សម្រេចលើកពេលប្រកាសសាលក្រមផ្តន្ទាទោសលោក សួង សុភណ្ឌ ពីបទញុះញង់
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៥ ខែមករា ឆ្នាំ២០២១ បានលើកយកសំណុំរឿងលោក សួង សុភណ្ឌ ប្រធានគណបក្សខ្មែរឈ្នះមកបើកសវនាការជំនុំ…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៥ ខែមករា ឆ្នាំ២០២១ បានលើកយកសំណុំរឿងលោក សួង សុភណ្ឌ ប្រធានគណបក្សខ្មែរឈ្នះមកបើកសវនាការជំនុំ…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៥ ខែមករា ឆ្នាំ២០២១ បានលើកយកសំណុំរឿងលោក សួង សុភណ្ឌ ប្រធានគណបក្សខ្មែរឈ្នះមកបើកសវនាការជំនុំ ជម្រះទោស ពាក់ពន្ធពីបទ.ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម តាមបញ្ញាតិមាត្រា៤៩៤ នឹង៤៩៥ នៃក្រមព្រហ្មទណ្ឌ ។
សវនាការនេះមានលោក លិ សុខា ជាចៅក្រមជំនុំជម្រះ នឹងលោក សេង ហៀង ព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ រួមមានមេធាវីការពារក្តីឲ្យដើមចោទ នឹងចុងបណ្តឹង ដែលធ្វើឡើងជាសាធារណៈនឹងចំពោះមុខជនជាប់ចោទ ។
ក្រោយពីអង្គសវនាការសាកសួរដេញដោល អស់រយៈពេលច្រើនម៉ោងចប់សព្វគ្រប់ លោកចៅក្រមជំនុំជម្រះបានសម្រេចលើកពេលប្រកាសសាលក្រមផ្តន្ទាទោសលើជនជាប់ចោទ ទៅថ្ងៃទី១០ ខែកុម្ភៈ ឆ្នាំ២០២១ ខាងមុខនេះ ។
សូមរំលឹកថា កាលពីវេលារសៀលថ្ងៃទី១៥ ខែសីហា ឆ្នាំ២០២០ លោក ឆាយ ហុង ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចធ្វើការចោទប្រកាន់លោក សួង សុភណ្ឌ ប្រធានគណបក្សខ្មែរឈ្នះជាផ្លូវការ ពីបទ.ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា៤៩៤.៤៩៥ នៃក្រមព្រហ្មទណ្ឌ ។
ក្រោយពីតំណាងអយ្យការចោទប្រកាន់ជាផ្លូវការហើយនោះ សំណុំរឿងនេះបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ន ។
សូមរំលឹកទៀតថា លោក សួង សុភណ្ឌ ត្រូវបានកម្លាំងសមត្ថកិច្ចនគរបាលផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញចាប់នឹងបញ្ជូនខ្លួនទៅកាន់សាលាដំបូងរាជធានីភ្នំពេញ ដើម្បីសាកសួរពីបទ.ញុះញង់ពាក់ពន្ធបញ្ហាព្រំដែន ។
បើតាមលោក គុជ គឹមឡុង អ្នកនាំពាក្យអយ្យការសាលាដំបូងរាជធានីភ្នំពេញ បានប្រាប់បណ្តាញព័ត៌មានក្នុងស្រុក កាលពីរសៀលថ្ងៃទី១៤ ខែសីហាថា លោក សួង សុភណ្ឌ ពិតជាត្រូវបានឃាត់ខ្លួនមែន ក្នុងបទល្មើសជាក់ស្តែងទាក់ទង នឹងការញុះញង់បំភ្លៃការពិតលើបញ្ហាព្រំដែន និងការចោទប្រកាន់មួលបង្កាច់ទម្លាក់កំហុស លើគណៈកម្មាធិការចម្រុះកិច្ចការព្រំដែនថា ប្រព្រឹត្តបទល្មើសក្បត់ជាតិ ៕
ចែករំលែកព័តមាននេះ