សង្ស័យយូរហើយ! លុះឡោមព័ទ្ធ​ចាប់​ បែក​ធ្លាយ​ថៅកែស្ថានីយប្រេង និងបក្ខពួក – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

សង្ស័យយូរហើយ! លុះឡោមព័ទ្ធ​ចាប់​ បែក​ធ្លាយ​ថៅកែស្ថានីយប្រេង និងបក្ខពួក

4 ខែ មុន
  • Kampong Cham

ខេត្តកំពង់ចាម ៖ កម្លាំងសមត្ថកិច្ច​បាន​ចុះឡោមព័ទ្ធទីតាំង​មួយកន្លែងកាលពីវេលាយប់ថ្ងៃទី​​​២៤ មករា ឆ្នាំ​២០២១​ ដោយមានការ​សង្ស័យថា​ ​លួចប្រើប្រាស់ និង​ជួញដូរគ្រឿងញៀន​ជាយូរណាស់មកហើយនោះ​ ព្រមទាំង​​បានឃាត់ខ្លួន​មនុស្ស​ប្រុសស្រី​សរុប​ចំនួន​​​​១០នាក់ ក្នុងនោះ​មាន​ម្នាក់ជា​​ថៅកែ​​ស្ថានីយប្រេង​…

ខេត្តកំពង់ចាម ៖ កម្លាំងសមត្ថកិច្ច​បាន​ចុះឡោមព័ទ្ធទីតាំង​មួយកន្លែងកាលពីវេលាយប់ថ្ងៃទី​​​២៤ មករា ឆ្នាំ​២០២១​ ដោយមានការ​សង្ស័យថា​ ​លួចប្រើប្រាស់ និង​ជួញដូរគ្រឿងញៀន​ជាយូរណាស់មកហើយនោះ​ ព្រមទាំង​​បានឃាត់ខ្លួន​មនុស្ស​ប្រុសស្រី​សរុប​ចំនួន​​​​១០នាក់ ក្នុងនោះ​មាន​ម្នាក់ជា​​ថៅកែ​​ស្ថានីយប្រេង​ និង​ខារ៉ាអូខេ យីហោ ណាកាសា ស្ថិតនៅ​ភូមិស្ពឺក ឃុំជយោ ស្រុកចម្ការលើ ខេត្ត​កំពង់ចាម​ ។

ម្ចាស់ទីតាំង​​ខាងលើ​ឈ្មោះថៃ បូរិន អាយុ​​​​៤១​ឆ្នាំ និង​​បក្ខពួកស្រីប្រុស​​សរុបចំនួន​​៩​នាក់​ផ្សេងទៀត​មិនស្គាល់អត្ត​សញ្ញាណ​ ត្រូវ​សមត្ថកិច្ច​ចាប់ខ្លួន ខណៈពួកគេ​កំពុង​ប្រើប្រាស់គ្រឿងញៀនជាក់ស្តែង ​ហើយ​សមត្ថកិច្ច​​បាន​រឹបអូស​វត្ថុតាង​គ្រឿងញៀន​ចំនួន​៣កញ្ចប់ និង​សម្ភារ​សម្រាប់សេពគ្រឿងញៀនជាច្រើនទៀត ។​

បច្ចុប្បន្ន ជនសង្ស័យទាំង​​​១០នាក់​ខាងលើ​ត្រូវបាន​សមត្ថកិច្ច​​បញ្ជូនទៅធ្វើការ​សាកសួរ​ ដើម្បី​កសាងសំណុំរឿង​ចាត់ការ​ផ្លូវ​ច្បាប់ ៕