ក្មេងម្នាក់អាយុ១០ឆ្នាំចង់បន្តការសិក្សា តែគ្មានលទ្ធភាពព្រោះរាល់ថ្ងៃបានត្រឹមលក់ម្ជូរ
- ស្វាយរៀង
ខេត្តស្វាយរៀង ៖ ដោយសារកត្តាជីវភាព បុរសជាឪពុកបានឲ្យកូនប្រុស អាយុ១០ឆ្នាំឈប់រៀន ហើយឲ្យកូនដើរលក់ ស្វាយ ម្កាក់ ម្នាស់ និងទន្ទឹម…
ខេត្តស្វាយរៀង ៖ ដោយសារកត្តាជីវភាព បុរសជាឪពុកបានឲ្យកូនប្រុស អាយុ១០ឆ្នាំឈប់រៀន ហើយឲ្យកូនដើរលក់ ស្វាយ ម្កាក់ ម្នាស់ និងទន្ទឹម…
ខេត្តស្វាយរៀង ៖ ដោយសារកត្តាជីវភាព បុរសជាឪពុកបានឲ្យកូនប្រុស អាយុ១០ឆ្នាំឈប់រៀន ហើយឲ្យកូនដើរលក់ ស្វាយ ម្កាក់ ម្នាស់ និងទន្ទឹម ដោយចេញលក់ ចាប់ពីពេលព្រឹករហូតទល់ល្ងាចទើបត្រឡប់ទៅផ្ទះវិញ ដោយជិះកង់ចម្ងាយដីរាប់សិបគីឡូម៉ែត្រ ក្នុងមួយថ្ងៃ មិនបានចូលរៀនដូចក្មេងដ៏ទៃ ។
បើតាមអ្នកភូមិបានឲ្យដឹងថា លន់ ឆៃលីន ភេទប្រុស អាយ១០ឆ្នាំ អតីតជាសិស្សថ្នាក់ទី២ រស់នៅភូមិប្រសូត្រទី១ ឃុំកណ្តៀងរាយ ស្រុកស្វាយទាប មានឪពុកឈ្មោះ លន់ អាយុ៣៥ឆ្នាំ និងម្តាយឈ្មោះ ណៃ អាយុ៣២ឆ្នាំ មានកូនបីនាក់ លន់ ឆៃលីន ជាកូនប្រុសច្បង ។
ដោយជីវភាពគ្រួសារក្រីក្រ លន់ ឆៃលីន បានរៀនត្រឹមតែចប់ថ្នាក់ទី១ ចូលរៀនថ្នាក់ទី២បានបីបួនខែ ក៏ត្រូវឪពុកឲ្យឈប់រៀន ហើយឲ្យរកស៊ីលក់ដូរ ដើម្បីរកប្រាក់ផ្គត់ផ្គង់ជីវភាពក្នុងគ្រួសារ ។ ជាធម្មតា លន់ឆៃលីន ចេញទៅលក់នៅវេលាម៉ោង៨និង០០នាទីព្រឹក ដោយដាក់ស្វាយខ្ចី ម្នាស់ ម្ជូរអំពិល និងទន្ទឹម ដាក់ក្នុងធុងទឹកកក និងប្យួនៅដៃកង់ ដឹកកង់ ឬបណ្តើរលក់គ្រប់ច្រកល្ហក នៅតាមទីផ្សារ តាមផ្ទះ តូប នៅតាមខាងមុខសាលារៀន ចាប់ពីផ្សារប្រសូត្រ រហូតមកដល់ក្រុងស្វាយរៀង បើគិតចម្ងាយដីប្រមាណ១៥គីឡូម៉ែត្រ ហើយបើគិតទាំងជិះកង់ និងបណ្តើរកង់ដើរលក់តាមដងផ្លូវ ក្នុងភូមិ និងក្នុងក្រុងស្វាយរៀងពេញមួយថ្ងៃ គឺមិនតិចទេ រាប់សិបគីឡូម៉ែត្រ រហូតថ្ងៃបាក់រសៀលទើបជិះកង់ត្រឡប់ទៅផ្ទះវិញ ។
លន់ឆៃលីន បានប្រាប់អ្នកសារព័ត៌មាន នៅរសៀល ថ្ងៃទី២៨ មករា ២០២១ថា ក្នុងមួយថ្ងៃ បើលក់អស់បានប្រាក់១០ម៉ឺនរៀល ក៏ប៉ុន្តែមិនដឹងចំណេញប៉ុន្មានទេ ដោយឪពុកម្តាយជាអ្នកទិញ និងចិតច្រកថង់ឲ្យដើរលក់ ។ ហើយបើលក់មិនអស់ គឺក្នុងមួយថ្ងៃបានត្រឹម៥ម៉ឺន ទៅ៦ម៉ឺនរៀល ។ ហើយលក់រាល់ថ្ងៃដល់ថ្ងៃត្រង់ឃ្លានបាយ គឺទិញបាយកញ្ចប់ញ៉ាំ រួចបន្តដើរលក់ទៀតរហូតដល់ល្ងាចទើបជិះកង់ត្រឡប់ទៅផ្ទះវិញ ។
លន់ឆៃលីន និយាយទាំងទឹកមុខស្រង៉ូតថា សព្វថ្ងៃចង់ទៅរៀនបន្តដូចកូនអ្នកដ៏ទៃដែរ ដើម្បីធំឡើង មានចំណេះដឹងរកការងារល្អបានធ្វើ មានប្រាក់ខែច្រើន មិនពិបាកដូចគ្រួសារឪពុកម្តាយសព្វថ្ងៃ ហើយលន់ ឆៃលីន និយាយថា ខ្ញុំស្តាយរៀនណាស់ តែមិនយល់ចិត្តឪពុកម្តាយ ជីវភាពក្រីក្រហើយមិនឲ្យកូនៗទៅរៀន ពេលសួរថា ឪពុកម្តាយក្មួយសព្វថ្ងៃ មានជម្ងឺឬ? ថា អត់ឈឺអីផង ចុះគាត់ធ្វើការ ឬរកស៊ីលក់ដូរអីដែរ លន់ឆៃលីន ប្រាប់ថា ម្តាយចិតស្វាយ ចិតម្នាស់ ត្រាំម្ជូរ ច្រកឲ្យខ្ញុំមកលក់ ក្រៅពីនេះមិនដឹងទេ ។
សូមមហាជន មេត្តាសាកគិតទៅមើល តើក្មេងអាយុ១០ឆ្នាំ គួរលះបង់ការសិក្សារមករកស៊ីរ៉ាប់រងជីវភាពគ្រួសារ តើគួរឲ្យអាណិតអាសូរដែរទេ ៕
ចែករំលែកព័តមាននេះ