ខេត្តបន្ទាយមានជ័យ ៖ កូនប្រុសនាំមិត្តភក្តិផឹកស៊ីនៅផ្ទះហើយពេលស្រវឹងស្រែកឡូឡាឪពុកម្តាយក៏ដើរចេញស្រាប់តែកូនប្រុសបានយកភ្លើងដុតផ្ទះចោល សំណាងត្រូវអ្នកជិតខាងរត់មកជួយពន្លត់ទាន់ ហើយកូនប្រុសរូបនេះរត់ចេញពីផ្ទះបាត់ស្រមោល ។ ហេតុការណ៍កើតឡើង កាលពីវេលាម៉ោង៨និង២៥នាទីថ្ងៃទី០១ កុម្ភៈ ស្ថិតភូមិគាបសង្កាត់ទឹកថ្លា…
ខេត្តបន្ទាយមានជ័យ ៖ កូនប្រុសនាំមិត្តភក្តិផឹកស៊ីនៅផ្ទះហើយពេលស្រវឹងស្រែកឡូឡាឪពុកម្តាយក៏ដើរចេញស្រាប់តែកូនប្រុសបានយកភ្លើងដុតផ្ទះចោល សំណាងត្រូវអ្នកជិតខាងរត់មកជួយពន្លត់ទាន់ ហើយកូនប្រុសរូបនេះរត់ចេញពីផ្ទះបាត់ស្រមោល ។
ហេតុការណ៍កើតឡើង កាលពីវេលាម៉ោង៨និង២៥នាទីថ្ងៃទី០១ កុម្ភៈ ស្ថិតភូមិគាបសង្កាត់ទឹកថ្លា ក្រុងសិរីសោភ័ណ។ បើតាមមន្ត្រីប៉ុស្តិ៍នគរបាលសង្កាត់ទឹកថ្លា បានប្រាប់ថា ជនខាងលើមានឈ្មោះថាន ចន្ទី ភេទប្រុស អាយុ២៣ឆ្នាំ មានឪពុកឈ្មោះ កែវ ថាន អាយុ៥៨ឆ្នាំ (មុខរបបរត់ម៉ូតូឌុប) និងម្តាយឈ្មោះ ថាន់ សាឡន អាយុ៦៤ឆ្នាំ រស់នៅភូមិកើតហេតុខាងលើ។
មន្ត្រីនគរបាលបានបញ្ជាក់ថា នៅពេលជនបង្កដុតផ្ទះឪពុក គឺបានទិញស្រា.សនិងសាច់ក្លែមមកផឹក ហើយមានមិត្តភក្តិម្នាក់ទៀតជិះម៉ូតូមកដល់ចូលផឹក ហើយស្រែកឡូឡាពេញផ្ទះ ។ ឪពុកម្តាយឃើញដូច្នេះ ក៏នាំគ្នាដើរចេញទៅផ្ទះកូនម្នាក់ទៀតនៅក្បែរនោះ ។ លុះមិត្តភក្តិផឹកជិះម៉ូតូចេញទៅបាត់ ស្រាប់តែជនបង្កបានស្រែកជេរគេឯងហើយយកដែកេះហ្គាសដុតផ្ទះឪពុកម្តាយបណ្តាលឱ្យឆាបឆេះ ហើយរត់គេចខ្លួនបាត់ ។
មន្ត្រីនគរបាលបានបញ្ជាក់ថា នៅពេលអគ្គិភ័យកំពុងឆាបឆេះត្រូវបានសាច់ញាតិជិតខាងនិងកម្លាំងសមត្តកិច្ចបានជួយអន្តរាគមន៍ពន្លតបានទាន់ពេល ។ តែឆេះសម្ភារក្នុងផ្ទៈបណ្តាលខូចខាត និងផ្ទះឆេះផ្នែកខាងក្រោមមានទំហំ៧ម៉ែត្រនិង៩ម៉ែត្រផ្ទៈឈើលើថ្មក្រោម ហើយកម្លាំងនគរបាលកំពុងស្រាវជ្រាវរកចាប់ខ្លួនជនបង្កដែលដុតផ្ទៈឪពុកដើម្បីចាត់ការតាមច្បាប់៕
ចែករំលែកព័តមាននេះ