ខេត្តរតនគិរី ៖ ដំរីព្រៃជាច្រើនក្បាលកំពុងចូលអុកឡុកចំការដំណាំរបស់អ្នកភូមិ ខណៈក្រុមអ្នកតាមដានបរិស្ថានបង្ហាញពីការព្រួយបារម្ភអំពីសុវត្ថិភាពពពួកសត្វមាឌធំៗទាំងនេះ អាចរងនូវការសម្លាប់ពូជណខិលខូច។
អធិការនគរបាលស្រុកអូរយ៉ាដាវ បានឲ្យដឹងថា សត្វដំរីព្រៃបានចូលទៅស៊ីដំឡូងមីអ្នកភូមិ ហើយបានវាយបំផ្លាញខ្ទមចាំចម្ការ និងដកដើមស្វាយចាន់ទីថែមទៀត។ លោកអធិការថា ហ្វូងដំរីត្រូវគេដឹងថា សុទ្ធតែញីមានប្រមាណ៥ទោ៦ក្បាល បានចូលទៅចំការអ្នកភូមិតាំងពីថ្ងៃទី២ មករា ២០២១ ហើយពួកវាបានធ្វើសកម្មភាពដកដំឡូងស៊ី។ដំរីព្រៃទាំងនេះ បានចូលទៅឃុំយ៉ាទុង ដើរតាមចំការជាច្រើនភូមិ មានភូមិខ្វែង ភូមិដរ ភូមិតេនង៉ល។
ចំណែកប្រជាពលរដ្ឋក្នុងឃុំយ៉ាទុង កំពុងមានការព្រួយបារម្ភចំពោះសត្វដំរីព្រៃតែងតែចូលបំផ្លាញដំណាំ និងខ្ទមជារឿយៗ ប្រជាពលរដ្ឋស្នើសុំឲ្យអាជ្ញាធរមានសត្ថកិច្ចពិសេសក្រសួងបរិស្ថានជួយអន្តរាគមន៍ជម្លៀសសត្វដំរីចេញពីតំបន់ដែលប្រជាពលរដ្ឋកំពុងរស់នៅនិងបង្ករបង្កើនផលនេះផង ។
ទោះជាយ៉ាងណា គិតត្រឹមថ្ងៃទី០៤ មករា ២០២១នេះ មិនមានមនុស្សណាម្នាក់ បានរងគ្រោះថ្នាក់ពីហ្វូងដំរីព្រៃទាំងនេះទេ គឺវាបំផ្លាញតែដំណាំ និងខ្ទមចាំចម្ការប៉ុណ្ណោះ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ