ជម្លោះដីធ្លី នៅខេត្តព្រះសីហនុ៖ សមត្ថកិច្ច ចាប់បញ្ជូនជនសង្ស័យ ៤ នាក់ ទៅតុលាការ
- ព្រះសីហនុ
ខេត្តព្រះសីហនុៈ ជនសង្ស័យ០៤ នាក់ ដែលអាជ្ញាធរសមត្ថកិច្ច បានអះអាងថា មានឈ្មោះល្បីល្បាញខាងដើរការអុកឡុក បង្កភាពអនាធិបតេយ្យដីធ្លី នៅតំបន់ភូមិឬទ្ធី២ (…
ខេត្តព្រះសីហនុៈ ជនសង្ស័យ០៤ នាក់ ដែលអាជ្ញាធរសមត្ថកិច្ច បានអះអាងថា មានឈ្មោះល្បីល្បាញខាងដើរការអុកឡុក បង្កភាពអនាធិបតេយ្យដីធ្លី នៅតំបន់ភូមិឬទ្ធី២ (…
ខេត្តព្រះសីហនុៈ ជនសង្ស័យ០៤ នាក់ ដែលអាជ្ញាធរសមត្ថកិច្ច បានអះអាងថា មានឈ្មោះល្បីល្បាញខាងដើរការអុកឡុក បង្កភាពអនាធិបតេយ្យដីធ្លី នៅតំបន់ភូមិឬទ្ធី២ ( ចំនុចចំការខ្មុរ និងចំនុចពយចង្រាំង) ឃុំកែវផុស ស្រុកស្ទឹងហាវ ខេត្តព្រះសីហនុ នារសៀលថ្ងៃទី២៤មករា ឆ្នាំ២០២១ ត្រូវបានកម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តព្រះសីហនុ ចាប់បញ្ជូនទៅតុលាការសាលាដំបូងហើយ។
វិធានការរបស់អាជ្ញាធរសមត្ថកិច្ចនេះ គឺបន្ទាប់ពីពួកគេ បានធ្វើសកម្មភាពវាយរបងថ្មប្រជាពលរដ្ឋ ដើម្បីចូលកាន់កាប់ដី ហើយត្រូវបានភាគីម្ចាស់ដី មកទាន់ ឃាត់ ដើម្បីសួរនាំ។ តែត្រូវបានក្រុមជនបង្កទាញដំបង ពូថៅ និងកៅអី ដេញវាយភាគីម្ចាស់ដី បង្កអោយរងរបួសធ្ងន់មួយចំនួន។
ជុំវិញការឃាត់ និងបញ្ជូនខ្លួនជនសង្ស័យទាំង៤ នាក់ ទៅសាលាដំបូងនេះ ត្រូវបានលោក ស៊ុត សំអុន នាយការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាល ខេត្តព្រះសីហនុ បានអោយដឹងថា ជនសង្ស័យទាំងនេះ ត្រូវបានឃាត់ខ្លួន កាលពីល្ងាចថ្ងៃទី២២ ខែមករា ដោយប៉ុស្តិ៍រដ្ឋបាលឃុំកែវផុស ស្រុកស្ទឹងហាវ បន្ទាប់ពីមានពាក្យបណ្តឹងថា ក្រុមជនសង្ស័យ ដែលមានបក្សពួកជាង ១០ នាក់ បានធ្វើសកម្មភាព ចូលទន្ទ្រានកាន់កាប់ដីអ្នកដទៃ ដោយបានវាយរបងថ្ម ក្នុងគោលបំណង ចូលសាងសង់ផ្ទះ ធ្វើជាកម្មសិទ្ធិរបស់ខ្លួន ហើយត្រូវបានម្ចាស់ដី មកឃាត់ តែត្រូវក្រុមជនសង្ស័យ ប្រើហឹង្សា ដេញវាយភាគីម្ចាស់ដី បណ្តាលអោយរងរបួស ចំនួន ០២នាក់។
ជនសង្ស័យទាំង ៤នាក់ មានឈ្មោះ ចាន់ សារឿន ហៅ ហិ ភេទប្រុស ជាមេក្លោង ឈ្មោះ ជួរ វុធ ភេទប្រុស ឈ្មោះ ជួរ ឌុយ ភេទប្រុស និងឈ្មោះ សោយ ជឿន ភេទប្រុសពួកគេទាំង៤ បច្ចប្បន្នស្នាក់នៅចំនុចចំការខ្នុរ ភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ៕ ដោយ៖ ឈុន គឹមហៃ
ចែករំលែកព័តមាននេះ