សង្គមមានប្រហោង
សង្គមប្រជាធិបតេយ្យ ប្រទេសណាក៏ដូចប្រទេសណាដែរ មានអ្នកមាន មានអ្នកក្រ… វាមិនដែលមានសុទ្ធតែអ្នកមានទេ ។ ដោយសារតែរកសុទ្ធតែអ្នកមានស្នើគ្នាមិនបាននឹងហើយ បានជាសង្គមបច្ចុប្បន្ន ខំធ្វើនយោបាយកាត់បន្ថយភាពក្រីក្រ…
សង្គមប្រជាធិបតេយ្យ ប្រទេសណាក៏ដូចប្រទេសណាដែរ មានអ្នកមាន មានអ្នកក្រ… វាមិនដែលមានសុទ្ធតែអ្នកមានទេ ។ ដោយសារតែរកសុទ្ធតែអ្នកមានស្នើគ្នាមិនបាននឹងហើយ បានជាសង្គមបច្ចុប្បន្ន ខំធ្វើនយោបាយកាត់បន្ថយភាពក្រីក្រ… ព្រោះអ្នកក្រច្រើនពេក… យ៉ាងហោចកាត់បន្ថយបានខ្លះ ។
នៅប្រទេសអ្នកមានទាំងឡាយក្នុងលោកយើងនេះ តើប្រទេសណាទៅដែលអត់មានអ្នកក្រ ? សូម្បីនៅប្រទេសអាមេរិក នៅប្រទេសបារាំង ក៏មានអ្នកក្ររាប់មិនអស់ដែរ…អ្នកក្រខ្លះដេកក្រោមស្ពាន… ដេកតាមសំយាបផ្សារ ដូចនៅប្រទេសក្រីក្រ ក្នុងលោកយើងដែរ ។
មានតែសង្គម ប៉ុល ពត-ខៀវ សំផន តែមួយគត់ ដែលចេះធ្វើមនុស្សឱ្យក្លាយជាវណ្ណៈអធន ។ មនុស្សក្រស្មើគ្នា… ទីណា តំបន់ណា ក៏ក្រដែរ… ក្រមហាក្រ… ក្ររហូតដល់ស្លាប់… មានតែសំពាយតូចមួយជាកម្មសិទ្ធិ ។
សង្គមប្រជាធិបតេយ្យបច្ចុប្បន្ន មានចន្លោះប្រហោងធំ២ សម្រាប់បង្កើតឱ្យមានទំនាស់មិនឈប់ឈរ… ៖
ប្រហោងទី១ គឺបញ្ហាព្រំដែន ជាមួយយួន លេចធ្លោជាងជាមួយសៀមជាទំនាស់សួរពូជ… សួរជំនាន់ ។
ប្រហោងទី២ គឺបញ្ហាពុករលួយ… ប្រហោងធំ២នេះហើយ ជាកម្លាំងសម្រាប់អ្នកបង្កទំនាស់ទាំងឡាយលើកគ្នាវាយប្រហារទាំងល្ងិតល្ងង់ក៏មានដែរ…។
ទំនាស់ទី២នេះ ក៏ជាបញ្ហាសួរពូជ… សួរជំនាន់ដែរ… ព្រោះប្រហោងនេះវាកើតមានតាំងតែពីបារាំងត្រួតខ្មែរម្ល៉េះ… ចំណែកប្រហោងដទៃទៀត… ដូចជាកាប់ឈើអនាធិបតេយ្យតាមចិត្ត… ។ល។ ប្រហោងនេះងាយស្រួលទេ… ដកមេដែលការពារព្រៃមិនកើត គ្រវែងចោលទៅ… កុំទុកឱ្យក្លាយជាសេដ្ឋីយូរពេក…
អាឡេវ
ចែករំលែកព័តមាននេះ