ្ជូន​ខ្លួន​ជនសង្ស័យ​រូប​នេះ​ទៅ​កាន់​ប៉ុស្តិ៍​ទន្លេបាសាក់ ដើម្បី​ចាត់ការ​ទៅ​តាម​នីតិវិធី ។

Picture