ដំរីព្រៃព្រេចបុរសថៃម្នាក់ស្លា.ប់ ពេលដេកក្នុងជំរំបោះតង់
ថៃ ៖ បុរសវ័យចំណាស់ម្នាក់ កំពុងដេកលង់លក់នៅក្នុងតង់តែម្នាក់ឯង ក្នុងឧទ្យានជាតិ Khao Yai របស់ប្រទេសថៃ ត្រូវដំរីព្រៃមួយក្បាល វាយប្រហាររហូតដល់បាត់បង់ជីវិត…
ថៃ ៖ បុរសវ័យចំណាស់ម្នាក់ កំពុងដេកលង់លក់នៅក្នុងតង់តែម្នាក់ឯង ក្នុងឧទ្យានជាតិ Khao Yai របស់ប្រទេសថៃ ត្រូវដំរីព្រៃមួយក្បាល វាយប្រហាររហូតដល់បាត់បង់ជីវិត…
ថៃ ៖ បុរសវ័យចំណាស់ម្នាក់ កំពុងដេកលង់លក់នៅក្នុងតង់តែម្នាក់ឯង ក្នុងឧទ្យានជាតិ Khao Yai របស់ប្រទេសថៃ ត្រូវដំរីព្រៃមួយក្បាល វាយប្រហាររហូតដល់បាត់បង់ជីវិត កាលពីព្រឹកថ្ងៃសុក្រ ទី១៥ មករា ២០២១នេះ បើយោងតាមកាសែតថៃ បាងកកប៉ុស្តិ៍ ។
ហេតុការណ៍សត្វដំរីព្រៃព្រេចមនុស្សស្លាប់នេះ បានកើតឡើងនៅក្នុងជំរំបោះតង់មួយ នៅឯ«Pha Kluai Mai» ស្ថិតចន្លោះខេត្ត Pak Chong និងខេត្ត Prachin Buri នៅភាគខាងកើតទីក្រុងបាងកក ។
មន្ត្រីឧទ្យាន និងប៉ូលិសថៃ ក្រោយទទួលដំណឹងតាមទូរស័ព្ទ ក៏បានដឹកនាំកម្លាំងចុះទៅកាន់កន្លែងកើតហេតុ ប្រហែលជាម៉ោង១និង ៥០នាទី រំលងអធ្រាត្រឈានចូលថ្ងៃសុក្រនេះ ក៏បានរកឃើញសាកសពក្នុងសភាពទក់ របស់ជនរងគ្រោះឈ្មោះ Prayot Jitbun អាយុ៨០ឆ្នាំ ជាអ្នកខេត្តសាមុតប្រាកាន ។ ហើយប្រទះឃើញអ្នកទេសចរថៃ និងបរទេសដទៃទៀត ក្នុងសភាពភិតភ័យ ផងដែរ ។
អ្នកទេសចរថៃនិងជនបរទេស ពួកគេបានប្រាប់ប៉ូលីសថា សត្វដំរីព្រៃមួយក្បាល បានដើរជុំវិញរថយន្តរបស់ជនរងគ្រោះ មុនពេលវាព្រេចគាត់រហូតដល់បាត់បង់ជីវិត ក្បែរដើមឈើ ។
ពួកគេបានប្រាប់បន្តថា ដំរីព្រៃនេះ មើលទៅវាហាក់ដូចជាមានកំហឹងខ្លាំង ! ហើយភ្លាមៗដំរីបានវាយលុកតង់របស់ជនរងគ្រោះកំពុងដេកលង់លក់ បន្ទាប់មក ពារនឹងប្រមោយវាចាប់បុរសនោះ ហើយបោះគាត់ឡើងលើ ហើយធ្លាក់មកដី ដំរីព្រៃជាន់នឹងជើង និងគ្រវែងបោកផ្ទប់នឹងដើមឈើ ធ្វើអោយលោក Prayot បានស្លាប់នៅនឹងកន្លែងកើតហេតុតែម្តង ។
មន្ត្រីឧទ្យានម្នាក់ ក៏បាននិយាយដែរថា សត្វដំរីព្រៃ១ក្បាលនេះ គឺមានឈ្មោះថា “Phlai Due” ដែលក្រុមរបស់លោក បានដាក់ឧបករណ៍ជាប់នឹងករបស់វា ដើម្បីតាមដានតាំងពីថ្ងៃទី៨ ខែមករា ព្រោះដំរីព្រៃនេះវាមានអាកប្បកិរិយាកាចខុសប្រក្រតី មួយរយៈចុងក្រោយនេះ ។
មន្ត្រីជំនាញដែលចុះទៅស៊ើបអង្កេតកន្លែងកើតហេតុ រកឃើញថា ជនរងគ្រោះ បានតំឡើងតង់របស់គាត់ នៅឆ្ងាយពីអ្នកទេសចរដទៃទៀត ដែលបោះជំរំនៅតំបន់នោះ ។ រថយន្តរបស់ជនរងគ្រោះចតនៅជាប់នឹងតង់ ហើយមានផ្លែឈើជាច្រើននៅក្នុងរថយន្តនោះ ។ មន្ត្រីប៉ូលិស ក៏បានរកឃើញ ប្រាក់បាតថៃជាច្រើន នៅក្នុងតង់របស់បុរសនោះផងដែរ ។
ក្រុមមន្ត្រីប៉ូលិសបានសន្និដ្ឋានជាបឋមថា សត្វដំរីព្រៃនេះ ប្រហែលជាឃ្លាន ហើយវាត្រូវទាក់ទាញដោយក្លិនផ្លែឈើ នៅក្នុងរថយន្តនោះ ។
ដំរីព្រៃ “Phlai Due” ទំនងមានអារម្មណ៍ខឹងសម្បារដោយសារមិនអាចចូលទៅផ្លែឈើក្នុងរថយន្តបាន ទើបវាព្រេចទៅលើតង់ដែលជនរងគ្រោះកំពុងដេកនៅខាងក្នុងនោះ ។
សន្ធឹកវាយប្រហារ លាយឡំនឹងសូរគ្រហឹមរបស់ដំរី បានធ្វើឲ្យភ្ញាក់ដល់អ្នកបោះជំរំផ្សេងទៀត បង្កអោយភ័យស្លន់ស្លោ នាំគ្នាភៀសខ្លួនរកទីសុវត្ថិភាព ។
លោក Prayot Jitbun គឺជាមនុស្សទីមួយ ដែលដំរីព្រៃព្រេចស្លាប់ នៅក្នុងឧទ្យាននៅឆ្នាំនេះ ។ ហើយករណីដូចគ្នានេះ បានកើតឡើងញឹកញាប់ជាច្រើនមកហើយនៅក្នុងប្រទេសថៃ ។ ក្រុមមន្ត្រីឧទ្យានជាតិថៃ ព្យាយាមនិងធានាថា វាមិនកើតឡើងម្តងទៀតទេ ៕
ចែករំលែកព័តមាននេះ