ADផ្ទាំងផ្សព្វផ្សាយពាណិជ្ជកម្ម

Picture

ធ្លាក់​ថ្ម​ម៉ា​ប​សង្កត់​កម្មករ​ម្នាក់បាត់បង់ជីវិត នៅ​សង្កាត់​ស្ទឹង​មាន​ជ័យ​១

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ កម្មករ​លើក​ថ្ម​ម្នាក់ បាន​ស្លាប់​បាត់បង់​ជីវិត ក្រោយ​ត្រូវ​ថ្ម​ម៉ា​ប​ធំ​មួយ​ផ្ទាំង ធ្លាក់​ពីលើ​រថយន្ត​សង្កត់ពីលើ នៅ​ក្នុង​ទីតាំង​ឃ្លាំង​សិប្បកម្ម​ថ្ម​ម៉ា​ប​ធំ​មួយ​កន្លែង ស្ថិត​ក្នុងភូមិ​ទ្រា​៣ ក្នុង​សង្កាត់​ស្ទឹង​មាន​ជ័យ​ទី​១ ខណ្ឌមានជ័យ…

រាជធានី​ភ្នំពេញ ៖ កម្មករ​លើក​ថ្ម​ម្នាក់ បាន​ស្លាប់​បាត់បង់​ជីវិត ក្រោយ​ត្រូវ​ថ្ម​ម៉ា​ប​ធំ​មួយ​ផ្ទាំង ធ្លាក់​ពីលើ​រថយន្ត​សង្កត់ពីលើ នៅ​ក្នុង​ទីតាំង​ឃ្លាំង​សិប្បកម្ម​ថ្ម​ម៉ា​ប​ធំ​មួយ​កន្លែង ស្ថិត​ក្នុងភូមិ​ទ្រា​៣ ក្នុង​សង្កាត់​ស្ទឹង​មាន​ជ័យ​ទី​១ ខណ្ឌមានជ័យ រាជធានី​ភ្នំពេញ ។

Picture

ហេតុការណ៍​នេះ កើតឡើង​តាំងពី​វេលា​ម៉ោង​១៤​រសៀល​មក​ម្លេះ ប៉ុន្តែ​ទើបតែ​បង្ក​អោយ​មានការ​ភ្ញាក់ផ្អើល​ខ្លាំង​នៅ​វេលា​ម៉ោង​១៧ និង​០០​នាទី​រសៀល​ថ្ងៃ​ទី​១ ខែ​កុ​ម្ភះ ឆ្នាំ​២០២១​នេះ ។

Picture

ជន​រង​គ្រោះ​ពុំ​ទាន់​ត្រូវ​បាន​ស្គាល់​អត្តសញ្ញាណ ខ​ណៈ​សមត្ថកិច្ច​ជំនាញ​កោសល្យ​វិ​ច្ច័​យ កំពុង​ពិនិត្យ​សាកសព​នៅ​ខាងក្នុង​ទីតាំង ដោយ​ពុំ​អនុញ្ញាត្តិ​អោយ​មានការ​ចូល​ទៅ​សួរនាំ ឬ​ផ្តិត​យក​រូបភាព​ឡើយ ។

Picture

តាម​ប្រភព​ព័ត៌មាន អោយ​ដឹង​ថា នៅ​មុន​កើតហេតុ គេ​ស​ង្គេ​ត​ឃើញ រថយន្ត​កុងតឺន័រ​ដឹក​ថ្ម​ម៉ា​ប​ធុន​ធំ​មួយ​គ្រឿង បាន​រ៉ឺ​យ៉ែ ​ចូល​ក្នុង​ទីតាំង​សិប្បកម្ម ដើម្បី​ទម្លាប់​ថ្ម​ម៉ា​ប ។ ពេល​នោះ​ក្រុម​កម្មករ​ដែល​មាន​តួនាទី​លើក​ថ្ម ក៏​បាន​នាំ​គ្នា​លើក​ថ្ម​ចុះ​ជា​បន្តបន្ទាប់ ប៉ុន្តែ​ដោយសារ​ការ​លើក​មាន​ភាព​ធ្វែ​ស​ប្រហែស ក៏​បណ្តាល​អោយ​ថ្ម​ម៉ា​ប​នៅ​លើ​រថយន្ត​មួយ​ផ្ទាំង ធ្លាក់​ចុះ​ទៅ​សង្កត់​កម្មករ​ម្នាក់​ដែល​នៅ​ខាងក្រោម បណ្តាល​អោយ​ស្លាប់​តែ​ម្តង ព្រោះតែ​រង​នូវ​ទម្ងន់​ដ៏​ធ្ងន់​របស់​ថ្ម​ម៉ា​ប ។

Picture

ប្រភព​បន្ត​ថា បន្ទាប់​ពី​កើតហេតុ មានការ​ដឹក​សាកសព​តាម​រ៉ឺ​ម៉ក​ម៉ូតូ​យក​ទៅ​មន្ទីរពេទ្យ ដោយ​គិត​ថា ជន​រង​គ្រោះ​មិន​ទាន់​ស្លាប់ លុះដល់​ពេទ្យ ត្រូវ​បាន​ក្រុម​គ្រូពេទ្យ​បញ្ជាក់​ថា ស្លាប់ ក៏​បាន​ដឹក​បន្ត​ទៅវត្ត​មួយ « មិន​មានការ​បញ្ជាក់​ឈ្មោះ » ដើម្បី​ធ្វើបុណ្យ ប៉ុន្តែ​ពេល​នោះ ត្រូវ​បាន​កម្លាំង​នគរបាល​មូលដ្ឋាន សហការ​ជាមួយ​នគរបាល​ផ្នែក​កោសល្យ​វិ​ច្ច័​យ បាន​តម្រូវ​អោយ​មានការ​ដឹក​សាកសព​យក​ទៅ​កាន់​ទីតាំង​កើតហេតុ​វិញ ដើម្បី​ពិនិត្យ​វិ​ច្ច័​យ អំពី​មូលហេតុ នៃ​ការ​ស្លាប់ ។

Picture

បច្ចុប្បន្ន មន្ត្រី​ជំនាញ កំពុង​ធ្វើ​កោសល្យ​វិ​ច្ច័​យ​ពិនិត្យ ដោយ​ពុំ​ទាន់​មាន​លទ្ធិ​ផល​យ៉ាងណា​ទាំងអស់ ។ ដោយឡែក​ចំពោះ ទិដ្ឋភាព​នៅ​ជុំវិញ​ទីតាំង​កើតហេតុ គឺ​មាន​បងប្អូន​ពលរដ្ឋ និង​អ្នកដំណើរ​នាំ​គ្នា​ចោមរោម​មើល​ច្រើន ៕

Picture