ADផ្ទាំងផ្សព្វផ្សាយពាណិជ្ជកម្ម

Picture

មិនដល់​១ម៉ោងផងប្រម៉ាញ់បាន ក្រោយ​ប្លន់​អ្នករត់​ម៉ូតូឌុប​យ៉ាងសា​ហាវ​

10 ខែ មុន
  • បន្ទាយមានជ័យ

ខេត្ត​បន្ទាយ​មានជ័យ ៖ បុរសជា​អ្នករត់ម៉ូតូឌុបម្នាក់ត្រូវ​ជនសង្ស័យ​ អា.រ.ក បណ្តាល​ឱ្យ​ហូរឈាមស្រោចខ្លួនរង​របួសយ៉ាងធ្ងន់ធ្ងរ រួច​ប្លន់ម៉ូតូ​មួយគ្រឿង​យក​ទៅបាត់ ​បន្ទាប់មក​សមត្ថកិច្ចជំនាញពាក់ព័ន្ធ​​បាន​ដាក់កម្លាំងតាមប្រម៉ាញ់គ្រប់ច្រកល្ហក ប៉ុន្តែមិនដល់១ម៉ោងផង ជនសង្ស័យត្រូវកម្លាំង​អាវុធហត្ថចាប់ខ្លួនបាន ខណៈកំពុងបើកម៉ូតូព្យាយាមគេចខ្លួន…

ខេត្ត​បន្ទាយ​មានជ័យ ៖ បុរសជា​អ្នករត់ម៉ូតូឌុបម្នាក់ត្រូវ​ជនសង្ស័យ​ អា.រ.ក បណ្តាល​ឱ្យ​ហូរឈាមស្រោចខ្លួនរង​របួសយ៉ាងធ្ងន់ធ្ងរ រួច​ប្លន់ម៉ូតូ​មួយគ្រឿង​យក​ទៅបាត់ ​បន្ទាប់មក​សមត្ថកិច្ចជំនាញពាក់ព័ន្ធ​​បាន​ដាក់កម្លាំងតាមប្រម៉ាញ់គ្រប់ច្រកល្ហក ប៉ុន្តែមិនដល់១ម៉ោងផង ជនសង្ស័យត្រូវកម្លាំង​អាវុធហត្ថចាប់ខ្លួនបាន ខណៈកំពុងបើកម៉ូតូព្យាយាមគេចខ្លួន ។

​ហេតុការណ៍​​​​ខាងលើនេះ​​​បាន​​បង្ក​​​​ឱ្យមានការ​ភ្ញាក់ផ្អើលកើតឡើងកាលពី​​វេលាម៉ោង​​៧​និង​៣០​នាទីយប់ថ្ងៃទី២០ មករា ​ឆ្នាំ​២០២១ នៅភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ​ខេត្តបន្ទាយមានជ័យ ។

ជនរងគ្រោះឈ្មោះប្រាក់ សុខុម ភេទប្រុស អាយុ៥២ឆ្នាំ ស្នាក់នៅភូមិ​ផ្សារ​កណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ ចំណែកជន​សង្ស័យ​ឈ្មោះ​ឈុំ​ពិសិដ្ឋ ភេទប្រុស អាយុ២១ឆ្នាំ រស់នៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត។ ដោយ​ឡែក​ម៉ូតូមួយគ្រឿង​ដែល​ជនសង្ស័យ​ធ្វើសកម្មភាពប្លន់​យកទៅនោះម៉ាកហុង​ដា​ឌ្រីម ធុន​សេ១២៥ ​ស៊េរី២០២០ ពណ៌ខ្មៅ ពាក់ស្លាកលេខ បាត់ដំបង ១AL-៦១១០ ​ជា​របស់​ជនរងគ្រោះ​​​ខាងលើ ។​

តាមប្រភពព័ត៌មាន​បាន​ឱ្យ​ដឹង​ថា មុនពេល​កើតហេតុ ជន​សង្ស័យ​បានហៅជនរងគ្រោះឲ្យដឹកពីចំណុចមុខរោងចក្រអែសស៊ីវ៉ាដូ(រោងចក្រហាតឌីស្កិ) ស្ថិត​ក្នុងភូមិ​ផ្សារ​កណ្តាល​ សង្កាត់ផ្សារកណ្តាល លុះមក​ដល់ចំណុចកើតហេតុដែលជាកន្លែងស្ងាត់ ជនសង្ស័យ​ក៏ធ្វើសកម្មភាព​យក​កាំបិតចិតបន្លែចុងស្រួចអា.រ.ក ជនរងគ្រោះតែម្តង។

​តាម​ប្រភព​ព័ត៌មាន​បាន​​​ឱ្យ​ដឹង​បន្តថា ក្រោយពី​ធ្វើសកម្មភាពប្លន់​យក​បានម៉ូតូរួចហើយ ជន​សង្ស័យ​បានព្យាយាមបើកគេចដែរ ​ប៉ុន្តែ​ដោយសារ​ប្រព្រឹត្តអំពើអាក្រក់ ព្រះមិនជួយ ក៏​ត្រូវកម្លាំងអាវុធហត្ថក្រុងប៉ោយប៉ែតប្រម៉ាញ់ចាប់បាននៅចំណុចអគារថ្មី ស្ថិត​ក្នុងភូមិអូរជ្រៅ សង្កាត់ប៉ោយប៉ែត ​ដោយ​បានដកហូត​ម៉ូតូ​មួយគ្រឿង​របស់​ជនរងគ្រោះ​យកមកវិញ​ផងដែរ ។

បច្ចុប្បន្ន ជនរងគ្រោះកំពុងសម្រាកព្យាលបាលនៅមន្ទីរពេទ្យបង្អែកក្រុងប៉ោយប៉ែត។ចំណែកជនសង្ស័កំពុងត្រូវបានអាវុធហត្ថ​ធ្វើការ​សាកសួរ និង​កសាង​សំណុំរឿង​ដើម្បី​ចាត់ការ​​តាម​នី​តិវិធី៕ (កែសម្រួលដោយ ៖ ធីតា​)

Picture
Picture
Picture