ព្រះសង្ឃជាង១០០អង្គនិមន្តបិណ្ឌបាត្រក្នុង​ក្រុងកំពង់ចាម​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ព្រះសង្ឃជាង១០០អង្គនិមន្តបិណ្ឌបាត្រក្នុង​ក្រុងកំពង់ចាម​

4 ខែ មុន

ខេត្តកំពង់ចាម ៖ តាំងពី​បុរាណកាល​រហូត​មក​ ដល់​បច្ចុប្បន្ន​ប្រជាពលរដ្ឋ​ខ្មែរ​ប្រុស​-ស្រី នៅ​តែ​ប្រតិបត្តិ​គោរព​ព្រះពុទ្ធ​សាសនា ដោយ​មិន​ដែល​អ​ខាន​នោះ​ទេ​។ ​ជាក់ស្តែង ​នៅ​ព្រឹក​ថ្ងៃ​ទី​២៨ មក​រា ២០២១…

ខេត្តកំពង់ចាម ៖ តាំងពី​បុរាណកាល​រហូត​មក​ ដល់​បច្ចុប្បន្ន​ប្រជាពលរដ្ឋ​ខ្មែរ​ប្រុស​-ស្រី នៅ​តែ​ប្រតិបត្តិ​គោរព​ព្រះពុទ្ធ​សាសនា ដោយ​មិន​ដែល​អ​ខាន​នោះ​ទេ​។ ​ជាក់ស្តែង ​នៅ​ព្រឹក​ថ្ងៃ​ទី​២៨ មក​រា ២០២១ ព្រះសង្ឃ​ចំនួន​ជាង​១០០​អង្គ បាន​និមន្ត​គោចរ​តាម​ដងផ្លូវ​នានា​ក្នុង​ក្រុង​កំពង់ចាម បិណ្ឌបាត្រក្នុង​ពិធីបុណ្យ​មាឃបូជា គេ​សង្កេត​ឃើញ​ប្រជាពល​រដ្ឋ ភាគច្រើន​សស្រាក់សស្រាំ​គោរព​ប្រតិបត្តិ ដោយ​បះ​ង​សួង​សុំ​សេចក្តីសុខ​នៅ​ក្នុង​ក្រុម​គ្រួសារ​រាង​ៗ​ខ្លួន​។

Picture

ឧបាសិកា ស៊ា​ង អាយុ ៦៧​ឆ្នាំ រស់នៅ​ភូមិ​បឹង​កុក​ទី​២ សង្កាត់​បឹង​កុក ក្រុង​កំពង់ចាម បាន​រៀបរាប់​ឲ្យ​ដឹង​ថា ​គាត់​បាន​ប្រតិបត្តិ​គោរព​ព្រះពុទ្ធ​សាសនា តាំង​តែ​ពី​នៅ​កុមារភាព​តាម​ឪពុក​ម្ដាយ ហើយ​រហូត​មក​ដល់​សព្វថ្ងៃ​ក៏​គាត់​នៅ​តែ​គោរព មិន​ដែល​អាក់ខាន​ម្តង​ណា​នោះ​ទេ​។​ ហើយ​នៅ​ថ្ងៃ​បុណ្យ​មា​ខ​បូជា រូប​គាត់​ក៏​ដូច​ជា​អ្នក​ភូមិ​ដទៃ​ទៀត​បាន​នាំ​គ្នា​ឈរ​នៅ​ពីមុខ​ផ្ទះ​ដើម្បី​រង​ចាំ​ដាក់​ចង្ហាន់​ឬ​ក៏​បច្ច័យ ប្រគេន​ព្រះសង្ឃ​ជា​ច្រើន​អង្គ​ដែល​និមន្ត​កាត់​តាម​មុខ​ផ្ទះ​។

Picture

ឧបាសិកា ស៊ា​ង រៀបរាប់​ឲ្យ​ដឹង​ទៀត​ថា ដោយឡែក ​សម្រាប់​ថ្ងៃសីល​វិញ​គាត់​តែងតែ​ទៅ​វត្ត​បឹង​កុក ទៀងទាត់​ហើយ​ថ្ងៃ​ណា​ដែល​មិន​ស្រួលខ្លួន​គេ​មិន​បាន​ទៅ​នោះ​ទេ​។ ហើយ​បុណ្យ​មិនបាច់​ទៅ​វត្ត​ក៏​បាន​ដែរ ឱ្យ​តែ​ចិត្ត​របស់​យើង​ស្មោះសរខិ​ត​ខំ​ធ្វើ​ល្អ នោះ​ផល​ដែល​បាន​មក​ក៏​ល្អ ។​ ក្រោម​ការ​ដឹកនាំ​របស់​ព្រះ​ចៅអធិការ​វត្ត​បឹង​កុក​ព្រះ​នាម​ខាន់ ខាត់ បាន​ធ្វើ​ឱ្យ​ទី​អារាម​ មានការ​រីក​ចម្រើន​ជាមួយ​នោះ​តែងតែមាន ព្រះពុទ្ធ​សាសនិក​ឆ្ងាយ​ចិត្ត​តែងតែ​នាំ​គ្នា​មក​វត្ត​ធ្វើបុណ្យ​ដាក់​ទាន​។

Picture

ព្រះ​លិខិត​រង្សី បណ្ឌិត​ខាន់ ខាត់ ព្រះ​ចៅអធិការ​វត្ត​ជោ​ត​នា​រាម​(​បឹង​កុក​) មាន​ថេរ​ដិ​កា​ឱ្យ​ដឹង​ដែរ​ថា ពិធីបុណ្យ​មាឃបូជា​គឺ​ចាត់ទុកជា​បុណ្យ​ធំ​មួយ​ភ្ជាប់​ជាមួយនឹង​ពិសាខបូជា បុណ្យ​នេះ​ធ្វើ​ឡើង​ក្នុង​បុព្វហេតុ​មហា​មង្គល ២​ប្រការ​ក្នុង​នោះ ៖

Picture

១-​ថ្ងៃ​ព្រះសង្ឃ​ប្រកាស​ពុទ្ធ​ធម្មនុញ្ញ​ដល់​សាវក​ទាំងអស់​ដែល​មាន​ចំនួន​១.២៥០​ព្រះ​អង្គ ដែល​ជា​ព្រះអរហន្ត ដែល​ជា​ធនធាន​សង្ឃ​នៅ​ក្នុង​ពុទ្ធ​មណ្ឌល ព្រះ​ផលិត​បាន​នឹង​ប្រកាស​នៅ​ធម្មនុញ្ញ​ឲ្យ​ប្រើប្រាស់​ឈ្មោះ​ថា​ឱវាទ​បាដិមោក្ខ ជា​គោល​ការ​ដឹកនាំ​ជីវិត​ឱ្យ​មាន​សេចក្តីសុខ​ចម្រើន។២-​ប្រកាស​ចំពោះ​ថ្ងៃ​ដែល​ព្រះ​អង្គ ដាក់​អាយុសង្ខារ​ចំពោះ​មុខ​មា ដែល​ព្រះ​អង្គ​បាន​ពិចារណា​ថា​សាវក​ដែល​ព្រះ​អង្គ​បាន​សំដែង​ធម៌​ប្រាប់​បាន​ពរ​ជ្រួតជ្រាប ទទួល​បាន​រតនា​ពី​មា ព្រះ​អង្គ​ដែល​មាន​វ័យ​ល្មម​ចូល​និវត្តន៍​…​។

Picture

ព្រះ​ចៅអធិការ​វត្ត​បឹង​កុក មាន​ថេរ​ដីកា​បន្ត​ថា ពិធីបុណ្យ​មាឃបូជា​នេះ​បាន​ធ្វើ​ឲ្យ​ពុទ្ធ​សាសនិក​ទូ​ទាំង​ពិភពលោក​កំណត់​យក​ថ្ងៃនេះ​ជា​ថ្ងៃ​ប្រវត្តិសាស្ត្រ​។​ដោយ​បាន​ធ្វើ​ឲ្យ​ពុទ្ធបរិស័ទ​បាន​នាំ​គ្នា​មក​វត្ត យក​ចង្ហាន់​ប្រគេន​ព្រះសង្ឃ​ហ្នឹង​ស្ដាប់​ការ​សម្ដែងធម៌​ទេស​នា​ជាដើម​។​ការ​ប្រតិបត្តិ​ធ្វើអំពើ​ល្អ​គឺ​នាំ​មក​នូវ​សេចក្តីសុខ​ចម្រើន​ក្នុង​ក្រុម​គ្រួសារ​៕

Picture
Picture
Picture
Picture