រុស្ស៊ី ៖ អ្នកហែលទឹកជាស្ត្រីជនជាតិរុស្ស៊ីមួយរូបដែលមានឈ្មោះថា Yekaterina Nekrasova ត្រូវបានមើលឃើញថាបានបង្កើតកំណត់ត្រាពិភពលោកថ្មី សម្រាប់ការហែលទឹកក្រោមទឹកកកដែលមានចម្ងាយឆ្ងាយជាងគេបំផុតនៅឯបឹង Baikal ដោយហែលបានចម្ងាយ៨៥ម៉ែត្រ ក្រោមផ្ទាំងទឹកកកដែលមានកម្រាស់២៥សង្ទីម៉ែត្រ។
ស្ត្រីវ័យ៤០ឆ្នាំរូបនេះ ត្រូវការពេលជិត១,៥នាទី ដើម្បីហែលចម្ងាយ៨៥ម៉ែត្រត្រឹមមួយដង្ហើមតែប៉ុណ្ណោះក្នុងបឹង ដែលមានសីតុណ្ហភាព -២២អង្សាសេ ដោយបានផ្តួលកំណត់ត្រារបស់អ្នកហែលទឹកអាហ្វ្រិកខាងត្បូងគឺលោកស្រី Amber Fillary ដែលហែលបានចម្ងាយ៧០ម៉ែត្រ នៅប្រទេសន័រវែសកាលពីឆ្នាំមុន។
សមិទ្ធផលរបស់ Nekrasova ត្រូវបានកត់ត្រាទុកក្នុងឱកាសពិធីបុណ្យណូអែលប្រចាំឆ្នាំនៅលើបឹង Baikal ដែលរៀបចំឡើងដោយអាជ្ញាធរមូលដ្ឋាន។ ខណៈដែលវាមិនទាន់ត្រូវបានប្រកាសថា ជាកំណត់ត្រារបស់ Guinness World Records ជាផ្លូវការនៅឡើយទេ៕ (ដកស្រង់ចេញពី RT)
ចែករំលែកព័តមាននេះ