នាយក​រដ្ឋមន្ត្រី​ប្រកាស​កាត់​ប្រាក់​ខែ​​៧ខែ​បន្ថែម​ទៀតជួយ​ក្រសួង​សុខា​​ភិបាល​ រឿង​​កូ​វី​ដ​​១៩ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

នាយក​រដ្ឋមន្ត្រី​ប្រកាស​កាត់​ប្រាក់​ខែ​​៧ខែ​បន្ថែម​ទៀតជួយ​ក្រសួង​សុខា​​ភិបាល​ រឿង​​កូ​វី​ដ​​១៩

4 ខែ មុន
  • Phnom Penh

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​ប្រកាស​នៅ​មុន​នេះ​បន្តិច​ថា អាស្រ័យ​ដោយ​កូ​វី​ដ​១៩​បាន​នឹង​កំពុង​កើត​មាន​បន្ត​នៅ​ទូ​ទាំង​ពិភពលោក​រាប់​ទាំងកម្ពុជា ដូច្នេះ​ សម្តេច​សម្រេច​បន្ត​កាត់​បៀវត្ស​ទាំងអស់​ក្រោយ​ការ​បង់ពន្ធ​រយៈ​ពេល​៧​ខែ​ទៀត​ជូន​ទៅ​ក្រសួងសុខាភិបាល​ដោយ​ចាប់ពី​ខែ​កុ​ម្ភះ​ឆ្នាំ​២០២១ ដល់…

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​ប្រកាស​នៅ​មុន​នេះ​បន្តិច​ថា អាស្រ័យ​ដោយ​កូ​វី​ដ​១៩​បាន​នឹង​កំពុង​កើត​មាន​បន្ត​នៅ​ទូ​ទាំង​ពិភពលោក​រាប់​ទាំងកម្ពុជា ដូច្នេះ​ សម្តេច​សម្រេច​បន្ត​កាត់​បៀវត្ស​ទាំងអស់​ក្រោយ​ការ​បង់ពន្ធ​រយៈ​ពេល​៧​ខែ​ទៀត​ជូន​ទៅ​ក្រសួងសុខាភិបាល​ដោយ​ចាប់ពី​ខែ​កុ​ម្ភះ​ឆ្នាំ​២០២១ ដល់ ខែ​សីហា ឆ្នាំ​២០២១​។

Picture

សម្តេច​តេ​ជោ ហ៊ុន សែន បាន​បញ្ជាក់​ថា​ កន្លង​មក ដើម្បី​ចូលរួម​ជួយ​ដល់​ការ​ប្រយុទ្ធ​ប្រឆាំង​កូ​វី​ដ ១៩ ក្នុង​ឆ្នាំ ២០២០ សម្តេច​បាន​កាត់​ប្រាក់បៀវត្ស​ទាំងអស់​ ក្រោយ​ការ​បង់ពន្ធ​លើ​បៀវត្ស​ជូន​រដ្ឋ​រយៈពេល​៧​ខែ​ជូន​ទៅ​ក្រសួងសុខាភិបាល​ ។ ដោយ​ក្នុង​នោះ​បៀវត្ស​របស់​សម្តេច១០​លាន​រៀល​/​ខែ ​ត្រូវ​បង់ពន្ធ​៩១០.០០០​រៀល​/​ខែ និង​ប្រគល់​ជូន​ក្រសួងសុខាភិបាល​៩.០៩០.០០០​រៀល​/​ខែ​សរុប​៧​ខែ​ចំនួន​៦៣.៦៣៩.០០០​រៀល​។

Picture

សម្តេច​នាយក​រដ្ឋមន្ត្រី​បាន​មាន​ប្រសាសន៍​បញ្ជាក់​យ៉ាង​ដូច្នេះ​ថា «​អាស្រ័យ​ដោយ​កូ​វី​ដ​១៩​ បាន​នឹង​កំពុង​កើត​មាន​បន្ត​នៅ​ទូ​ទាំង​ពិភពលោក​ រាប់​ទាំង​កម្ពុជា​យើង​ផង ខ្ញុំ​សូម​ប្រកាស​បន្ត​កាត់​បៀវត្ស​ទាំងអស់​ក្រោយ​ការ​បង់ពន្ធ​រយះ​ពេល​៧​ខែ​ទៀត​ជូន​ទៅ​ក្រសួងសុខាភិបាល​ដោយ​ចាប់ពី​ខែ​កុ​ម្ភះ​ឆ្នាំ​២០២១ ដល់ ខែសីហា ឆ្នាំ​២០២១» ។

Picture

បន្ថែម​ពីលើ​នេះ សម្តេច​ក៏​បាន​ថ្លែងអំណរគុណ​ចំពោះ សម្តេច ឯកឧត្តម លោក​ជំទាវ លោក លោកស្រី​ទាំង​ស្ថា​ប​ន័​ស៊ី​វិល​និង​កម្លាំងប្រដាប់អាវុធ​គ្រប់​ប្រភេទ​ដែល​បាន​បរិច្ចាគ​ដោយ​ការ​កាត់​បៀវត្ស​ទាំងស្រុង ឬ​មួយ​ផ្នែក​រយៈពេល​ខ្លី ឬ​វែង តាម​ការ​ស្ម័គ្រចិត្ត​ជួយ​ដល់​ការងារ​ប្រយុទ្ធ​ប្រឆាំង​កូ​វី​ដ​១៩ ដែល​បង្ហាញ​ឲ្យ​ឃើញ​នូវ​សាមគ្គីភាព​ក្នុង​ខឿន​ការពារ​សុខភាព​របស់​ប្រជាជន​យើង ។

Picture

សូម​បញ្ជាក់​ថា ប្រទេស​កម្ពុជា​រក​ឃើញ​ករណី​វិជ្ជមាន​កូ​វី​ដ​-១៩ សរុប​ចំនួន​៤៦០​ករណី ក្នុង​នោះ ករណី​ជា​សះស្បើយ​មាន​ចំនួន៤១២​នាក់ ហើយ​មាន​អ្នកជំងឺ​ចំនួន ៤៨​នាក់ កំពុង​សម្រាក​ព្យាបាល​នៅ​មន្ទីរពេទ្យ​រាជធានី​-​ខេត្ត តែ​ល្អ​បំផុត​គឺ​ពុំ​មាន​ករណី​ស្លាប់​ដោយសារ​កូ​វី​ដ ១៩ នៅ​កម្ពុជា​ឡើយ ៕

Picture