ខេត្តបន្ទាយមានជ័យ ៖ មន្ត្រីនគរបាលចំនួន៤២នាក់ ត្រូវបានប្រកាសផ្ទេរភារកិច្ច តែងតាំងមុខតំណែងនិងបំពាក់ឋានន្តរស័ក្តិ ដែលពិធីនេះបានប្រព្រឹត្តទៅកាលពីថ្ងៃទី១ ខែកុម្ភៈ ឆ្នាំ២០២១ ក្រោមអធិបតីភាពលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការចូលរួមពីលោកអាន វណ្ណៈ អភិបាលរងស្រុកអូរជ្រៅ លោកស្នងការរង លោកនាយ នាយរងការិយាល័យ លោកអធិការ អធិការរងនិងមន្ត្រីនគរបាលជាច្រើនរូប។
តាមសេចក្តីរបស់អគ្គស្នងការដ្ឋាននគរបាលជាតិ ដែលអានដោយលោកវរសេនីយ៍ឯក យី ប៊ុនរឿង បានការិយាល័យ បុគ្គលិក ត្រូវបានសម្រេចផ្ទេរភារកិច្ច តែងតាំងមុខតំណែងនិងបំពាក់ឋានន្តិរស័ក្តិ ជូនដល់មន្ត្រីនគរបាលជាតិ នៃស្នងការដ្ឋាននគរបាលខេត្តបន្ទាតមានជ័យ នៃអធិការដ្ឋាននគរបាលស្រុកអូរជ្រៅ ចំនួន៤២រូប ក្នុងនោះសម្រេចបំពាក់ឋានន្តរស័ក្តិចំនួន២២នាក់ ។ថ្នាក់អនុសេនីយ៍ឯកចំនួន០៤នាក់, ថ្នាក់អនុសេនីយ៍ទោចំនួន០៦នាក់,ថ្នាក់អនុសេនីយ៍ត្រី ចំនួន០៩នាក់,ថ្នាក់ព្រិន្ទបាលឯកចំនួន០៣នាក់ និងត្រូវបានផ្ទេរភារកិច្ច តែងតាំងមុខតំណែងចំនួន២០នាក់ ថ្នាក់នាយប៉ុស្តិ៍រដ្ឋបាល០១និងនាយរងប៉ុស្តិ៍រដ្ឋបាលចំនួន០៩នាក់,ថ្នាក់ផ្នែក០១នាក់និងនាយរងថ្នែកចំនួន០៩នាក់ ។
ថ្លែងនាឱកាសនោះដែរ លោកអាន វណ្ណៈអភិបាលរងស្រុកអូរជ្រៅ និងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានថ្លែងនូវការកោតសរសើរដល់កងកម្លាំងនគរបាលស្រុកអូរជ្រៅ ដែលបានខិតខំបំពេញភារកិច្ចបានល្អរយៈកន្លងមក ធ្វើឲ្យសន្តិសុខ សណ្តាប់ធ្នាប់ក្នុងស្រុកអូរជ្រៅ មានលទ្ធផល ទន្ទឹមនោះផងដែរគឺបានជួយប្រជាពលរដ្ឋដែលរងគ្រោះដោយទឹកជំនន់ និងបានចូលរួមចំណែកមនុស្សធម៌ បានផ្តល់អំណោយ ដល់ប្រជាពលរដ្ជួបការលំបាកក្នុងជីវភាព ។
ក្នុងឱកាសនោះ លោកឧត្តមសេនីយ៍ទោសិទ្ធិ ឡោះ ក៏បានអបអរសាទរ ដល់មន្ត្រីនគរបាលនគរបាលទាំង៤២រូប ដែលត្រូវបានអគ្គស្នងការនគរបាលជាតិ សម្រេចដំឡើងឋានន្តរស័ក្តិ តែងតាំងមុខតំណែងនាឱកាស នេះគឺជាយកចិត្តទុកដាក់របស់ថ្នាក់ដឹកអគ្គស្នងការនគរបាលជាតិនិងក្រសួងមហាផ្ទៃ ចំពោះមន្ត្រីនគរបាលដែលបានខិតខំបំពេញភារកិច្ចបានល្អ ។
លោកឧត្តមសេនីយ៍ស្នងការបានបញ្ជាក់ទៀតថា៖ដើម្បីឲ្យភូមិ ឃុំ សង្កាត់ រក្សាបាននូវសន្តិសុខល្អ កម្លាំងនគរបាលប៉ុស្តិ៍រដ្ឋបាលត្រូវបន្តផ្សព្វផ្សាយពីភូមិ ឃុំ សង្កាត់មានសុវត្ថិភាព ពិសេសគឺផ្សព្វផ្សាយនូវខ្លឹមសារ ស្តីពី ភូមិ ឃុំ សង្កាត់ មានសុវត្ថិភាពថ្មី ដល់ប្រជាពលរដ្ឋនៅមូលដ្ឋាន ដើម្បីឲ្យគាត់បានដឹងនិងចូលរួមសហការជាមួយសមត្ថកិច្ច ដើម្បីមូលដ្ឋានមានសន្តិសុខល្អ។
ជាចុងក្រោយ លោឧត្តមសេនីយ៍័ទោ សិទ្ធិ ឡោះ បានផ្តាំផ្ញើដល់កងកម្លាំងនគរបាលស្រុកអូរជ្រៅទាំងអស់ ត្រូវខិតខំបំភារកិច្ចរបស់ខ្លួនបន្ថែមទៀត និងត្រូវបន្តអនុវត្តតាមសេចក្តីណែនាំរបស់ក្រសួងសុខាភិបាល ដើម្បីទប់ស្កាត់ការរីករាលដាលជម្ងឺកូវីដ១៩នេះ កុំឲ្យមានឆ្លងដល់សហគមន៍ ៕
ចែករំលែកព័តមាននេះ