ខេត្តព្រះវិហារ ៖ ប្រភពពីមន្ត្រីរាជការក្រោមឱវាទសាលាខេត្តព្រះវិហារបានឱ្យដឹងថា លោកសុខ ហៃ នាយខុទ្ទកាល័យសាលាខេត្តព្រះវិហារកំពុងធ្វើឱ្យមន្ត្រីក្រោមឱវាទមិនសប្បាយចិត្ត និងសូម្បីតែអភិបាលរងខេត្តមួយចំនួនក៏មិនពេញចិត្តចំពោះទង្វើរបស់លោកសុខ ហៃ ដែលក្តោបការងារតែឯង
ខេត្តព្រះវិហារ ៖ ប្រភពពីមន្ត្រីរាជការក្រោមឱវាទសាលាខេត្តព្រះវិហារបានឱ្យដឹងថា លោកសុខ ហៃ នាយខុទ្ទកាល័យសាលាខេត្តព្រះវិហារកំពុងធ្វើឱ្យមន្ត្រីក្រោមឱវាទមិនសប្បាយចិត្ត និងសូម្បីតែអភិបាលរងខេត្តមួយចំនួនក៏មិនពេញចិត្តចំពោះទង្វើរបស់លោកសុខ ហៃ ដែលក្តោបការងារតែឯង និងជ្រៀតជ្រែកការងារអ្នកដទៃ ព្រមទាំងមានចិត្តក្រអឺតក្រទមនោះថែមទៀត ។
បើតាមអ្នកឆ្លើយឆ្លងព័ត៌មាន«កោះសន្តិភាព»បានស្រង់សម្តីមន្ត្រីរាជការបន្តថា អ្នករាជការនៅក្នុងខេត្តព្រះវិហារទាំងមូល លោកនាយខុទ្ទកាល័យសុខ ហៃ គោរពតែអភិបាលខេត្តលោកអ៊ុំ ម៉ារ៉ា តែម្នាក់គត់ ។
ទាក់ទងទៅនឹងការចោទប្រកាន់ខាងលើ«កោះសន្តិភាព»មិនអាចរកការសុំបំភ្លឺបានទេពីលោកសុខ ហៃ នៅរសៀលថ្ងៃទី៩ កក្កដានេះ ។
ក្រុមមន្ត្រីរាជការដែលថ្នាំងថ្នាក់រួមទាំងអភិបាលរងខេត្តមួយចំនួនផងបានសំណូមពរឱ្យសម្តេចក្រឡាហោមស ខេង រដ្ឋមន្ត្រីក្រសួងមហាផ្ទៃ និងលោកនាយឧត្តមសេនីយ៍មាស សុភា ប្រធានក្រុមការងារចុះជួយខេត្តព្រះវិហារ ពិចារណាចាត់វិធានការរដ្ឋបាលជាបន្ទាន់ទៅលើលោកនាយខុទ្ទកាល័យសាលាខេត្តរូបនេះ បើមិនដូច្នេះទេចង្វាក់ការងារពិតជាមានភាពរអាក់រអួលមិនអាចបម្រើប្រជាពលរដ្ឋបានល្អឡើយ ៕
ចែករំលែកព័តមាននេះ