រាជធានីភ្នំពេញ ៖ ក្រោយរកឃើញជើងឯករដូវកាលថ្មីភ្លាម សហព័ន្ធកីឡាអុកចត្រង្គកម្ពុជា បានប្រកាសពង្រឹងកម្លាំងភ្លែត ដោយ មន្ត្រីស្ថាប័នមួយនេះបានបង្ហាញជំនឿយ៉ាងមុតមាំថា អត្តពលិករបស់ខ្លួនអាចដណ្ដើមមេដាយស៊ីហ្គេមបានច្រើនក្នុងពេលខាងមុខ ជាពិសេសនៅពេលកម្ពុជាធ្វើជាម្ចាស់ផ្ទះរៀបចំស៊ីហ្គេម នៅឆ្នាំ២០២៣។
គួរបញ្ជាក់ថា កម្មវិធីប្រកួត ដែលបាន រៀបចំធ្វើនៅក្លិបសេះខៀវ កាលពីថ្ងៃទី៥ មករា នោះមានការចូលរួមពីកីឡាករសុទ្ធតែជាជើងខ្លាំងនៅក្នុងកីឡាអុកចត្រង្គសរុបចំនួន៦៤នាក់មកពី១៧ក្លិប ។ សមាសភាពដែលបានចូលរួមប្រកួតនៅក្នុងឆ្នាំនេះ បើទោះជាអ្នកខ្លះចាញ់មិនទទួល
បានជ័យលាភី ក៏សុទ្ធតែជាជើងខ្លាំងមកពីគ្រប់រាជធានី-ខេត្តទូទាំងប្រទេស ហើយអ្នកទទួលបានជ័យលាភីគឺជាជើងខ្លាំងពិតប្រាកដសម្រាប់ត្រៀមចូលប្រកួតកីឡាស៊ីហ្គេមនាពេលខាងមុខ។
ការប្រកួតកីឡាអុកចត្រង្គជ្រើសរើសជើងឯកថ្នាក់ជាតិប្រចាំឆ្នាំ២០២០ នាពេលនេះ ពិតជាមាន សារៈសំខាន់ក្នុងការពង្រឹង និងលើកស្ទួយវិស័យកីឡាអុកចត្រង្គ ដែលជាកេរមរតកដូនតាបាន បន្សល់ទុកឲ្យដើម្បីធ្វើការអភិវឌ្ឍវិស័យកីឡា អុកចត្រង្គ នៅព្រះរាជាណាចក្រកម្ពុជាឲ្យទទួល បាននូវលទ្ធផលល្អ ក្នុងការប្រកួតថ្នាក់ជាតិ ក៏ដូចជាលើឆាកអន្តរជាតិ នានា ។
ថ្នាក់ដឹកនាំកីឡាជាន់ខ្ពស់ទាំងអស់សុទ្ធតែបង្ហាញអារម្មណ៍ជឿជាក់សមាសភាពដែលទើបរើសបាន និងអ្នកលេចធ្លោតែមិនបានជាប់ទាំងអស់ថា នឹងជួយឱ្យសហព័ន្ធកីឡាអុកចក្រត្រង្គកម្ពុជា មានធនធានខ្លាំងពិតប្រាកដ ដើម្បីឈរជើងនៅស៊ីហ្គេមឆ្នាំ២០២៣ ជាពិសេសក្នុងពេលដែលកម្ពុជាត្រូវជ្រើសយកវិញ្ញាសាជាច្រើនពីកីឡានេះដើម្បីត្រៀមដណ្ដើមមេដាយឱ្យបានច្រើនតាមដែលអាចធ្វើទៅបាន៕
ចែករំលែកព័តមាននេះ