រាជធានីភ្នំពេញ ៖ បុរសម្នាក់បានសម្រេចចិត្តបញ្ចប់ជីវីតដោយចង.កសម្លាប់ខ្លួន នៅក្នុងបន្ទប់ជួល បន្ទាប់ពីស្ត្រីជាប្រពន្ធរស់នៅមិនចុះសម្រុងគ្នា នាំកូនប្រុសម្នាក់រត់ចោលទុកអោយគាត់នៅតែតោល ជាមួយកូនប្រុស អាយុ៩ម្នាក់ទៀត ដែលហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោងប្រមាណ៨និង៣០នាទីយប់…
រាជធានីភ្នំពេញ ៖ បុរសម្នាក់បានសម្រេចចិត្តបញ្ចប់ជីវីតដោយចង.កសម្លាប់ខ្លួន នៅក្នុងបន្ទប់ជួល បន្ទាប់ពីស្ត្រីជាប្រពន្ធរស់នៅមិនចុះសម្រុងគ្នា នាំកូនប្រុសម្នាក់រត់ចោលទុកអោយគាត់នៅតែតោល ជាមួយកូនប្រុស អាយុ៩ម្នាក់ទៀត ដែលហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោងប្រមាណ៨និង៣០នាទីយប់ ថ្ងៃទី០១ ខែកុម្ភៈ ឆ្នាំ២០២១ នៅបន្ទប់លេខ ០៦៧G ផ្លូវលេខ ១០៣ ក្រុមទី៤ ភូមិបាក់ទូក សង្កាត់ទួលសង្កែ ១ ខណ្ឌឬស្សីកែវ រាជធានីភ្នំពេញ ។
ភ្លាមៗ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យកាលម៉ែត តែស្លាប់បាត់ទៅហើយ ។ បុរសដែលគិតខ្លី ត្រូវបាននគរបាលអោយដឹងថា ឈ្មោះ សម រដ្ឋា អាយុ៣៤ឆ្នាំ ជាកម្មករសំណង់ ស្នាក់នៅកន្លែងកើតហេតុខាងលើ មានប្រពន្ធ និងកូន ប្រុស២នាក់ ។
តាមក្រុមគ្រួសារបានអោយដឹងថា បុរសរូបនោះបានចង.កសម្លាប់ខ្លួននឹងខ្សែអង្រឹង ភ្ជាប់ទៅនឹងស្នួលហាលខោអាវ នៅក្នុងបន្ទប់ ហើយស្លាប់ដូចបំណង់ ។
តាមព័ត៌មានអោយដឹងថា នៅមុនពេលកើតហេតុ គេឃើញបុរសរូបនោះបានទិញស្រាចំនួន៣កំប៉ុង ផឹកនៅក្នុងបន្ទប់ជួល ។ បន្ទាប់ពីផឹកស្រវឹង បុរសរូបនោះក៏បានយកខ្សែ អង្រឹង មកចង.កសម្លាប់ខ្លួន ហើយត្រូវបានកូនប្រុសដែលរត់លេងនៅក្បែរនោះឃើញក៏បានរត់ចេញស្រែកប្រាប់ឪពុកមា និងអ្នកជិតខាងអោយមកជួយ ហើយនាំគ្នាកាត់ខ្សែទំលាក់ ហើយហៅម៉ូតូកង់៣ដឹកបញ្ជូនទៅសង្គ្រោះនៅមន្ទីរពេទ្យកាល់ម៉ែត តែត្រូវបានគ្រូពេទ្យថាស្លាប់ បាត់ទៅហើយ ។
តាមក្រុមគ្រួសារ បានអោយដឹងថា បុរសរូបនោះមានប្រពន្ធនឹងកូនប្រុសចំនួន២នាក់ ដែលកូនបងអាយុ៩ឆ្នាំ និងកូនប្អូនអាយុ៥ឆ្នាំ ។ មួយរយៈចុងក្រោយនេះ ជីវីតគ្រួសារក៏បានប្រេះឆា មានភាពកាំរកូស ដោយមានការឈ្លះជាប្រចាំ តែពុំដឹងថា មកពីមូលហេតុអ្វីពិតប្រាកដឡើយ ។ ដោយសារតែការរស់នៅមិនចុះសម្រុងគ្នា រយៈពេលប្រមាណជាង១ខែមកហើយ ស្ត្រីជាប្រពន្ធ ក៏បានសម្រេចចិត្ត ចុះចោលផ្ទះ(លែងលះគ្នា )ដោយយកកូនប្រុសអាយុ៥ ទៅរស់នៅធ្វើការ នៅខេត្តកំពង់ស្ពឺ ។
តាមក្រុមគ្រួសារអោយដឹងទៀតថា មូលហេតុដែលនាំអោយគ្រួសារនេះបែកបាក់គ្នាឈ្លោះទាស់ទែងគ្នា ហើយប្រពន្ធរត់ចោលដោយសារតែភាពក្រីក្រ ព្រោះមួយរយៈនេះប្តី មិនស្រូវមានការងារធ្វើ ។ បន្ទាប់ពីប្រពន្ធរត់ចោល ធ្វើអោយបុរសរូបនោះបាក់ទឹកចិត្ត លែងមានក្តីសង្ឃឹមក្នុងជីវីត ហើយគិតតែផឹកលែងគិតធ្វើការងារហើយបានបញ្ចប់ជីវីតដោយចង.កសម្លាប់ខ្លួនតែម្តង ។ សពតម្កល់នៅសាលសពមន្ទីរពេទ្យកាលម៉ែត រងចាំ នគរបាលជំនាញត្រួតពិនិត្យ រួចប្រគលអោយក្រុមគ្រួសារនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ