ខេត្តកំពង់ធំ ៖ ប្រតិភូវេជ្ជបណ្ឌិតមួយក្រុមដឹកនាំដោយលោកស្រីវេជ្ជបណ្ឌិត Dr. Teri Tan មកពីសមាគមអ្នកជំនាញសុខភាពកម្ពុជា-អាមេរិក លោកស្រីបណ្ឌិត Dr. Teri Shaffer Yamada សាស្ត្រាចារ្យឯកទេសសិក្សាផ្នែកអាស៊ី
ខេត្តកំពង់ធំ ៖ ប្រតិភូវេជ្ជបណ្ឌិតមួយក្រុមដឹកនាំដោយលោកស្រីវេជ្ជបណ្ឌិត Dr. Teri Tan មកពីសមាគមអ្នកជំនាញសុខភាពកម្ពុជា-អាមេរិក លោកស្រីបណ្ឌិត Dr. Teri Shaffer Yamada សាស្ត្រាចារ្យឯកទេសសិក្សាផ្នែកអាស៊ី អាមេរិកាំង និងវេជ្ជបណ្ឌិតទណ្ឌិត Dr. Alliana Stojic និងក្រុមនិស្សិតវេជ្ជបណ្ឌិតមកពីសាកលវិទ្យាល័យកាលីហ្វ័រញ៉ា និងសាកលវិទ្យាល័យឡុងប៊ិច និងក្រុមគ្រូពេទ្យ និងក្រុមនិស្សិតពេទ្យស្ម័គ្រចិត្ត ក ១៥៧ របស់សម្តេចតេជោ បានចុះពិនិត្យ ព្យាបាលជំងឺ និងផ្តល់វែនតា ថ្នាំពេទ្យ ដៃសប្បនិមិត្ត ជូនប្រជាពលរដ្ឋប្រមាណជាង៣០០នាក់ កាលពីថ្ងៃទី៥ កក្កដា ២០១៥ នៅក្នុងស្រុកបារាយណ៍ ។
នៅក្នុងឱកាសនេះដែរ លោក ថោង ខុន ប្រធានក្រុមការងារថ្នាក់ជាតិចុះមូលដ្ឋានខេត្ត បានថ្លែងអំណរគុណដល់ប្រតិភូវេជ្ជបណ្ឌិតអាមេរិក-កម្ពុជា និងក្រុមការងារដែលបានសហការរៀបចំកម្មវិធី អប់រំសុខភាព ពិនិត្យព្យាលបាលជំងឹភ្នែក ធ្មេញ និងដាក់ដៃសប្បនិមត្តិ ជូនប្រជពលរដ្ឋកម្ពុជា ជាពិសេសប្រពលរដ្ឋនៅក្នុងស្រុកបារាយណ៍ ដែលជាការរួមចំណែកយ៉ាងសំខាន់ ជាមួយរាជរដ្ឋាភិបាលកម្ពុជា ដែលបាននិងកំពុងយកចិត្តទុកដាក់លើការលើកកម្ពស់សុខុមាលភាពសាធារណៈ ជូនប្រជាជននៅថ្នាក់មូលដ្ឋាន ។
លោក ថោង ខុន ក៏បានអំពាវនាវឲ្យប្រជាពលរដ្ឋយកចិត្តទុកដាក់ ថែទាំសុខភាពឲ្យបានល្អ ដើម្បីបង្ការជំងឺផ្សេងៗដែលធ្វើឲ្យប៉ះពាល់ដល់សុខភាព ជីវភាពរស់នៅ និងការប្រកបរបរបង្កបង្កើនផលប្រចាំថ្ងៃ ។
លោកស្រីវេជ្ជបណ្ឌិត Dr. Teri Tan បានថ្លែងថា ក្រុមការងារលោកស្រី បានរៀបចំកម្មវិធីបែបនេះរយៈពេល៦ឆ្នាំមកហើយ ។ លោកស្រី មានការពេញចិត្តចំពោះសកម្មភាពមនុស្សធម៌ផ្នែកសុខាភិបាលសម្រាប់ប្រជាពលរដ្ឋកម្ពុជា និងបន្តជំំរុញសកម្មភាពនេះឲ្យកាន់តែផុលផុសថែមទៀតនៅថ្ងៃអនាគត ។
លោកស្រី ក៏បានថ្លែងអំណរគុណចំពោះ លោក ថោង ខុន និងក្រុមការងារស្រុកបារាយណ៍ ដែលបានបង្កលក្ខណៈដល់ប្រតិភូវេជ្ជបណ្ឌិត និងក្រុមការងារបានចុះពិនិត្យព្យាបាលជូនប្រជាពលរដ្ឋក្នុងស្រុកបារាយណ៍ ខេត្តកំពង់ធំផងដែល ៕
ចែករំលែកព័តមាននេះ