ប្រទេសវៀតណាម ៖ សមាជបក្សកុម្មុយនីស្តវៀតណាម បានបើកធ្វើកាលពីថ្ងៃទី២៥ ខែមករានៅទីក្រុងហាណូយ នាឱកាសដែលប្រទេសត្រូវជ្រើសតាំងមេដឹកនាំថ្មីៗ និងកំណត់ទិសដៅធំៗរបស់ខ្លួនសម្រាប់៥ឆ្នាំខាងមុខ ខណៈមានការគាបសង្កត់កាន់តែខ្លាំងរបស់ពួកប្រឆាំង និងភាពតានតឹងជាមួយអាមេរិកនិងចិន ។…
ប្រទេសវៀតណាម ៖ សមាជបក្សកុម្មុយនីស្តវៀតណាម បានបើកធ្វើកាលពីថ្ងៃទី២៥ ខែមករា
នៅទីក្រុងហាណូយ នាឱកាសដែលប្រទេសត្រូវជ្រើសតាំងមេដឹកនាំថ្មីៗ និងកំណត់ទិសដៅធំៗ
របស់ខ្លួនសម្រាប់៥ឆ្នាំខាងមុខ ខណៈមានការគាបសង្កត់កាន់តែខ្លាំងរបស់ពួកប្រឆាំង និងភាពតានតឹងជាមួយអាមេរិកនិងចិន ។
រួមប្រជុំរហូតដល់ថ្ងៃទី២ កុម្ភៈ សមាជនោះដែលមានប្រតិភូចូលរួម១.៦០០នាក់ ត្រូវជ្រើសតាំងអគ្គលេខាបក្សប្រធានាធិបតីនាយករដ្ឋមន្ត្រីនិងប្រធានសភាជាតិ ដែលជាមនុស្សសំខាន់បំផុតនៃរបបកុម្មុយនីស្តតវៀតណាម ។
ពួកអ្នកវិភាគយល់ថាសមាជលើកនេះ គឺផ្ទុយពសមាជលើកមុន កាលពីឆ្នាំ២០១៦ដែលគេកត់សម្គាល់ឃើញមានការប្រឈមមុខគ្នារវាងបណ្ដាអ្នកអភិរក្សនិយម និងពួកអ្នកកែទម្រង់និយម ។
លោកង្វៀនភូជុងអាយុ៧៦ឆ្នាំជាអ្នកអភិរក្សនិយមស្និទ្ធក្រុងប៉េកាំងនឹងអាចនៅបន្តអាណត្តិទី៣ជាអគ្គលេខាបក្សកុម្មុយនីស្តវៀតណាម ហើយលោកនឹងបន្តយុទ្ធនាការប្រឆាំងអំពើពុករលួយដែលអាចឲ្យលោកបោសសម្អាត ក្នុងជួរបក្សកងទ័ពនិងប៉ូលិស ។
ផ្ទុយទៅវិញលោកង្វៀនភូជុងនឹងអាចបោះបង់ចោលតំណែង ប្រធានាធិបតីនៃសាធារណរដ្ឋដោយទុកតំណែងនោះឲ្យនាយករដ្ឋមន្ត្រីបច្ចុប្បន្ន លោកង្វៀនស៊ន់ភុកអាយុ៦៦ឆ្នាំ ដែលគេសរសើរដោយសារការគ្រប់គ្រងបានល្អចំពោះការឆ្លងរាលដាលនៃវីរុសCOVID-19 និងគ្រប់គ្រងសេដ្ឋកិច្ចបានល្អ ។
ក្នុងបណ្ដាខែមុនពេលមានសមាជបក្សកុម្មុយនីស្តវៀតណាមអាជ្ញាធរមានទម្លាប់បង្កើនការគាបសង្កត់របស់ខ្លួន ។ មុនសមាជលើកទី១៣នេះរបស់បក្សក៏មានករណីបែបនោះដូចគ្នាដែរ ។ កាល
ពីដើមខែមករា អ្នកកាសែត៣នាក់បានត្រូវកាត់ទោសដាក់គុកពី១១ទៅ១៥ឆ្នាំពីបទរិះគន់ចំពោះ
របប ។ ចំនួនអ្នកទោសនយោបាយមានការកើនឡើងដល់ទ្វេដង ចាប់តាំងពីឆ្នាំ២០១៦មក ដោយកើនពី៨៤នាក់ដល់១៧០នាក់ នេះបើតាមការអះអាងរបស់អង្គការលើកលែងទោសអន្តរជាតិ AMNESTY INTERNATIONAL ។
អង្គការនោះនិយាយថា ប្រទេសនេះបានបើកចំហកាន់តែខ្លាំងចំពោះពាណិជ្ជកម្មលើពិភពលោក តែទ្វារគុកបានបើកចំហចំពោះពលរដ្ឋស្លូតត្រង់កាន់តែច្រើន ។
ទស្សនវិស័យសេដ្ឋកិច្ចនឹងជាចំណុចសំខាន់នៃការពិភាក្សាគ្នាក្នុងសមាជនោះ ។ វៀតណាមមានកំណើនសេដ្ឋកិច្ច២,៩%ក្នុងឆ្នាំ២០២០ ដែលទាបបំផុតពុំធ្លាប់មានក្នុងរយៈពេល២ទសវត្ស តែកំណើននោះនៅតែរឹងមាំបំផុតប្រឈមមុខនឹងសេដ្ឋកិច្ចពិភពលោក ដែលកំពុងបាក់ស្រុតខ្លាំង ជាមួយវិបត្តិ COVID-19 ។ វៀតណាមក៏ឆ្លៀតឱកាសមានសង្គ្រាមពាណិជ្ជកម្មរវាងចិននិងអាមេ
រិកដែលបណ្ដាលឲ្យមានការប្រែប្រួលនិងការផ្លាស់ប្ដូរលើ់ពិភពលោក ដើម្បីពង្រីកសេដ្ឋកិច្ចខ្លួន ហើយកំពុងក្លាយជាប៉ូលធំមួយនៃបច្ចេកវិទ្យា ។
ទោះបីយ៉ាងណាវៀតណាមនៅតែមានការថ្លឹងថ្លែងចំពោះទំនាក់ទំនងរបស់ខ្លួនជាមួយក្រុងប៉េកាំងនិងក្រុងវ៉ាស៊ិនតោន ពេលមហាយក្សទាំង២កំពុងមានភាពតានតឹងខ្លាំងជាមួយគ្នា ។ ចំពោះចិនវៀតណាមនៅតែចំណុះយ៉ាងខ្លាំងលើចិន ព្រោះប្រភពសម្ភារធំៗនិងបណ្ដាគ្រឿងឧបករណ៍ សម្រាប់ឧស្សាហកម្មកម្មន្តសាលដែលកំពុងរីកដុះដាលខ្លាំងបំផុតនាំមកពីចិន ។ តែវៀតណាមមានទំនាស់រឿងដែនដីក្នុងសមុទ្រចិនខាងត្បូង ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ