ជប៉ុនភ្ជាប់ Wi-Fi នៅភ្នំហ៊្វូជី ទាក់ទាញអ្នកទេសចរ
សារព័ត៌មាន «អាសាហ៊ី» របស់ជប៉ុន ផ្សាយថា កាលពីថ្ងៃទី១០ កក្កដា ២០១៥ អាជ្ញាធរជប៉ុន បើកបម្រើអីុនធើរណេតអត់ខ្សែ (Wi-Fi) ដោយមិនគិតប្រាក់នៅលើភ្នំភ្លើងហ៊្វូជី (Fuji) ជាលើកដំបូង
សារព័ត៌មាន «អាសាហ៊ី» របស់ជប៉ុន ផ្សាយថា កាលពីថ្ងៃទី១០ កក្កដា ២០១៥ អាជ្ញាធរជប៉ុន បើកបម្រើអីុនធើរណេតអត់ខ្សែ (Wi-Fi) ដោយមិនគិតប្រាក់នៅលើភ្នំភ្លើងហ៊្វូជី (Fuji) ជាលើកដំបូង
សារព័ត៌មាន «អាសាហ៊ី» របស់ជប៉ុន ផ្សាយថា កាលពីថ្ងៃទី១០ កក្កដា ២០១៥ អាជ្ញាធរជប៉ុន បើកបម្រើអីុនធើរណេតអត់ខ្សែ (Wi-Fi) ដោយមិនគិតប្រាក់នៅលើភ្នំភ្លើងហ៊្វូជី (Fuji) ជាលើកដំបូង ដើម្បីឱ្យអ្នកឡើងភ្នំអាចទាក់ទងនឹងពិភពលោកក្រៅបាន ។
Wi-Fi ឥតគិតថ្លៃនេះមានកំណត់ពេលប្រើឥតគិតថ្លៃចាប់ពីថ្ងៃទី១០ កក្កដា រហូតដល់ខែកញ្ញា ២០១៥ ខណៈអាជ្ញាធរជប៉ុនបញ្ជាក់ថា បានទទួលការស្នើសុំពីអ្នកទេសចរជនជាតិអាមេរិក និងអឺរ៉ុបជាច្រើននាក់ដែលចង់ប្រើអីុនធើរណេត ខណៈពេលឡើងនៅលើភ្នំហ៊្វូជី ។
អាជ្ញាធររំពឹងថា វិធីសាស្ត្រនេះអាចទាក់ទាញអ្នកទេចរបានមួយកម្រិតទៀត ។ មន្ត្រីផ្នែកទេចរណ៍ជប៉ុនលើកឡើងថា ក្រៅពីការទាក់ទាញអ្នកទេសចរ ការប្រើអីុនធើរណេតនេះអាចជួយដល់មនុស្សទាក់ទងគ្នាបង្ហាញពីទេសភាពដ៏ស្រស់ស្អាតរបស់ភ្នំហ៊្វូជី ត្រួតពិនិត្យស្ថានភាពអាកាសធាតុ និងស្វែងរកទិន្នន័យ ផ្សេងៗទៀតដើម្បីសុវត្ថិភាពផ្ទាល់ខ្លួន ។
អាជ្ញាធរខេត្តយ៉ាម៉ាណាស៊ី ជាទីតាំងរបស់ភ្នំ Fuji បញ្ជាក់ថា ចំនួនអ្នកទេសចរបរទេសដែលទៅកម្សាន្តនៅលើភ្នំមានចំនួនកើនឡើងជារៀងរាល់ឆ្នាំ ។ កាលពីឆ្នាំ២០១៤ មានអ្នកទេសចរច្រើនជាង៥០.០០០នាក់ពីសហរដ្ឋអាមេរិក និងអឺរ៉ុបបានអំពាវនាវអាជ្ញាធរសុំប្រើអីុនធើរណេត ពេលឡើងភ្នំហ៊្វូជី ៕
ចែករំលែកព័តមាននេះ