រាជធានីភ្នំពេញ ៖ នៅក្នុងឆ្នាំថ្មីនេះ តើលោកអ្នកមានគោលដៅហើយឬនៅ? ហើយហេតុអ្វីយើងត្រូវមាន យើងត្រូវដាក់? មិនពិបាកទេ វាមានហេតុផលជាច្រើន ដែលយើងគួរមានគោលដៅក្នុងមួយឆ្នាំ ឱ្យបានច្បាស់លាស់។…
រាជធានីភ្នំពេញ ៖ នៅក្នុងឆ្នាំថ្មីនេះ តើលោកអ្នកមានគោលដៅហើយឬនៅ? ហើយហេតុអ្វីយើងត្រូវមាន យើងត្រូវដាក់? មិនពិបាកទេ វាមានហេតុផលជាច្រើន ដែលយើងគួរមានគោលដៅក្នុងមួយឆ្នាំ ឱ្យបានច្បាស់លាស់។
តាមរយៈលោក សំ កុសល ដែលជាស្ថាបនិក Business Cambodia បានឱ្យដឹងថា ៖ «គោលដៅវាជារបស់មួយសំខាន់បំផុត ដែលយើងត្រូវរស់នៅពីមួយឆ្នាំទៅមួយឆ្នាំ ត្រូវតែមានគោលដៅ។ គៅលដៅវាបានជួយឱ្យយើងមានការរឹងមុំាំជាងមុន ដូចនេះយើងម្នាក់ធ្វើយ៉ាងណាកុំឱ្យខ្ជិលដាក់គោលដៅឱ្យសោះ។ ប្រសិនបើយើងម្នាក់ៗខ្ជិលដាក់គោលដៅ មានន័យថាយើងទាំងអស់គ្នាកំពុងតែដើរនៅលើផ្លូវ ដែលខ្លួនឯងមិនបានព្រៀងទុក ឬតែលតោលជាដើម។ យើងមើលមានមនុស្សខ្លះ មិនពេញចិត្តនូវអ្វីដែលខ្លួនឯងកំពុងមាននោះទេ មិនពេញចិត្តជាមួយផ្ទះ ឡាន កង់ ដែលខ្លួនឯងកំពុងមាន មិនពេញចិត្តជាមួយចំណូលដែលខ្លួនឯងកំពុងតែមាន នឹងឯង។ ល។ ហើយចង់បានអ្វីដែលប្រសើរជាងនឹង ប៉ុន្តែបើមិននាំគ្នាដាក់គោលដៅទេ ទាំងនឹងមិនធ្លាក់ពីលើមេឃមកទេ»។
ដូចនេះយើងទាំងអស់គ្នាចង់មិនចង់ ត្រូវមានការដាក់គោលដៅប្រចាំឆ្នាំ ដាក់គោលដៅ ដើម្បីធ្វើការប្រៀបធៀបជាមួយឆ្នាំមុន ថាតើយើងបានសម្រេចអ្វីខ្លះ? តើទាំងអស់គ្នាចង់បានឆ្នាំថ្មីនឹងលទ្ធផល មួយគុណនឹងប្រាំដែរឬទេ? សួរខ្លួនឯងតិចទៅ?
តាមរយៈការចែករំលែកដែលមិនចេះរីងស្ងួត លោក សំ កុសល បានបន្តថា ៖ «គ្នាយើងខ្លះបានលើកឡើងជាចំងល់ ដោយពួកគាត់ប្រហែលជាមិនជឿប៉ុន្មានទេ ក្នុងការរកចំណូល មួយគុណនឹងប្រាំច្រើនជាងឆ្នាំមុននោះ។ ដោយមតិខ្លះលើកឡើងដូចនេះថា “លោកគ្រូ គ្មានផ្លូវទេ ខ្ញុំធ្វើការឱ្យគេ មិចនឹងអាចរកចំណូលបានច្រើនជាងមុនដល់បួនប្រាំដងនោះ”»។
ក្នុងការឆ្លើយតបនឹង ចំងល់នេះដែរ លោកគ្រូបានបន្តថា ៖ «ខ្ញុំគ្រាន់តែមានមតិថាប្រសិនជាអ្នកទាំងអស់គ្នា គិតថា គ្មានផ្លូវ នោះលទ្ធផលពិតជាគ្មានផ្លូវហើយ ដូចនេះខ្ញុំជំរុញអ្នកទាំងអស់គ្នាគិតឱ្យមានផ្លូវទៅ ផ្លូវគឺមានជានិច្ចសម្រាប់ឱ្យអ្នកទាំងអស់គ្នាសម្រេចលទ្ធផល មួយគុណនឹងប្រាំនឹង មិនថាយើងកំពុងរកស៊ី ឬធ្វើការឱ្យគេនោះទេ ប្រសិនជាអ្នកទាំងអស់គ្នាមានគោលដៅ ដែលត្រូវជាមួយនឹងក្តីស្រមៃខ្លួនឯងនឹង»។
ចុះវិធីសាស្ត្រក្នុងការដាក់គោលដៅនឹងយ៉ាងណាដែរ ដូចនេះលោកគ្រូបានចែករំលែកមុន ឆ្លើយតបដូចនេះថា ត្រូវធ្វើយ៉ាងណាសម្រាប់ការដាក់គោលដៅឆ្នាំថ្មីឱ្យមានប្រសិទ្ធភាព ឬឱ្យចំ? មិនពិបាកទេ យើងគ្រប់គ្នាត្រូវតែតាំងចិត្ត ក្នុងការធ្វើឱ្យខ្លួនឯងរីកចំរើនជាងឆ្នាំចាស់។
លោកគ្រូ បន្តថា ៖ «ប៉ុន្តែមុននឹងចូលដល់ការដាក់គោល ខ្ញុំបកស្រាយបន្តិចថាអ្វីទៅជាគោលដៅ។ មុនដាក់គោលដៅយើងត្រូវដឹងថា អ្វីទៅជាគោលដៅ គោលដៅគឺជាអ្វីដែលយើងត្រូវសម្រេច ដូចនេះគោលដៅដែលត្រូវដាក់ប្រចាំឆ្នាំនឹង គឺជាគោលដៅតូចៗ ដែលទាំងអស់គ្នាត្រូវសម្រេច ដើម្បីសម្រេចបានគោលដៅប្រចាំជីវិត។ គោលដៅតូចៗទាំងនេះ គឺជាអ្វីមួយដែលធ្វើឱ្យយើងពូកែជាងមុន មិនទាន់ខ្វល់រឿងលុយក៏បានដែរ ធ្វើយ៉ាងណាឱ្យខ្លួនឯងពូកែជាងមុនដែរឬទេ ប្រសិនជាយើងពូកែជាងមុន នោះយើងនឹងមានតំលៃជាងមុន ហើយលុយយើងក៏ច្រើនជាងមុនដែរ»។
គោលដៅពិតប្រាកដ លោកគ្រូចង់ឱ្យអ្នកទាំងអស់គ្នា ផ្តោតសំខាន់ទៅលើជំនាញ យើងអាចសួរខ្លួនឯងថា តើយើងនឹងក្លាយទៅជាអ្វី? ជាជាងសួរឯងខ្លួនថាតើនឹងទទួលលុយបានប៉ុន្មាន? យើងមិនចាំបាច់ដាក់គោលដៅផ្ទះ ឡាន ម៉ូតូនោះទេ អញ្ចឹងសួរថា ធ្វើយ៉ាងណាដាក់គោលដៅឆ្នាំថ្មីនឹងឱ្យត្រូវ?
ដូចនេះខាងក្រោមនេះ លោកគ្រូបានចែករំលែក ៣ ចំណុច សម្រាប់អ្នកទាំងអស់គ្នាអាចគិតគូពិចារណាបាន
ទី១ ៖ ដាក់គោលដៅណាដែលល្មមនឹងសមត្ថភាពយើងអាចសម្រេចបាន ក្នុងមួយឆ្នាំ កុំរើសធំពេក ប្រសិនជារើសធំពេកយើងសម្រេចមិនបានទេ ព្រោះពេលវេលាយើងមានតែមួយឆ្នាំនោះទេ។ ឧទាហរណ៍ថា អ្នកទាំងអស់គ្នាចង់ចេះជំនាញលក់ ហើយនៅក្នុងជំនាញលក់នឹងមានជំនាញតូចៗជាច្រើនទៀត ដែលមានជំនាញ facebook ពូកែក្នុងការគ្រប់គ្រង facebooK ពូកែក្នុងការធ្វើវីដេអូ ពូកែនិយាយ ពូកែសរសេរ ពូកែចរចា ទាំងនេះសុទ្ធតែជាជំនាញតូចៗ ដែលយើងគ្រប់គ្នាដែលត្រូវដាក់។
ទី២ ៖ យើងត្រូវរើសយកចំណុចដែលខ្លួនឯងខ្វះខាតយកមកដាក់មុន ដូចនេះត្រូវមើលជំនាញណាដែលអាជីវកម្មយើងត្រូវការបំផុត ឬក៏ការងារយើងត្រូវការបំផុត ហើយកុំឱ្យនៅខ្សោយ ដូចនេះអ្នកដែលកំពុងរកស៊ី ហើយពង្រឹងជំនាញនឹងឱ្យកើន ចឹងដាក់អានឹងជាគោលដៅក្នុងឆ្នាំថ្មី។ ឧទាហរណ៍ថា ការគ្រប់គ្រងបុគ្គលិក រាល់ថ្ងៃឈឺក្បាលជាមួយនឹងបុគ្គលិកណាស់ ដូចនេះយើងត្រូវយកចំណុចខ្សោយរបស់ខ្លួនឯងនឹងយកមកកែ កុំភ្លេចថាកែតែគេ មិនកែខ្លួនឯង។
ទី៣ ៖ ចេញគោលដៅ ត្រូវចេញសកម្មភាពផង ៖ ចេញសកម្មភាពជាក់ស្តែងជារឿងធំ ឧទាហរណ៍ថា ដាក់គោលដៅមួយខែអានសៀវភៅឱ្យបានពីរក្បាល មួយថ្ងៃមើលព័ត៌មានមួយម៉ោង ជាដើម។ល។ ទាំងនេះហើយជាសកម្មភាពជាក់ស្តែង៕
ចែករំលែកព័តមាននេះ