ជំងឺអ្វីក៏ដោយឲ្យតែមានវិធីការពារ ឲ្យ បានត្រឹមត្រូវក៏អាចចៀសផុតបាន ជាពិសេសរោគបូសត្រង់ទ្វារមាសនេះតែម្តងគឺពិបាកណាស់ តែបើសុភាពនារីការពារឲ្យបានត្រឹមត្រូវ នោះនឹងអាចចៀសផុតពីការកើត
ជំងឺអ្វីក៏ដោយឲ្យតែមានវិធីការពារ ឲ្យ បានត្រឹមត្រូវក៏អាចចៀសផុតបាន ជាពិសេសរោគបូសត្រង់ទ្វារមាសនេះតែម្តងគឺពិបាកណាស់ តែបើសុភាពនារីការពារឲ្យបានត្រឹមត្រូវ នោះនឹងអាចចៀសផុតពីការកើតមានបូសនៅចំណុចនេះបានមិនមានការរំខានអ្វីទាំងអស់ ។
ជួបជាមួយលោកស្រីវេជ្ជបណ្ឌិត ពឹង ជុតិមា នាយិកាសេវាកម្មនៃគ្លីនិកអង្គការរ៉ាក់ បានប្រាប់កោះសន្តិភាពឲ្យដឹងថា ចំពោះវិធីការពារសម្រាប់ស្ដ្រីដើម្បីកុំឱ្យកើតមានបូសត្រង់ទ្វារមាសត្រូវមាន៖
-អនាម័យ ៖ ស្ដ្រីត្រូវតែមានអនាម័យខ្លួនប្រាណជាប្រចាំ ពិសេសសម្រាប់អ្នកដែលឧស្សាហ៍កើតបូសញឹកញាប់ គួរប្រើប្រាស់សាប៊ូណាដែលមានសារជាតិសម្លាប់មេរោគដើម្បីចៀសវាងការសាយភាយទៅកន្លែងផ្សេងទៀត ពិសេសត្រូវឧស្សាហ៍សម្អាតទ្វារមាសឱ្យបានញឹកញាប់ ។
-ដៃគូរួមភេទ ៖ ស្ត្រីមិនត្រូវផ្លាស់ប្ដូរដៃគូរួមភេទញឹកញាប់ពេកទេ។ ជាពិសេសនៅពេលរួមរ័កត្រូវប្រើស្រោមអនាម័យដើម្បីការពារការឆ្លងរោគ ដែលជាហេតុបង្កឱ្យមានបូសទ្វារមាស ឬឆ្លងជំងឺកាមរោគដទៃនាំឱ្យមានគ្រោះថ្នាក់ដល់អាយុជីវិត ។
-ជួបជាមួយគ្រូពេទ្យ ៖ ស្ដ្រីមានបូសត្រង់ទ្វារមាសមិនត្រូវបណ្ដោយឱ្យជំងឺនេះសាយភាយទេ គួរតែទៅពិគ្រោះជាមួយគ្រូពេទ្យជំនាញដើម្បីការពារ និងព្យាបាលឱ្យទាន់ពេលវេលាចៀសវាងការឈានដល់ដំណាក់កាលធ្ងន់ធ្ងរ ។
ចំពោះផលវិបាកនៃរោគបូសទ្វារមាសក៏មិនខុសពីជំងឺកាមរោគប៉ុន្មានដែរ ព្រោះបើមិនបានព្យាបាល វាអាចវិវឌ្ឍទៅជាបញ្ហាមួយចំនួនដូចជា៖
-ឈឺចាប់ជាខ្លាំង
-បូសឡើងធំទៅៗ បែកធ្លាយ ហូរខ្ទុះចេញមកក្រៅ នាំឱ្យបូសរាលដាលកាន់តែច្រើន។
-ការព្យាបាលមិនទាន់ពេលវេលា ឬក៏ព្យាបាលមិនបានត្រឹមត្រូវគឺព្យាបាលឈប់ពាក់កណ្ដាលទីនាំឱ្យមានបញ្ហាជាច្រើនដូចជាការរលាកមាត់ស្បូនរ៉ាំរ៉ៃ និងបាត់បង់លទ្ធភាពមានកូនថែមទៀតផង ។
-អ្វីដែលសំខាន់នោះបើសិនជាមេរោគរីករាលដាលទៅដល់សរសៃឈាម អាចធ្វើឱ្យមានគ្រោះថ្នាក់ដល់អាយុជីវិតផងដែរ ៕
ចែករំលែកព័តមាននេះ