រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីថ្ងៃទី៣ ដល់៩ខែកុម្ភៈខាងមុខនេះ តំបន់មួយចំនួនរបស់កម្ពុជានឹងចុះត្រជាក់ ហើយមានភ្លៀងពីតិចទៅមធ្យម ។ យោងតាមសេចក្តីជូនដំណឹងរបស់ក្រសួងធនធានទឹក…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីថ្ងៃទី៣ ដល់៩ខែកុម្ភៈខាងមុខនេះ តំបន់មួយចំនួនរបស់កម្ពុជានឹងចុះត្រជាក់ ហើយមានភ្លៀងពីតិចទៅមធ្យម ។
យោងតាមសេចក្តីជូនដំណឹងរបស់ក្រសួងធនធានទឹក នៅថ្ងៃទី២ ខែកុម្ភៈ ស្តីពីស្ថានភាពធាតុអាកាស ចាប់ពីថ្ងៃទី៣ ដល់ថ្ងៃទី៩ ខែកុម្ភៈ ឆ្នាំ២០២១បានឲ្យដឹងថា នៅថ្ងៃទី៣-៧ ខែកុម្ភៈ ឆ្នាំ២០២១ ព្រះរាជាណាចក្រកម្ពុជាទទួលឥទ្ធិពលពីខ្យល់មូសុងឦសានពីមធ្យម ទៅខ្លាំង ។ និងនៅថ្ងៃទី ៨-៩ ខែកុម្ភៈ ឆ្នាំ២០២១ ព្រះរាជាណាចក្រកម្ពុជា ទទួលឥទ្ធិពលពីកម្រិតសម្ពាធទាប ខ្សោយ និងឥទ្ធិពលខ្យល់ប្រឹស (BREEZE) ដែលបក់មកពីឈូងសមុទ្រថៃ ។
ក្រសួងបន្តថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាល សីតុណ្ហភាពអប្បបរមា មានពី ១៩-២០ °C និងសីតុណ្ហភាពអតិបរមា មានពី ៣១-៣៤ °C។ នៅថ្ងៃទី ៨-៩ ខែកុម្ភៈ សីតុណ្ហភាពអប្បបរមាមានពី ២២-២៥ C និងសីតុណ្ហភាពអតិបរមា មានពី ២៨-៣១ °C មានភ្លៀងខ្សោយ ទៅមធ្យម នៅខេត្តតាកែវ ខេត្តកណ្តាល ខេត្តកំពង់ស្ពឺ ខេត្តព្រៃវែង ខេត្តពោធិ៍សាត់ ខេត្តបាត់ដំបង និងខេត្តប៉ៃលិន ។
ចំណែកបណ្តាខេត្ត ដាប់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមា មានពី ១៦-១៩ °C និងសីតុណ្ហភាពអតិបរមា មានពី ៣១-៣៤ °C ។ នៅថ្ងៃទី ៨-៩ ខែកុម្ភៈ សីតុណ្ហភាពអប្បបរមាមានពី ២០-២៣ °C និងសីតុណ្ហភាពអតិបរមា មានពី ២៨-៣១ °C មានភ្លៀងខ្សោយ នៅតំបន់នៅខេត្ត ត្បូងឃ្មុំ និងខេត្តកំពង់ចាម ។
ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី ២០-២៣ °C និងសីតុណ្ហភាពអតិបរមា មានី ២៨-៣១ °C ។នៅថ្ងៃទី ៨-៩ ខែកុម្ភៈ សីតុណ្ហភាពអប្បបរមាមានពី ២១-២៤ °C និងសីតុណ្ហភាពអតិបរមា មានពី ២៧-៣០ °C មានភ្លៀងពីខ្សោយទៅមធ្យមនៅខេត្តកោះកុង ខេត្តព្រះសីហនុ ខេត្តកំពត និងខេត្តកែប ៕
ចែករំលែកព័តមាននេះ