ចុះមនុស្សវិញនោះ! បើឆេះខ្ទេចទាំងស្រុងចឹងៗ
- កំពង់ឆ្នាំង
ខេត្តកំពង់ឆ្នាំង ៖ រថយន្តសាំយ៉ុងមួយគ្រឿង ត្រូវបានអគ្គិភ័យឆេះខ្ទេចទាំងស្រុង កាលពីវេលាម៉ោង5 និង 30 នាទីព្រឹក ថ្ងៃទី30 ខែធ្នូ…
ខេត្តកំពង់ឆ្នាំង ៖ រថយន្តសាំយ៉ុងមួយគ្រឿង ត្រូវបានអគ្គិភ័យឆេះខ្ទេចទាំងស្រុង កាលពីវេលាម៉ោង5 និង 30 នាទីព្រឹក ថ្ងៃទី30 ខែធ្នូ…
ខេត្តកំពង់ឆ្នាំង ៖ រថយន្តសាំយ៉ុងមួយគ្រឿង ត្រូវបានអគ្គិភ័យឆេះខ្ទេចទាំងស្រុង កាលពីវេលាម៉ោង5 និង 30 នាទីព្រឹក ថ្ងៃទី30 ខែធ្នូ ឆ្នាំ 2020 នៅចំណុចមុខផ្សារពន្លៃ តាមបណ្ដោយផ្លូវជាតិលេខ 5 ចន្លោះគីឡូម៉ែត្រលេខ 123 និង 124 ស្ថិតក្នុងភូមិពន្លៃ ឃុំពន្លៃ ស្រុកបរិបូណ៍ ។
សមត្ថកិច្ចនគរបាលស្រុកបរិបូណ៌បានឲ្យដឹងថា រថយន្តសាំយ៉ុងដែលត្រូវអគ្គិភ័យឆេះខ្ទេចទាំងស្រុង នោះពាក់ស្លាកលេខ ភ្នំពេញ 2aa.0144 បើកបរដោយបុរសឈ្មោះ ទិត្យ ហេងអាយុ 30 ឆ្នាំមានទីលំនៅភូមិអង្គស្នាយខាងជើង ស្រុកអង្គរជ័យ ខេត្តកំពត ។
ប្រភពដដែលបានបន្តថា មុនពេលកើតហេតុរថយន្តខាងលើបានដឹកទំនិញមកដល់កន្លែងកើតហេតុ ក៏ស្រាប់តែមានអណ្តាតភ្លើងឆេះចេញពីក្នុងរថយន្ត ហើយម្ចាស់ក៏បានឈប់អែបខាងខាង រួចស្ទុះចេញមកខាងក្រៅ បន្ទាប់មកអណ្ដាតភ្លើងបានឆេះយ៉ាងសន្ឋោសន្ឋៅបណ្ដាលឲ្យខ្ទេចទាំងស្រុង រួមទាំងសម្ភារៈផងដែរ ។
ចំពោះការខូចខាត គឺរថយន្តសាំយ៉ុង១គ្រឿង ថ្នាំលាបអ៊ុយ 90 ជាច្រើនធុង ល្បាយទឹកក្រូច និងសម្ភារៈជាច្រើនទៀត ដែលប្រមាណទឹកប្រាក់មានចំនួនជាង 2 ម៉ឺនដុល្លារ ។
សមត្ថកិច្ចបានបញ្ជាក់ថា មូលហេតុដែលបណ្ដាលឱ្យមានការឆាបឆេះនេះ សង្ស័យបណ្ដាលមកពីឆ្លងប្រព័ន្ធភ្លើងរថយន្ត ។
ក្នុងករណីនេះដែរ គេឃើញរថយន្តពន្លត់អគ្គីភ័យរបស់អធិការនគរបាលស្រុកបរិបូរណ៌ចេញអន្តរាគមន៍ពន្លត់ដែរ ប៉ុន្តែភ្លើងបានឆេះរថយន្តអស់ទៅហើយ ។ យ៉ាងនេះក្តីពុំមាននរណាបានរងរបួសក្នុងហេតុការណ៍ខាងលើនេះទេ ៕
ចែករំលែកព័តមាននេះ