រថយន្តភាគច្រើនមានរចនាឡើងនូវភ្លើងសញ្ញាទាំងឆ្វេង-ស្តាំដើម្បីផ្តល់ភាពងាយស្រួលដល់ការបត់របស់អ្នកបើកបរប្រកបដោយសុវត្ថិភាព ម្យ៉ាងគេប្រើវាក្នុងចេតនាប្រាប់ឲ្យអ្នកបញ្ជាយានដទៃបានដឹងពីបំណងរបស់ខ្លួនដែរ ។
ហេតុដូច្នេះប្រសិនជារថយន្តរបស់លោកអ្នកប្រើសញ្ញាខុសនោះអ្នកត្រូវធ្វើសញ្ញាដោយលើដៃផ្ទាល់ដើម្បីបញ្ជាក់ពីបំណងនៃការបំលាស់ទីទើបរួចផុតពីគ្រោះថ្នាក់ ។
ខាងក្រោមនេះជាសេចក្តីណែនាំពីការប្រើប្រាស់សញ្ញាបត់រថយន្តប្រកបដោយសុវត្ថិភាព៖
១-ចុចខារកញ្ចក់បង្អួចចំហៀងរថយន្តចុះ ។ ធ្វើបែបនេះគឺផ្តល់ភាពងាយស្រួលដល់អ្នកលើកដៃស៊ីញ៉ូបត់អាចឲ្យអ្នកប្រើប្រាស់ផ្លូវដទៃទៀតមើលឃើញច្បាស់ ។
២-សន្ធឹងដៃរបស់អ្នកឲ្យត្រង់ចេញក្រៅបង្អួចកញ្ចក់ដែលអ្នកកំពុងអង្គុយបើកដើម្បីឲ្យសញ្ញាបត់ខាងឆ្វេងដៃ ។
៣-ដាក់ដៃរបស់អ្នកចេញក្រៅបង្អួចកញ្ចក់ហើយបត់វាឡើងលើក្នុងកម្រិតមុម៩០ដឺក្រេដើម្បីជាការផ្តល់សញ្ញាបត់ស្តាំ ។
៤-ដាក់ដៃរបស់អ្នកធ្វើសញ្ញាដូចមានរៀបរាប់នៅចំណុចទី៣រហូតដល់អ្នកជិតដល់ទីតាំងដែលត្រូវបត់ បន្ទាប់មកបង្វិលដៃរបស់អ្នកដែលកំពុងធ្វើសញ្ញានោះមករកកង់រថយន្តជាការស្រេច ។
សម្គាល់៖ តាមច្បាប់ចរាចរណ៍ផ្លូវគោកតម្រូវឲ្យអ្នកបើកបរប្រើប្រាស់សញ្ញាបត់យ៉ាងហោចក៏៣០ម៉ែត្រមុននឹងសម្រេចចិត្តបត់ គឺមិនមែនសីុញ៉ូភ្លាមបត់ភ្លែតនោះទេប្រឈមនឹងគ្រោះថ្នាក់ខ្លាំងណាស់ ដោយសារអ្នកបើកបរខាងក្រោយគេចឬជាន់ហ្រាំ្វងមិនទាន់ ៕
ចែករំលែកព័តមាននេះ