រាជធានីភ្នំពេញ ៖ ទោះបីមានអក្សរសរសេរថា«ហាមនោម» ប៉ុន្តែហេតុអ្វីបានជាទៅនោមទៀត ឫមួយក៏ផ្គើននឹងបម្រាមរបស់អាជ្ញាធរខណ្ឌដូនពេញ ? នៅព្រឹក ថ្ងៃទី២ កុម្ភៈ ២០២១នេះ…
រាជធានីភ្នំពេញ ៖ ទោះបីមានអក្សរសរសេរថា«ហាមនោម» ប៉ុន្តែហេតុអ្វីបានជាទៅនោមទៀត ឫមួយក៏ផ្គើននឹងបម្រាមរបស់អាជ្ញាធរខណ្ឌដូនពេញ ? នៅព្រឹក ថ្ងៃទី២ កុម្ភៈ ២០២១នេះ កម្លាំងប្រជាការពារខណ្ឌដូនពេញ បានធ្វើការឃាត់ខ្លួន អ្នកបន្ទោបង់ ដាក់លើជញ្ជាំងតាមទីសាធារណៈ បានចំនួន ១៣នាក់ទៀត យកមកធ្វើកិច្ចសន្យា អប់រំ ណែនាំ នៅសាលាខណ្ឌ ដោយថតជាមួយស្លាកមានខ្លឹមសារ “ខ្ញុំឈប់ បន្ទោបង់តាមទីសាធារណៈ ទៀតហើយ” រួចហើយ ទើបអនុញ្ញាតអោយត្រឡប់វិញ ។
កន្លងមក នៅតែមានបុគ្គលមួយចំនួនតូចដែលគ្មានសណ្តាប់ធ្នាប់ គ្មានអនាម័យ បានបន្ទោបង់(នោម) នៅតាមទីសាធារណៈ ក្នុងមូលដ្ឋានខណ្ឌដូនពេញ ជាបន្តបន្ទាប់ ។
រយៈពេល ២សប្តាហ៍ មកនេះ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់ឲ្យកម្លាំងប្រជាការពារខណ្ឌដូនពេញ ត្រួតពិនិត្យ និងឃាត់ខ្លួនជនដែលបន្ទោបង់នៅតាមដើមឈើ តាមសួនច្បារ ជញ្ជាំងផ្ទះប្រជាពលរដ្ឋ ជញ្ជាំងការដ្ឋាន និងតាមទីសាធារណនានា បានជាច្រើននាក់ ដែលធ្វើឲ្យបាត់បង់សណ្តាប់ធ្នាប់របៀបរៀបរយ និងបង្កអោយមានក្លិនឆ្អេះឆ្អាប ដល់អ្នកធ្វើដំណើរ ប៉ះពាល់សុខភាពប្រជាពលរដ្ឋទូទៅ ។ល។
ក្រោយពិនិត្យឃើញជាក់ស្តែង កម្លាំងខណ្ឌដូនពេញ ក៏បានអញ្ជើញពួកគាត់មកធ្វើការអប់រំណែនាំ នៅសាលាខណ្ឌដូនពេញ និង បានឲ្យពួកគាត់ធ្វើការបាញ់លាងសម្អាត កន្លែងដែលពួកគាត់បន្ទោបង់រួច ទើបអនុញ្ញាតអោយពួកគាត់ត្រឡប់ទៅវិញ ។
រដ្ឋបាលខណ្ឌ សូមសំណូមពរដល់ បងប្អូនប្រជាពលរដ្ឋទាំងអស់ សូមកុំយកគំរូតាមពួកគាត់ និង សូមរកកន្លែង បន្ទោបង់អោយបានត្រឹមត្រូវ នៅបន្ទប់ទឹកសាធារណៈ ឬឯកជន ដែលនៅជិតលោកអ្នក ជៀសវាងធ្វើតាមពួកគាត់ បង្កភាពអនាធិបតេយ្យ បាត់សណ្តាប់ធ្នាប់ អនាម័យ និងប៉ះពាល់ដល់សុខភាពសាធារណជនផងដែរ ៕
ចែករំលែកព័តមាននេះ