រាជធានីភ្នំពេញ ៖ ស្នងការដ្ឋាននគរបាលរាជធានីភ្នំពេញ ជូនដំណឹងដល់ម្ចាស់ម៉ូតូ ដែលកែច្នៃស៊ីមាំង បង្កសំឡេងរំខានខ្លាំង ត្រូវយកស៊ីមាំងដើមមកប្តូរ ធ្វើកិច្ចសន្យា និងទទួលយកម៉ូតូត្រឡប់ទៅវិញ ។…
រាជធានីភ្នំពេញ ៖ ស្នងការដ្ឋាននគរបាលរាជធានីភ្នំពេញ ជូនដំណឹងដល់ម្ចាស់ម៉ូតូ ដែលកែច្នៃស៊ីមាំង បង្កសំឡេងរំខានខ្លាំង ត្រូវយកស៊ីមាំងដើមមកប្តូរ ធ្វើកិច្ចសន្យា និងទទួលយកម៉ូតូត្រឡប់ទៅវិញ ។
សូមជម្រាបថា កាលពីវេលាម៉ោង ១២:០០នាទីថ្ងៃទី០៩ ខែមករា ឆ្នាំ២០២១ ក្នុងការប្រតិបត្តិការចុះអនុវត្តរឹតបន្តឹងច្បាប់ចរាចរណ៍ផ្លូវគោក ត្រង់ចំណុច ផ្លូវ៣១០ កែងផ្លូវ៩៥ សង្កាត់បឹងកេងកងទី២ ខណ្ឌបឹងកេងកង សមត្ថកិច្ចបានធ្វើការឃាត់ម៉ូតូ ដែលបង្កសំឡេងរំខានខ្លាំង និងបានបញ្ជូនអ្នកបើកបរឈ្មោះ ហ៊ាត បណ្តូល ភេទប្រុស អាយុ៣០ឆ្នាំ ជាមួយនិងម៉ូតូចំនួន០១គ្រឿង ម៉ាក Brand ពណ៌ទឹកប្រាក់ 1DC 2543 មករក្សាទុក ។
ជាក់ស្តែងតាមច្បាប់ សមត្ថកិច្ចត្រូវធ្វើការឃាត់យានយន្ត ទុកនៅនឹងកន្លែងសមត្ថកិច្ច យ៉ាងយូររយៈពេល៣ថ្ងៃ ដើម្បីឲ្យម្ចាស់រកទិញស៊ីមាំងដើមមកប្តូរ ចូលខ្លួនមកដោះស្រាយ ធ្វើកិច្ចសន្យា និងយកម៉ូតូត្រឡប់ទៅវិញ ប៉ុន្តែម្ចាស់យានយន្តមួយចំនួនរហូតមកដល់ពេលនេះ មិនទាន់ចូលខ្លួនមកដោះស្រាយជាមួយសម្ថកិច្ចនៅឡើយទេ ។
បច្ចុប្បន្នម៉ូតូនេះ កំពុងតែរក្សាទុកនៅអធិការដ្ឋាននគរបាលខណ្ឌបឹងកេងកង ដែលមានអាស័យដ្ឋាន ផ្លូវលេខ៣៨៤ ភូមិ៥ សង្កាត់ទួលស្វាយព្រៃទីមួយ ខណ្ឌបឹងកេងកង ៕
ចែករំលែកព័តមាននេះ