​ប្រឹង​​ជួយ​ដែរ​នៅតែមិនទាន់​ ឆេះ​ហ្មត់​​​អស់​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

​ប្រឹង​​ជួយ​ដែរ​នៅតែមិនទាន់​ ឆេះ​ហ្មត់​​​អស់​

4 ខែ មុន
  • Takéo

ខេត្ត​តាកែវ​ ៖ ផ្ទះ​ធ្វើ​ពី​ឈើ​ប្រក់​ក្បឿង​​ស័ង្កសី​១​ខ្នង ​ត្រូវ​បាន​អគ្គិភ័យ​​ឆាបឆេះ​អស់ទាំង​ស្រុង​ បើ​ទោះបីជា​មានការ​អន្តរាគមន៍​ពី​រថយន្ត​ពន្លត់​​របស់​ប៉ូលិស​ស្រុក​ ក៏ដូច​ជា​អាជ្ញាធរ​មូលដ្ឋាន​ និង​​​ប្រជាពលរដ្ឋ​នៅ​ក្នុងភូមិ​ក៏​ដោយ ​ក៏​មិន​អាច​ជួយ​បាន​ឡើយ​ ហើយ​គ្រាន់តែ​វា​មិន​បាន​ឆេះ​រាលដាល​ដល់​ផ្ទះ​អ្នកផ្សេង​​តែ​ប៉ុណ្ណោះ ។…

ខេត្ត​តាកែវ​ ៖ ផ្ទះ​ធ្វើ​ពី​ឈើ​ប្រក់​ក្បឿង​​ស័ង្កសី​១​ខ្នង ​ត្រូវ​បាន​អគ្គិភ័យ​​ឆាបឆេះ​អស់ទាំង​ស្រុង​ បើ​ទោះបីជា​មានការ​អន្តរាគមន៍​ពី​រថយន្ត​ពន្លត់​​របស់​ប៉ូលិស​ស្រុក​ ក៏ដូច​ជា​អាជ្ញាធរ​មូលដ្ឋាន​ និង​​​ប្រជាពលរដ្ឋ​នៅ​ក្នុងភូមិ​ក៏​ដោយ ​ក៏​មិន​អាច​ជួយ​បាន​ឡើយ​ ហើយ​គ្រាន់តែ​វា​មិន​បាន​ឆេះ​រាលដាល​ដល់​ផ្ទះ​អ្នកផ្សេង​​តែ​ប៉ុណ្ណោះ ។

Picture

ហេតុ​ការ​ណ៍​អគ្គិ​ភ័យ​នេះ បាន​កើតឡើង​​នៅ​​ថ្ងៃ​ទី​២៧ ​មករា ឆ្នាំ​២០២១ វេលា​ម៉ោងជាង​១១​​នាទី​ស្ថិត​នៅ​ភូមិ​កំពង់​ពោធិ៍ ឃុំ​ព្រែក​ផ្ទោល ស្រុក​អង្គរ​បូ​រី ខេត្តតាកែវ ។ បើ​តាម​សំដី​នគរបាល​ស្រុក​អង្គរ​បូ​រី​បានអោយ​ដឹង​ថា អគ្គិភ័យ​ដែល​បាន​ឆាបឆេះ​ផ្ទះ​របស់​ប្រជា​ពល​រដ្ឋ​នេះ សង់​អំពី​ឈើ​ប្រក​ក្បឿង​ស័ង្កសី មាន​ទំហំ៤​ម៉ែត្រ​x៥​ម៉ែត្រ មាន​ម្ចាស់​ឈ្មោះ
ស្រូ​យ ភឿន អាយុ៤២​ឆ្នាំ និង​ប្រពន្ធ​ឈ្មោះ អឹ​ម ឃឿ​ន អាយុ៤០​ឆ្នាំ បណ្តាល​ឲ្យ​ខូចខាត​សម្ភារប្រើប្រាស់​មួយ​ចំនួន​សរុប​ជា​ទឹកប្រាក់​ចំនួន​ប្រហែលជា ១.៥០០ .០០០​រៀល ។

Picture

នគរបាល​ស្រុក​បាន​បន្ត​ទៀត​ថា​ មូលហេតុឆ្លង​ចរន្ត​អគ្គិសនី ក្រោយ​ពី​ទទួល​បាន​ព័ត៌​មាន​នេះ កម្លាំង​ជំនាញ​អគ្គិភ័យ​របស់​ស្រុក​បាន​ចេញ​ឡានទឹក​ ដោយ​សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​ព្រែក​ផ្ទោល រួម​ជាមួយ​ប្រជា​ការពារ​និង​ប្រជាពលរដ្ឋ​ក្បែរ​ៗ​នោះ​បាន​ចេញ​ជួយ​អន្តរាគមន៍ ដោយ​ប្រើប្រាស់​ទឹក​អស់​ចំនួន ០២ ឡាន ទើប​អគ្គី​ភ័យ​ខាងលើ​បាន​រលត់​ជា​ស្ថាពរ​និង​ពុំ​បាន​ឆេះ​ឆ្លង​រាលដាល​ដល់​ផ្ទះ​ក្បែរ​ឡើយ ។

Picture

​អគ្គិភ័យ​បាន​ពន្លត់​ចប់ នៅ​វេលា​ម៉ោង​២៤​និង​៣០​នាទី នា​ថ្ងៃ​២៨ ខែមករា ឆ្នាំ​២០២១ ។ សាក្សី​នៅ​កន្លែង​កើតហេតុ​បានអោយ​ដឹង​ថា​ដោយសារ​រដូវ​នេះ​រាំង​ស្ងួត​នោះ​នៅ​ពេល​បងប្អូន​យើង​បានដឹង​គឺ​យឺត​ពេល​ទៅ​ហើយ​ព្រោះ​កណ្តាល​យប់​កំពុង​តែ​ដេក​លង់លក់​នៅ​ពេល​ភ្ញាក់​ដឹងខ្លួន​ភ្លើង​ឆាបឆេះ​សន្ធោសន្ធៅ​ទៅ​ហើយ​តែ​មាន​ឡានទឹក​មក​ជួយ​ពន្លត់​ទាន់​នឹង​មាន​បងប្អូន​យើង​ជួយ​គ្នា​ដងទឹក​គ្រប់​ៗ​គ្នា​ទើប​ធ្វើ​អោយ​ភ្លើង​មិន​អាច​ឆាបឆេះ​ដល់​ផ្ទះ​ផ្សេង​ៗ​ដែល​នៅ​ក្បែ​គ្នា​បាន​ឡើយ​នេះ​ដែល​ជា​កម្លាំង​សាមគ្គី​នឹង​គ្នា​នោះ​ហើយ​។

Picture

​​