ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់​ជាប់រវល់​ទៅ​បុណ្យសព​បងប្អូន​ត្រូវ​ចោរ​គាស់​ផ្ទះ​ចូល​លួច​ទ្រព្យសម្បត្តិ

8 ខែ មុន
  • ភ្នំពេញ

រាជធានី​ភ្នំពេញ ៖ បុរស​ម្នាក់​ក្រោយ​ពី​បិទទ្វារ​ផ្ទះ​ចាក់សោរ ហើយ​រួចរាល់​ក៏​បាន​ធ្វើ​ដំណើរ​ចាកចេញ​ទៅ​បុណ្យសព​បងប្អូន​ដែល​ស្លាប់​ក្នុង​ឧប្បត្តិហេតុ​គ្រោះថ្នាក់​ចរាចរណ៍​មួយ​នៅ​ឯ​ខេត្តតាកែវ ដោយ​ពុំ​មាន​អ្នក​នៅ​ចាំ​មើល​ផ្ទះ​ឲ្យ​គាត់​ឡើយ ។ ក្រោយមក​ក៏​ស្រាប់តែ​ជនសង្ស័យ​ម្នាក់​បាន​ទៅ​ធ្វើ​សកម្មភាព​គាស់​ចម្រឹង​បង្អួច​ផ្ទះ​ផ្នែក​ខាងក្រោយ រួច​លូន​ចូល​ទៅ​ក្នុងផ្ទះ​លួច​យក​កាបូបស្ពាយ​១ ដែល​មាន​លិខិត ឆ្លង​ដែន​ជា​ច្រើន​ក្បាល…

រាជធានី​ភ្នំពេញ ៖ បុរស​ម្នាក់​ក្រោយ​ពី​បិទទ្វារ​ផ្ទះ​ចាក់សោរ ហើយ​រួចរាល់​ក៏​បាន​ធ្វើ​ដំណើរ​ចាកចេញ​ទៅ​បុណ្យសព​បងប្អូន​ដែល​ស្លាប់​ក្នុង​ឧប្បត្តិហេតុ​គ្រោះថ្នាក់​ចរាចរណ៍​មួយ​នៅ​ឯ​ខេត្តតាកែវ ដោយ​ពុំ​មាន​អ្នក​នៅ​ចាំ​មើល​ផ្ទះ​ឲ្យ​គាត់​ឡើយ ។

Picture

ក្រោយមក​ក៏​ស្រាប់តែ​ជនសង្ស័យ​ម្នាក់​បាន​ទៅ​ធ្វើ​សកម្មភាព​គាស់​ចម្រឹង​បង្អួច​ផ្ទះ​ផ្នែក​ខាងក្រោយ រួច​លូន​ចូល​ទៅ​ក្នុងផ្ទះ​លួច​យក​កាបូបស្ពាយ​១ ដែល​មាន​លិខិត ឆ្លង​ដែន​ជា​ច្រើន​ក្បាល និង​កុំព្យូទ័រ​នៅ​ក្នុង​នោះ​ផង​ដែរ ។ បន្ទាប់​ពី​លួច​បាន​សម្រេច​ហើយ ជនសង្ស័យ​ខាងលើ​បាន​ឡើង​ផ្លោះ​របង​ចេញពី​ក្នុង​បរិវេណ​ផ្ទះ​ខាងលើ​ប្រុង​រត់គេច​ខ្លួន ប៉ុន្តែ​សំណាងអាក្រក់​គេច​អត់​រួច ត្រូវ​បាន​កម្លាំង​នគរបាល​ប៉ុស្តិ៍​រលួស​ល្បាត​ប្រទះ​ឃើញ​ក៏​ធ្វើការ​ឃាត់ខ្លួន​តែ​ម្ដង ។

Picture

ហេតុការណ៍​នោះ​បាន​កើតឡើង កាលពី​កាលពី​វេលា​ម៉ោង​១២​ថ្ងៃត្រង់ ថ្ងៃ​ទី​៣១ ខែមករា ឆ្នាំ​២០២១ ត្រង់​ចំណុច​ផ្ទះ​លេខ​០៧ ផ្លូវ​KS ០៣ ស្ថិត​នៅ​ភូមិ​កណ្តាល សង្កាត់​រលួស ខណ្ឌដង្កោ រាជធានី​ភ្នំពេញ ។

Picture

បុរស​ដែល​ជា​ម្ចាស់ផ្ទះ​ខាងលើ​នោះ​ឈ្មោះ អ៊ុ​ក គ​ន្ធា អាយុ​៣២​ឆ្នាំ ជនជាតិ​ខ្មែរ មុខរបរ​បុគ្គលិក​ក្រុមហ៊ុន​នាំ​ពលករ​ចេញ​ទៅ​ធ្វើការ​នៅ​ក្រៅប្រទេស និង​ស្នាក់​នៅ​ក្នុងផ្ទះ​នោះ​តែ​ម្ដង ។ ចំណែក​សម្ភារៈ​នៅ​ក្នុង​កាបូប​រួម​មាន​លិខិតឆ្លងដែន (​កម្ពុជា​) ចំនួន​៣១​ក្បាល និង​កុំព្យូទ័រ​ម៉ាក ASUS ១​គ្រឿង ។ រីឯ​ជនសង្ស័យ​ដែល​ត្រូវ​ចាប់ខ្លួន​នោះ​ឈ្មោះ សាន សៀម ភេទ​ប្រុស អាយុ​៣៩​ឆ្នាំ ជនជាតិ​ខ្មែរ មុខរបរ មិន​ពិតប្រាកដ ស្នាក់​នៅផ្ទះ​ជួល​ភូមិ​រោល​ជ្រូក សង្កាត់​ព្រៃវែង ខណ្ឌដង្កោ រាជធានី​ភ្នំពេញ ។

នគរបាល​ដកហូត​បាន​លិខិតឆ្លងដែន (​កម្ពុជា​) ចំនួន​៣១​ក្បាល , កុំព្យូទ័រ​ម៉ាក ASUS ១ គ្រឿង ដែល​ជា​កម្មសិទ្ធិ​របស់​ជន​រង​គ្រោះ កូនសោ​ចំនួន​៥ , ទួន​ណា​វី​ស​ចំនួន​១,​កាបូបស្ពាយ​ពណ៌​ខ្មៅ​១,​ដែក​ជ្រុង​ចុង​សំប៉ែត​ស្រួច​១ ,​កាបូប​តូច​ចំនួន​២,​ទូរស័ព្ទ​ដៃ​ម៉ាក​OPPO ពណ៌​ទឹកមាស​១​គ្រឿង សម្ភារៈ​ទាំងនេះ គឺជា​របស់​ជនសង្ស័យ ។

តាម​ប្រភព​ព័ត៌មាន​បាន​ឲ្យ​ដឹង​ថា នៅ​វេលា​ព្រឹក​ថ្ងៃ​ទី​៣១ ខែមករា មុន​ពេល​កើតហេតុ​ជន​រង​គ្រោះ​បាន​បិទទ្វារ​ផ្ទះ​ចាក់សោ រួច​ត្រឹមត្រូវ​ក៏​បាន​ធ្វើ​ដំណើរ​ចាកចេញ​ទៅ​ចូលរួម​បុណ្យសព​បងប្អូន​ដែល​ស្លាប់​នៅ​ក្នុង​ឧប្បត្តិហេតុ​គ្រោះថ្នាក់​ចរាចរណ៍​នៅ​ឯ​ខេត្តតាកែវ ដោយ​ពុំ​មាន​អ្នក​ចាំផ្ទះ​ឲ្យ​ឡើយ ។ រហូត​ដល់​វេលា​ម៉ោង​១២​ថ្ងៃត្រង់ ថ្ងៃខែ​ឆ្នាំ​ដដែល ជនសង្ស័យ​បាន​ទៅ​ធ្វើ​សកម្មភាព​គាស់​ចម្រឹង​បង្អួច​ផ្ទះ​នេះ​ផ្នែក​ខាងក្រោយ រួច​លូន​ចូល​ទៅ​ក្នុងផ្ទះ​លួច​យក​កាបូបស្ពាយ​ពណ៌​ខ្មៅ​ដាក់​លិខិតឆ្លងដែន និង​កុំព្យូទ័រ​បាន​សម្រេច រួច​ហើយ​ក៏​បាន​ឡើង​ផ្លោះ​របង​ចេញ​មក​ខាងក្រៅ​វិញ​បម្រុង​គេចខ្លួន ។

ប្រភព​ដដែល​បាន​បន្ត​ថា ពេល​នោះ​ជា​សំណាងអាក្រក់​ត្រូវ​បាន​កម្លាំង​នគរបាល​ប៉ុស្តិ៍​រលួស​ល្បាត​ទៅ​ដល់ ឃើញ​ជនសង្ស័យ​កំពុង​ផ្លោះ​របង​បែប​នេះ មានការ​សង្ស័យ​ក៏​បាន​ហៅ​ឲ្យ​ឈប់​រួច​ធ្វើការ​ត្រួតពិនិត្យ ហើយ​បានឃើញ​សម្ភារៈ​ទាំងនោះ​ទើប​ឃាត់ខ្លួន​តែ​ម្ដង ។ បន្ទាប់​មក​បាន​នាំ​ទៅ​សាកសួរ​នៅ​អធិការដ្ឋាន​នគរបាល​ខណ្ឌដង្កោ ហើយ​ជនសង្ស័យ​ក៏​បាន​សារភាព​ថា ខ្លួន​ពិតជា​បាន​ធ្វើ​សកម្មភាព​គាស់​ចំរឹង​បង្អួច​ផ្ទះ​របស់​ជន​រង​គ្រោះ​លួច​យក​ទ្រព្យសម្បត្តិ​ប្រាកដ​មែន ។

ក្រោយ​ពី​ការ​ឃាត់ខ្លួន​បាន​ជាក់ស្ដែង និង​ទទួល​បាន​ចម្លើយ​សារភាព​ពី​ជន​នេះ ព្រមទាំង​វត្ថុ​តាង​ផង​នោះ កម្លាំង​នគរបាល​បាន​កសាង​សណុំ​រឿង​ត្រៀម​បញ្ជូន​ទៅ​សាលាដំបូង​រាជធានី​ភ្នំពេញ​ចាត់ការ​តាម​ច្បាប់​ហើយ ៕