ADផ្ទាំងផ្សព្វផ្សាយពាណិជ្ជកម្ម

Picture

ដឹង​មូលហេតុ ស្ត្រី​ពលករ​ខ្មែរ​មក​ពី​ថៃ​ម្នាក់បាត់បង់​ជីវិត​ក្នុង​ពេល​ធ្វើ​ច​ត្តា​ឡី​ស័ក​ហើយ

10 ខែ មុន
  • បន្ទាយមានជ័យ

រាជធានី​ភ្នំពេញ ៖ ស្ត្រី​ជា​ពលករ​ខ្មែរ​ម្នាក់ បាន​ស្លាប់​បាត់បង់​ជីវិត​នៅ​ក្នុង​ពេល​កំពុង​ធ្វើ​ច​ត្តា​ឡី​ស័ក​ដោយសារ​ជំងឺ​ប្រចាំ​កាយ​មាន​ភាព​ធ្ងន់ធ្ងរ​ខ្លាំង ។ នេះ​បើ​តាម​រដ្ឋបាល​ខេត្តបន្ទាយមានជ័យ ។ យោង​តាម​សេចក្តី​ប្រកាស​ព័ត៌មាន​រដ្ឋបាល​ខេត្តបន្ទាយមានជ័យ ដោយ​រដ្ឋបាល​ខេត្តបន្ទាយមានជ័យ បាន​ឲ្យ​ដឹង…

រាជធានី​ភ្នំពេញ ៖ ស្ត្រី​ជា​ពលករ​ខ្មែរ​ម្នាក់ បាន​ស្លាប់​បាត់បង់​ជីវិត​នៅ​ក្នុង​ពេល​កំពុង​ធ្វើ​ច​ត្តា​ឡី​ស័ក​ដោយសារ​ជំងឺ​ប្រចាំ​កាយ​មាន​ភាព​ធ្ងន់ធ្ងរ​ខ្លាំង ។ នេះ​បើ​តាម​រដ្ឋបាល​ខេត្តបន្ទាយមានជ័យ ។

Picture

យោង​តាម​សេចក្តី​ប្រកាស​ព័ត៌មាន​រដ្ឋបាល​ខេត្តបន្ទាយមានជ័យ ដោយ​រដ្ឋបាល​ខេត្តបន្ទាយមានជ័យ បាន​ឲ្យ​ដឹង នៅ​ថ្ងៃ​ទី​០២ ខែកុម្ភៈ ឆ្នាំ​២០២១ វេលា​ម៉ោង​១១ និង​១៥ នាទី មាន​ករណី​ស្ត្រី​ម្នាក់ អាយុ​២២​ឆ្នាំ មាន​ទីលំនៅ​ភូមិ ស្រះ​ខាងកើត ឃុំ​ព្រះនេត្រព្រះ ស្រុក​ព្រះនេត្រព្រះ ខេត្តបន្ទាយមានជ័យ បាន​ទទួលមរណៈភាព ។ រដ្ឋបាល​ខេត្តបន្ទាយមានជ័យ​បាន​បញ្ជាក់​ថា​«​នៅ​ថ្ងៃ​ទី​០២ ខែកុម្ភៈ ឆ្នាំ​២០២១ វេលា​ម៉ោង ១១​និង​១៥ នាទី​មាន​ករណី​ស្លាប់​ពលករ​ជា​អ្នកជំងឺ ដែល​បាន​វិល​ត្រឡប់​ពី​ប្រទេស​ថៃ ភេទ​ស្រី អាយុ​២២​ឆ្នាំ មាន​ទីលំនៅ​បច្ចុប្បន្ន​ភូមិ​ស្រះ​ខាងកើត ឃុំ​ព្រះនេត្រព្រះ ស្រុក​ព្រះនេត្រព្រះ ខេត្តបន្ទាយមានជ័យ មូលហេតុ​នៃ​ការ​ស្លាប់ គឺ​បូស​នៅ​ក្នុង​ខួរក្បាល (Abcé cérébrale) »​។

Picture

រដ្ឋបាល​បាន​ឲ្យ​ដឹង​ថា ស្ត្រី​ជា​ពលករ​ខាងលើ និង​ប្តី បាន​មក​ដល់​ប្រទេស​កម្ពុជា តាម​ច្រក​ចំបក់ ស្រុក​ម៉ា​ឡៃ នៅ​ថ្ងៃ​ទី​២០ ខែមករា ឆ្នាំ ២០២១ និង​បាន​បញ្ជូន​មក​ដល់​មណ្ឌល​ច​ត្តា​ឡី​ស័ក វិទ្យាល័យ​ម៉ា​ឡៃ នៅ​វេលា​ម៉ោង ៩​និង​៤៥​នាទី​ព្រឹក ដោយ​មាន​អាកា​រៈ​តម្អូញ ឈឺក្បាល ក្តៅខ្លួន​ខ្លាំង (៣៩.៥ អង្សារ​) និង​មាន​ក្អួតចង្អោរ ។ ដោយ​ពិនិត្យ​ឃើញ​អាកា​រៈ ធ្ងន់ធ្ងរ​ទើប​ក្រុម​គ្រូពេទ្យ​ប្រចាំការ​បាន​បញ្ជូន​មក​កាន់​មន្ទីរពេទ្យ​បង្អែក​ម៉ា​ឡៃ​សន្តិភាព ដើម្បី​ធ្វើការ​ពិនិត្យ ព្យាបាល និង​តាមដាន​សភាព​ជំងឺ​ជា​បន្ត ។

Picture

ប្រភព​បន្ត​ថា នៅ​ថ្ងៃ​ទី​២៥ ខែមករា ឆ្នាំ​២០២១ វេលា​ម៉ោង​១៦​និង ៣០​នាទី បន្ទាប់​ពី​ការ​តាមដាន និង​ព្យាបាល​សភាព​អ្នកជំងឺ​នៅ​មិន​បាន​ធូរស្បើយ​ទើប​សម្រេច​បញ្ជូន​មក​ធ្វើការ​ព្យាបាល​បន្ត​នៅ​មន្ទីរពេទ្យ​ខេត្ត​មិត្តភាព កម្ពុជា​-​ជប៉ុន មង្គល​បូ​រី ។ អ្នកជំងឺ​បាន​មក​ដល់​មន្ទីរពេទ្យ នៅ​វេលា​ម៉ោង​១៨​និង​៤០​នាទី នា​ថ្ងៃខែ​ឆ្នាំ​ដដែល ។ ពេល​មក​ដល់​មន្ទីរពេទ្យ អ្នកជំងឺ​ត្រូវ​បាន​សែង​ចុះ​ពី​ឡាន គិលានសង្គ្រោះ​បន្ទាន់ មក​ទៀត​ក្រុម​គ្រូពេទ្យ​បាន​ពិនិត្យ និង​សួរ​ប្រវត្តិ​អ្នកជំងឺ​ឃើញ​ថា អ្នកជំងឺ​មាន​ប្រវត្តិ​ឈឺក្បាល​រយៈពេល​២​ខែ​មក​ហើយ និង​មាន​អាកា​រៈ​ឈឺក្បាល​កាន់តែ​ខ្លាំង ក្អួត រឹង​ក និង​ពិបាក​កំរើក ឈឺពោះ វង្វេងស្មារតី ។

អ្នកជំងឺ និង​ប្តី ត្រូវ​បាន​យក​សំណាក​នៅ​ថ្ងៃ​ទី​២០ ខែមករា ឆ្នាំ​២០២១ លទ្ធផល​អវិជ្ជមាន ។ ប្រភព​បាន​លើក​ឡើង​ទៀត​ថា ក្នុង​រយៈពេល​សម្រាក​ព្យាបាល និង​តាមដាន​ចាប់ពី​ថ្ងៃ​ទី​២៥ ខែមករា ឆ្នាំ​២០២១ រហូត​ដល់​ថ្ងៃ​ទី​០២ ខែកុម្ភៈ ឆ្នាំ​២០២១ ក្រុម​គ្រូពេទ្យ​បាន​ពិនិត្យ និង​ព្យាបាល តាម​លក្ខណៈ​បច្ចេកទេស ដោយ​យកចិត្តទុកដាក់​បំផុត និង​មាន​កិច្ចសហការ​ផ្តល់​ការ​គាំទ្រ​បច្ចេកទេស​ពី​លោក​វេជ្ជបណ្ឌិត សាស្ត្រាចារ្យ​ថ្នាក់​ជាតិ​ដែល​មក​ប្រចាំការ​នៅ​ភូមិភាគ​បាត់ដំបង ។

ដោយ​សភាព​របស់​អ្នកជំងឺ​វិវត្តន៍​កាន់តែ​ធ្ងន់ធ្ងរ​ទៅ​ជា​លំដាប់ ទោះបីជា​ក្រុម​គ្រូពេទ្យ​របស់​យើង​ខិតខំ​សង្គ្រោះ​យ៉ាងណា​ក៏​ដោយ ក៏​នៅ​តែ​មិន​អាច​ជួយ​សង្គ្រោះ​គាត់​បាន​ឡើយ ហើយ​ក៏​បាន​ទទួលមរណភាព នៅ​ថ្ងៃ​ទី​០២ ខែកុម្ភៈ ឆ្នាំ​២០២១ វេលា​ម៉ោង​១១​និង​១៥​នាទី ដោយ​មូលហេតុ​បូស​ក្នុង​ខួរក្បាល (Abrérebrae) ។

រដ្ឋបាល​ខេត្ត សូម​បញ្ជាក់​ជូន​ផង​ដែរ​ថា ករណី​ស្ត្រី​ដែល​ទទួលមរណភាព​ខាងលើ មិនមែន​ស្លាប់ ដោយសារ​ជំងឺ​កូ​វី​ដ​១៩​ទេ ៕