រាជធានីភ្នំពេញ ៖ រថយន្ដកុងតឺន័រមួយគ្រឿងម៉ាកនីស្សាន់ ពាក់ស្លាកលេខ កំពង់ស្ពឺ ៣A-០០១០ បើកបរដោយ ឈ្មោះឡុប នី ភេទប្រុស អាយុ២៤ឆ្នាំ បានមុជចូលក្រោមស្ពាន អាកាសដែលកំពុងសាងសង់ជិតរួចរាល់ជាស្ថាពរ និងត្រៀមធ្វើការសម្ពោធជាផ្លូវការនាពេលដ៏ខ្លីខាងមុខនេះ បណ្ដាលឱ្យជាប់ទ្រុងកុងតឺន័រពី ក្រោមស្ពានគាំងទៅមុខលែងរួច។ ហេតុការណ៍ នេះបានកើតឡើងកាលពីវេលាម៉ោង៦និង៣០នាទីព្រឹកថ្ងៃទី៨ មិថុនា បណ្ដាលឱ្យកកស្ទះចរា ចរណ៍លើកំណាត់ផ្លូវជុំវិញទីនោះអស់រាប់ម៉ោងទំរាំសមត្ថកិច្ចទាញយករថយន្ដនេះចេញបាន។
ទាក់ទិននឹងហេតុការណ៍ខាងលើ បើតាម ប្រភពព័ត៌មានបានឱ្យដឹងថា ឧប្បត្ដិហេតុនេះពុំ បណ្ដាលឱ្យមានគ្រោះថ្នាក់ដល់មនុស្សណាម្នាក់ឡើយ។ ទោះបីជាយ៉ាងណានេះក្ដី ក៏ប្រជាពល រដ្ឋក៏ដូចជាមន្ដ្រីរាជការនានា មានការខឹងសម្បា នឹងអ្នកបើកបររថយន្ដកុងតឺន័រខាងលើនេះ ដោយសារតែពួកគាត់ត្រូវខកខានការងារអស់មួយស្របក់ធំ ព្រោះតែចរាចរណ៍ត្រូវជាប់គាំង ទៅមុខមិនរួចថយក្រោយមិនកើត។ លើសពី នេះទៀត ក្រុមអ្នកដំណើរបាននិយាយដោយ មិនសប្បាយចិត្ដថា អ្នកបើកបររថយន្ដកុងតឺន័រ ខាងលើនេះ បើកបរខ្វះការប្រុងប្រយ័ត្នគ្មាន មើលមុខមើលក្រោយលើក្រោមអ្វីឡើយ ទើប បានជាទៅជាប់រថយន្ដនៅក្រោមស្ពានដ៏ថ្មី សន្លាងដែលកំពុងស្ថាបនាជិតរួចរាល់ទៅហើយ និងកំពុងត្រៀមលក្ខណៈបើកសម្ពោធឱ្យប្រើ ប្រាស់ជាផ្លូវការនាចុងខែមិថុនានេះ ។
នៅព្រឹកនោះ គេសង្កេតឃើញសមត្ថកិច្ច នគរបាលសណ្ដាប់ធ្នាប់ខណ្ឌមានជ័យ ដឹកនាំ ដោយលោកអនុសេនីយ៍ទោ ទិត្យ ចំរើន ប្រធានផ្នែកនគរបាលសណ្ដាប់ធ្នាប់ខណ្ឌ សហ ការជាមួយនគរបាលការិយាល័យចរាចរណ៍ ផ្លូវគោកនៃស្នងការដ្ឋានរាជធានីភ្នំពេញ បាន ហៅរថយន្ដកុងតឺន័រផ្សេងមកអូសរថយន្ដកុងតឺន័រខាងលើថយក្រោយ ទើបបើកបរចេញពី កន្លែងកើតហេតុបានដោយចំណាយពេល វេលាអស់ជាងមួយម៉ោង ។ បន្ទាប់មកទៀត សមត្ថកិច្ចក៏បានអូសរថយន្ដខាងលើ ព្រម ទាំងនាំខ្លួនអ្នកបើកបរទៅកាន់ការិយាល័យ ជំនាញដើម្បីដោះស្រាយតាមច្បាប់ ។តាមអ្នកបើកបររថយន្ដឈ្មោះឡុប នី បាននិយាយថា ខ្លួនបើកបររថយន្ដកុងតឺន័រ ខាងលើឱ្យក្រុមហ៊ុន តុង សេង ពីចំណត រថយន្ដនៅសង្កាត់ចោមចៅឆ្ពោះមករោង ចក្រកាត់ដេរ M&V សង្កាត់ចាក់អង្រែក្រោម ដើម្បីដឹកសំភារ ហើយក៏ជួបគ្រោះថ្នាក់ដោយ សារខ្លួនស្មានស្ថានភាពផ្លូវ និងស្ពានពុំបាន ច្បាស់ ។
ចែករំលែកព័តមាននេះ