អេស្ប៉ាញ ៖ ប្រធានក្រុម Lionel Messi ប្រឈមនឹងការពិន័យ១២ប្រកួត ចំពោះកំហុសដែលរូបគេបានបង្ករហូតទទួលបានកាតក្រហមនៅនាទីចុងក្រោយ នៃការប្រកួតវគ្គផ្តាច់ព្រ័ត្រ Spanish Super…
អេស្ប៉ាញ ៖ ប្រធានក្រុម Lionel Messi ប្រឈមនឹងការពិន័យ១២ប្រកួត ចំពោះកំហុសដែលរូបគេបានបង្ករហូតទទួលបានកាតក្រហមនៅនាទីចុងក្រោយ នៃការប្រកួតវគ្គផ្តាច់ព្រ័ត្រ Spanish Super Cup កាលពីថ្ងៃអាទិត្យកន្លងទៅ ដែលក្រុម Barcelona បានចាញ់ក្រុម Athletic Bilbao ក្នុងលទ្ធផល ៣-២ ។ រំលឹកជូនថា ៖ Bilbao លើកពាន ខណៈ Messi ស្គាល់កាតក្រហមលើកដំបូងជាមួយ Barca
នេះជាលើកដំបូងក្នុងអាជីពរបស់ Messi ជាមួយក្លិប Barcelona ដែលទទួលបានកាតក្រហម បន្ទាប់ពីខ្សែប្រយុទ្ធអាហ្សង់ទីនវ័យ ៣៣ឆ្នាំរូបនេះ បានវាយចំក្បាលខ្សែប្រយុទ្ធ Asier Villalibre របស់ក្រុម Athletic Bilbao។
បើតាមប្រភពពី Dailymail បានឱ្យដឹងថា ប្រសិនបើសហព័ន្ធបាល់ទាត់អេស្ប៉ាញរកឃើញថាឧប្បត្តិហេតុនោះ គឺជាការឈ្លានពានដោយចេតនា Messi នឹងប្រឈមការពិន័យមិនឱ្យបង្ហាញខ្លួនលើទីលានចន្លោះពី៤ទៅដល់១២ប្រកួត។ ប៉ុន្តែប្រសិនបើសហព័ន្ធសន្និដ្ឋានថា វាជាសកម្មភាពដោយអចេតនា នោះការពិន័យលើកីឡាកររូបនេះនឹងស្ថិតនៅចន្លោះពី១ទៅដល់៣ប្រកួតតែប៉ុណ្ណោះ៕
ចែករំលែកព័តមាននេះ