ADផ្ទាំងផ្សព្វផ្សាយពាណិជ្ជកម្ម

Picture

សមត្ថកិច្ច​រវល់​អាំងត្រី ម្ចាស់​ម៉ូតូ​ភ្លេច​ខ្លួន ចោរ​យក​អា​សង់​០១៥​​ទៅ​បាត់

10 ខែ មុន
  • តាកែវ

ខេត្តតាកែវ ៖ ពលរដ្ឋ​ក្នុងស្រុក​ព្រៃកប្បាស បាន​នាំ​គ្នា​លើក​ឡើង​ថា ដោយសារ​ថ្នាក់ដឹកនាំ​ស្រុក​រវល់​តែ​អាំងត្រី​ធម្មជាតិ បង្ហោះ​បង្អួត​ពេញ​បណ្ដាញ​សង្គម កាលពី​ថ្ងៃ​ទី​២៣ ខែមករា ឆ្នាំ​២០២១ ឡើង​ល្បីល្បាញ…

ខេត្តតាកែវ ៖ ពលរដ្ឋ​ក្នុងស្រុក​ព្រៃកប្បាស បាន​នាំ​គ្នា​លើក​ឡើង​ថា ដោយសារ​ថ្នាក់ដឹកនាំ​ស្រុក​រវល់​តែ​អាំងត្រី​ធម្មជាតិ បង្ហោះ​បង្អួត​ពេញ​បណ្ដាញ​សង្គម កាលពី​ថ្ងៃ​ទី​២៣ ខែមករា ឆ្នាំ​២០២១ ឡើង​ល្បីល្បាញ និង​មាន​ភាព​ទាក់ទាញ​ឱ្យ​គេ​ឡាយ ខំ​មិន និង​ស៊ែ​រាប់​ភ្លេច បែរជា​ក្រុម​ចោរ​មាន​ឱកាស​បាន​នាំ​គ្នា​ជិះ​ម៉ូតូ​ដើរ​ពេញ​វាលស្រែ ស្រូវ​ក្បែរ​ភូមិឋាន​របស់​ពួក​គាត់ និង​ធ្វើ​សកម្មភាព​លួច​យក​ម៉ូតូ​ទៅ​ដោយ​សុវត្ថិភាព​។

Picture
រូប​ថត​ចាស់តំណាង​

ក្នុងស្រុក​ព្រៃកប្បាស ខេត្តតាកែវ កំពុង​ជាទី​ពេញ​និយម​សម្រាប់​ក្រុម​ចោរ​ធ្វើ​សកម្មភាព​លួច​ម៉ូតូ មាន​ទាំង​ចោរ​ស្រី​ស្រស់​សោភា និង​ចោរ​ប្រុស​សង្ហា​ៗ បើ​ទោះជា​លោក​អធិការ​ធ្វើការ​បង្ក្រាប​បានជា​បន្តបន្ទាប់​ក៏​ដោយ ក៏​សកម្មភាព​ចោរ​ទាំងនោះ មិន​មានការ​ថមថយ​ឡើយ ហើយ​កាន់តែ​ធ្វើ​សកម្មភាព​ព្រហើន​ជាង​ពេល​មុន​ៗ​ទៅ​ទៀត​។

ជាក់ស្ដែង​កាលពី​វេលា​ម៉ោង​១​និង​៣០​នាទី​រសៀល ដែល​ជា​ពេល​ថ្នាក់ដឹកនាំ​ស្រុក កំពុង​តែ​ជក់​ស៊ូ​អាំងត្រី​ធម្មជាតិ ស្រាប់តែ​ក្រុម​ចោរ​មាន​គ្នា​២​នាក់​ជិះ​ម៉ូតូ​ម៉ាក​វេ​វ ពណ៌​ខ្មៅ​១​គ្រឿង បាន​ធ្វើ​សកម្មភាព​លួច​ម៉ូតូ​សង់​សេ​១២៥ ពណ៌​ខ្មៅ ស៊េរី​ឆ្នាំ​២០១៥ ពាក់​ស្លាក​លេខ​ភ្នំពេញ 1CR 2737 នៅ​ចំណុច​វាលស្រែ​ខាងលិច​ភូមិ​ដូង​ខ្ពស់ ឃុំ​បាន​កាម ស្រុក​ព្រៃកប្បាស ខេត្តតាកែវ​។

Picture

បើ​យោង​តាម​សម្ដី​លោក ជា លី នាយ​ប៉ុស្ដិ៍​រដ្ឋបាល​ឃុំ បាន​កាម​បានអោយ​ដឹង​ថា នៅ​វេលា​ម៉ោង​១​និង​៣០​នាទី ស្ថិត​នៅ​ចំណុច​ខាងលើ ពិតជា​មាន​សកម្មភាព​ចោរលួច​ម៉ូតូ​សង់​០១៥​មួយ​គ្រឿង​ពិតមែន ដោយ​ឈ្មោះ លី ប៊ុ​ន​រ័​ត្ន ភេទ​ប្រុស អាយុ​១៧​ឆ្នាំ រស់នៅ​ភូមិ​-​ឃុំ​កើតហេតុ ជិះ​ទៅ​ច្រូត​ស្មៅ​។

លោកនាយ​ប៉ុស្តិ៍ បាន​បញ្ជាក់​ទៀត​ថា មុន​ពេល​កើតហេតុ ឈ្មោះ​ខាងលើ​បាន​ជិះ​ម៉ូតូ​ចេញ​ទៅ​ច្រូតស្មៅ​នៅ​ខាងលិច​ភូមិ​ប្រហែល​៧០០​មែ​ត្រ ហើយ​បែរខ្នង​ដាក់​ម៉ូតូ ក៏​ស្រាប់​មាន​ជនសង្ស័យ​២​នាក់​ជិះ​ម៉ូតូ​វ៉េវ មិន​ចាំ​ស្លាក​លេខ ដោយ​ឃើញ​ម៉ូតូ​ជន​រង​គ្រោះ​មិន​ដក​សោ​ផង​នោះ ពួក​គេ​ក៏​លួច​យក​ទៅ​ដោយ​សុវត្ថិភាព​តែ​ម្ដង​ទៅ ។

Picture
រូប​ថត​ចាស់តំណាង​

ក្រោយ​ពេល​កើតហេតុ កម្លាំង​របស់​លោក​បាន​ចុះ​ទៅ​ដល់ តែ​មិន​អាច​កំណត់​មុខសញ្ញា​បាន​ទេ​។ ពលរដ្ឋ​ក៏​បាន​នាំ​គ្នា​និយាយ​ថា តាម​ពិត​១​ថ្ងៃ​ៗ​ក្រុម​ចោរ​នៅ​ពាស​វាល​ពាស​កាល​ក្នុងស្រុក​ព្រៃ​កប្បាស​តែ​ម្ដង ហើយ​គ្រាន់តែ​ប្រហែស​តែ​បន្តិច គឺ​ប្រហោង​ភ្លាម​ៗ​។

Picture
Picture
រូប​ថត​ចាស់តំណាង​