ថៃ ៖ ភោជនីយដ្ឋានអាហារពេលល្ងាចនឹងត្រូវបានអនុញ្ញាតឱ្យបើកដំណើរការរហូតដល់ម៉ោង ១១យប់ ហើយការទទួលទានសុរាក៏អាចត្រូវបានអនុញ្ញាតិនៅគ្រប់ខេត្តទាំងអស់ លើកលែងតែខេត្តសាមុតសាខុន ដែលខេត្តនេះ នៅតែជាតំបន់គ្រោះថ្នាក់ដែលត្រូវបានចាត់ថ្នាក់ជាតំបន់ត្រួតពិនិត្យពណ៌ក្រហមក្រម៉ៅ និងរឹងបន្តឹងជាអតិបរមា ។…
ថៃ ៖ ភោជនីយដ្ឋានអាហារពេលល្ងាចនឹងត្រូវបានអនុញ្ញាតឱ្យបើកដំណើរការរហូតដល់ម៉ោង ១១យប់ ហើយការទទួលទានសុរាក៏អាចត្រូវបានអនុញ្ញាតិនៅគ្រប់ខេត្តទាំងអស់ លើកលែងតែខេត្តសាមុតសាខុន ដែលខេត្តនេះ នៅតែជាតំបន់គ្រោះថ្នាក់ដែលត្រូវបានចាត់ថ្នាក់ជាតំបន់ត្រួតពិនិត្យពណ៌ក្រហមក្រម៉ៅ និងរឹងបន្តឹងជាអតិបរមា ។ នេះបើតាមការចុះផ្សាយរបស់កាសែតថៃ បាងកកប៉ុស្តិ៍ ។
វិធានការណ៍ដែលត្រូវបានកែសំរួលមួយនេះត្រូវបានព្រមព្រៀង និងយល់ព្រមពីអនុគណៈកម្មាធិការសំរាប់ការគ្រប់គ្រងស្ថានការណ៍ Covid-19 (CCSA) ដោយការបន្ធូរបន្ថយការរឹតត្បិតនេះ ត្រូវបានធ្វើឡើងដោយសារតែការឆ្លងកូវីដ ១៩ ហាក់មានស្ថានភាពធូរស្បើយជាងមុន ។ គណៈកម្មាធិការ(CCSA) នេះដឹកនាំដោយអគ្គលេខាធិការនៃក្រុមប្រឹក្សាសន្តិសុខជាតិលោក Natthapol Nakpanich ។
អ្នកនាំពាក្យ CCSA លោកវេជ្ជបណ្ឌិត Taweesilp Visanuyothin បាននិយាយថាក្រៅពីការអនុញ្ញាតិឲ្យភោជនីយដ្ឋានអាហារពេលល្ងាចបើកដំណើរការរហូតដល់ម៉ោង ១១ យប់និងការបម្រើសុរាដល់ភ្ញៀវបាននេះ រួមទាំងវិធានការណ៍ផ្សេងទៀតនឹងត្រូវបានស្នើឡើងនៅក្នុងកិច្ចប្រជុំ CCSA នៅថ្ងៃសុក្រស្អែកនេះ ដែលក្នុងនោះកិច្ចប្រជុំនេះនឹងដឹកនាំដោយនាយករដ្ឋមន្ត្រី លោក ប្រាយុទ្ធ ចាន់អូចា ។
លោកវេជ្ជបណ្ឌិត Taweesilp បាននិយាយថាអាជ្ញាធរនៅតែមានគម្រោងរក្សាទីក្រុងបាងកកឱ្យស្ថិតក្នុងស្ថានភាពពណ៌ក្រហម (ពណ៌តំណាងគ្រោះថ្នាក់) សម្រាប់ការត្រួតពិនិត្យ Covid-19 ជាអតិបរមា ប៉ុន្តែការរឹតត្បិតលើអាជីវកម្មអាចត្រូវបានបន្ធូរបន្ថយ ទៅតាមកំរិតផ្សេងៗគ្នានៃអាជីវកម្មនិងតាមតំបន់ផ្សេងទៀតនៅខែក្រោយនេះ ។
លោកបាននិយាយថាអនុគណៈ CCSA ដែលទទួលខុសត្រូវលើការបន្ធូរបន្ថយការរឹតត្បិតអាជីវកម្មនិងសកម្មភាពនានា បានសំរេចថា ទីក្រុងបាងកកនិងខេត្តជាប់គ្នា គឺខេត្តសាមុតប្រាកាន ណាន់ថាបុរី និងផាធូមថានី គួរតែនៅតែជាតំបន់ត្រួតត្រា ឬរឹតត្បិតជាអតិបរិមាដោយសារតែចំនួនអ្នកឆ្លងវីរុសថ្មីមានចំនួនច្រើន។
សម្រាប់ខេត្តសាមុតសាខុននឹងនៅតែជាតំបន់ត្រួតពិនិត្យអតិបរមានិងតឹងរឹង ឬ «តំបន់ក្រហមខ្មៅ» » ។ នៅសាមុតសាខុន ទីផ្សារ ភោជនីយដ្ឋាន ហាងលក់ទំនិញនិងរោងចក្រនឹងត្រូវបានអនុញ្ញាតឱ្យបើកដំណើរការឡើងវិញ ។ តែភោជនីយដ្ឋាននឹងត្រូវបានរឹតត្បិតដោយអនុញ្ញាតិសម្រាប់តែការវេចខ្ចប់ចេញហាងលក់ទំនិញ ហើយហាងទាំងឡាយក៏ត្រូវបិទនៅម៉ោង ៩ យប់ ។ រោងចក្រត្រូវតែដាក់ចេញនូវវិធានការណ៍បង្ការនិងការពារមេរោគ ៕
ចែករំលែកព័តមាននេះ