ប្រទេសចិន ៖ ទីភ្នាក់ងារព័ត៌មានចិនស៊ីនហួ រាយការណ៍នាថ្ងៃទី១ ខែកុម្ភៈថា មនុស្សជាង៨០នាក់សង្ស័យផលិតវ៉ាក់សាំងប្រឆាំងវីរុស COVID-19 ក្លែងក្លាយបានត្រូវចាប់ខ្លួននៅចិន ។ ក្រុមមនុស្សទាំងនោះដែលជាសមាជិកនៃអង្គការមួយចាប់តាំងពីខែកញ្ញាមកបានផលិតវ៉ាក់សាំងក្លែងក្លាយបានជាង៣.០០០ដូស…
ប្រទេសចិន ៖ ទីភ្នាក់ងារព័ត៌មានចិនស៊ីនហួ រាយការណ៍នាថ្ងៃទី១ ខែកុម្ភៈថា មនុស្សជាង៨០នាក់សង្ស័យផលិតវ៉ាក់សាំងប្រឆាំងវីរុស COVID-19 ក្លែងក្លាយបានត្រូវចាប់ខ្លួននៅចិន ។
ក្រុមមនុស្សទាំងនោះដែលជាសមាជិកនៃអង្គការមួយចាប់តាំងពីខែកញ្ញាមកបានផលិតវ៉ាក់សាំងក្លែងក្លាយបានជាង៣.០០០ដូស ។ តាមប៉ូលិសចិនថា ពួកអ្នករៀបចំបណ្ដាញនោះបានយកល្បាយអំបិលចាត់ទុកជាវ៉ាក់សាំងប្រឆាំងវីរុស COVID-19 សម្រាប់លក់ក្នុងតម្លៃខ្ពស់ដល់បណ្ដាអ្នកត្រូវការក្នុងទីផ្សារ ។
យុទ្ធនាការចាក់វ៉ាក់សាំងប្រឆាំងវីរុសនោះនៅចិនចាប់ផ្ដើមតាំងពីរដូវក្ដៅកន្លងទៅនេះមក ហើយរដ្ឋាភិបាលចង់ចាក់វ៉ាក់សាំងដល់មនុស្សឲ្យបានប្រមាណជា៥០លាននាក់ជាអ្នកមានអាទិភាពរហូតដល់ថ្ងៃទី១២ កុម្ភៈ ខាងមុខនេះ ។
បច្ចុប្បន្នចិនមានវ៉ាក់សាំង២ដែលដាក់ឲ្យប្រើប្រាស់រួចហើយ គឺវ៉ាក់សាំងរបស់ក្រុមហ៊ុនរដ្ឋSHINOPHARM និងវ៉ាក់សាំងរបស់ក្រុមហ៊ុន SINOVAC ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ