ADផ្ទាំងផ្សព្វផ្សាយពាណិជ្ជកម្ម

Picture

ជិះ​ម៉ូតូ​កៀប​បំរុង​ប្លន់ លុះ​ជន​រង​គ្រោះ​ស្រែក រួច​ចាប់​បាន បដិសេធ​ថា​មិន​មែន​​ចោរ

10 ខែ មុន
  • ភ្នំពេញ

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា ជនសង្ស័យ​២​នាក់​ក្នុង​ចំណោម​បក្សពួក​៦​នាក់​បាន​ជិះ​ម៉ូតូ​៣​គ្រឿង​មក​កៀប​យុវជន​ម្នាក់​បំរុង​ប្លន់​យក​ម៉ូតូ តែ​មិន​សម្រេច ព្រោះ​ត្រូវ​ជន​រង​គ្រោះ​ស្រែ​កថា «​ចោរ​ៗ» ក៏​ត្រូវ​បាន​កម្លាំង​អាវុធហត្ថ​ឃាត់​បាន​២​នាក់​យក​ទៅ​សាកសួរ បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​១០​និង​៣៥​នាទី​យប់ ថ្ងៃ​ទី​២១…

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា ជនសង្ស័យ​២​នាក់​ក្នុង​ចំណោម​បក្សពួក​៦​នាក់​បាន​ជិះ​ម៉ូតូ​៣​គ្រឿង​មក​កៀប​យុវជន​ម្នាក់​បំរុង​ប្លន់​យក​ម៉ូតូ តែ​មិន​សម្រេច ព្រោះ​ត្រូវ​ជន​រង​គ្រោះ​ស្រែ​កថា «​ចោរ​ៗ» ក៏​ត្រូវ​បាន​កម្លាំង​អាវុធហត្ថ​ឃាត់​បាន​២​នាក់​យក​ទៅ​សាកសួរ បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​១០​និង​៣៥​នាទី​យប់ ថ្ងៃ​ទី​២១ ខែមករា ឆ្នាំ​២០២១ នៅ​តាម​បណ្តោយ​ផ្លូវ​សហព័ន្ធ​រុ​ស្ស៊ី នៅ​មុខ​ព្រ​លាន​យន្តហោះ​អន្តរជាតិ​ភ្នំពេញ ស្ថិត​ក្នុងភូមិ​ព្រៃ​ជី​សាក់ សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ ។

Picture

សេចក្តីរាយការណ៍​បន្ត​ថា ជន​រង​គ្រោះ​មានឈ្មោះ តាំង គី​ម​ឡេ​ង ភេទ​ប្រុស អាយុ​២៤​ឆ្នាំ មុខរបរ​លក់​ទូរស័ព្ទ​ដៃ ស្នាក់​នៅ​ម្តុំ​ផ្សារ​ដេប៉ូ ជិះ​ម៉ូតូ​ម៉ាក​ស៊ុប​ភើ គប់ ពណ៌​ខៀវ ពាក់​ស្លាក​លេខ​ភ្នំពេញ 1HU-0007 ។ ចំណែក​ជនសង្ស័យ​ជិះ​ម៉ូតូ​ម៉ាក​ស៊ុ​យ​សូ​គី​និ​ច ពណ៌​ក្រហម ពាក់​ស្លាក​លេខ ភ្នំពេញ​1CC-5136 ។

Picture

តាម​ប្រភព​ពី​ជន​រង​គ្រោះ​បានឱ្យ​ដឹង​ថា នៅ​មុន​ពេល​កើតហេតុ រូប​គាត់​ជិះ​ម៉ូតូ​តាម​បណ្តោយ​ផ្លូវ​សហព័ន្ធ​រុ​ស្ស៊ី​ពី​កើត​ទៅ​លិច ក៏​ស្រាប់តែ​មាន​ជនសង្ស័យ​ជា​ច្រើន​ម៉ូតូ​ជិះ​តាម​ក្រោយ​ម៉ូតូ​របស់​គាត់ បន្ទាប់​មក​បក្សពួក​ជនសង្ស័យ​បាន​ជិះ​មក​កៀប​ឱ្យ​រូប​គាត់​អែប​ខាង​។

Picture

ជន​រង​គ្រោះ​បន្ត​ថា ខណៈ​ពេល​នោះ​រូប​គាត់​បាន​ជិះ​មក​ដល់​ចំណុច​កើតហេតុ​មុខ​ភោជនីយដ្ឋាន​ចិន រូប​គាត់​ជា​ជន​រង​គ្រោះ​ក៏​បាន​ស្រែ​កថា «​ចោរ​ៗ» ក៏​ត្រូវ​បាន​សមត្ថកិច្ច​អាវុធហត្ថ​ខណ្ឌ​ពោធិ៍​សែន​ជ័យ តាម​ឃាត់​ជនសង្ស័យ​បាន​២​នាក់​ភ្លាម​ៗ​ផង​ដែរ ។

Picture

ប្រភព​ដដែល​បន្ត​ថា ក្រោយ​ពេល​ចាប់ខ្លួន​បាន​នោះ ជនសង្ស័យ​ទាំង​២​នាក់​ខាងលើ​បាន​បដិសេធ​ថា ពួក​គាត់​មិនមែន​ជា​ចោរប្លន់​នោះ​ទេ ដោយ​ពួក​គាត់​គ្រាន់តែ​ជិះ​ម៉ូតូ​ដើរ​លេង​តែ​ប៉ុណ្ណោះ ចំណែក​បក្សពួក​របស់​គាត់​មាន​គ្នា​៦​នាក់ ជិះ​ម៉ូតូ​៣​គ្រឿង ។

Picture

ក្រោយ​ពេល​កើតហេតុ កម្លាំង​អាវុធហត្ថ​ខណ្ឌ​ពោធិ៍​សែន​ជ័យ ឃាត់​ជនសង្ស័យ​ទាំង​២​នាក់​ខាងលើ រួច​យក​ទៅ​សាកសួរ​នៅ​មូលដ្ឋាន​អាវុធហត្ថ​ខណ្ឌ​ពោធិ៍​សែន​ជ័យ ដើម្បី​ចាត់ការ​តាម​នីតិវិធី​បន្ត ៕