ចាប់មិនចេះអស់! ស្លាបមាន់ ៣០០គីឡូក្រាម ខូចគុណភាព នាំចូលពីថៃ
- បន្ទាយមានជ័យ
បន្ទាយមានជ័យ៖ មន្ត្រីគយ និងរដ្ឋាករតំបន់៥ ចាប់បានស្លាបមាន់ ៣០០គីឡូក្រាម ដែលខូចគុណភាព ត្រូវឈ្មួញនាំចូលពីថៃ។ ស្លាបមាន់ទាំងនោះ ត្រូវបានយកទៅដុតចោល នៅថ្ងៃទី២៥…
បន្ទាយមានជ័យ៖ មន្ត្រីគយ និងរដ្ឋាករតំបន់៥ ចាប់បានស្លាបមាន់ ៣០០គីឡូក្រាម ដែលខូចគុណភាព ត្រូវឈ្មួញនាំចូលពីថៃ។ ស្លាបមាន់ទាំងនោះ ត្រូវបានយកទៅដុតចោល នៅថ្ងៃទី២៥…
បន្ទាយមានជ័យ៖ មន្ត្រីគយ និងរដ្ឋាករតំបន់៥ ចាប់បានស្លាបមាន់ ៣០០គីឡូក្រាម ដែលខូចគុណភាព ត្រូវឈ្មួញនាំចូលពីថៃ។ ស្លាបមាន់ទាំងនោះ ត្រូវបានយកទៅដុតចោល នៅថ្ងៃទី២៥ ខែមករា ឆ្នាំ២០២១ នៅជាយក្រុងសិរីសោភ័ណ។
មន្ត្រីគយ និងរដ្ឋាករការិយាល័យស្រាវជ្រាវ និងបង្រ្កាបអំពើរត់ពន្ធ តំបន់៥ ក្នុងខេត្តបន្ទាយមានជ័យ បានប្រាប់ថា ក្រោយពេលទទួលព័ត៌មានថា មានរថយន្តតាក់ស៊ី ១គ្រឿង បានលួចដឹកទំនិញល្មើសច្បាប់ គឺមន្ត្រីគយ និងរដ្ឋាករតំបន់៥ បានស្ទាក់ចាប់ ដោយឆែកឆេររកឃើញមានកេសស្នោរដាក់បង្កប់ខាងក្រោយរថយន្ត។ រថយន្តនោះ ត្រូវបាននាំយកមកការិយាល័យ ដើម្បីទម្លាក់មើល ក៏ឃើញមានកេសស្នោរ ចំនួន ៣០កេស ដែលក្នុង ១កេសទំងន់ ១០គីឡូក្រាម ដាក់ស្លាបមាន់ រឺផលិតផលមានដើមកំណើតពីសត្វមាន់ មានទំងន់ស្មើ៣០០ គីឡូក្រាម។
មន្ត្រីគយ និងរដ្ឋាករតំបន់៥ បានបញ្ជាក់ថា ក្រោយពេលដែលឃាត់រថយន្តដឹកស្លាបមាន់មានទម្ងន់ ៣០០គីឡូក្រាម ដែលឈ្មួញលួចលាក់ នាំចូលគ្មានលិខិតអនុញ្ញាត ដឹកល្មើសច្បាប់ ដែលដឹកគ្មានលក្ខណៈបច្ចេកទេស បណ្តាលឲ្យខូចគុណភាព មានក្លិនស្អុយ ដែលត្រូវបានឃាត់ នៅវេលាម៉ោង ២រសៀល ថ្ងៃទី២៥ ខែមករា ឆ្នាំ២០២១ តាមបណ្តោយផ្លូវជាតិលេខ៥ ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ។
មន្ត្រីគយ និងរដ្ឋាករតំបន់៥ បានបញ្ជាក់ថា ស្លាបមាន់ខូចគុណនេះ ឈ្មួញនាំចូលពីថៃ ហើយម្ចាស់ឡាន ស៊ីឈ្នួលដឹកពីតំបន់ប៉ោយប៉ែត ទៅដាក់អោយម៉ូយ នៅខេត្តសៀមរាប។
ប្រជាពលរដ្ឋ មើលឃើញថា សមត្តកិច្ចចាប់បានតែទំនិញខូចគុណភាពជាញឹកញាប់ តែឈ្មួញមិនដែលឃើញចាប់បានម្ចាស់ទំនិញឡើយ។ ខ្លះទៀត ក៏លើកឡើងថា ទំនិញ ដែលសមត្ថកិច្ច ចាប់បាន ដោយសារតែម្ចាស់ មិនបង់លុយ ទើបក្លាយជាទំនិញខុសច្បាប់ ខូចគុណភាពដូច្នេះ។
ប៉ុន្តែយ៉ាងណាក៏ដោយ សមត្ថកិច្ចជំនាញ បានច្រានចោលនូវការលើកឡើងដូច្នេះ ហើយសូមឲ្យប្រជាពលរដ្ឋ ប្រាប់ពីទំនិញ ដែលនាំចូលខុសច្បាប់ ខូចគុណភាព និងម្ចាស់ទំនិញឲ្យបានច្បាស់លាស់ នោះសមត្ថកិច្ចជំនាញ នឹងចាប់បង្ក្រាប ដោយគ្មានការលើកលែងឡើយ៕ ដោយ៖ ប៊ុន ធឿន
ចែករំលែកព័តមាននេះ