រាជធានីភ្នំពេញ ៖ ស្ថិតក្នុងវ័យ៨៧ឆ្នាំទៅហើយតែកាយសម្បទារបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា មើលទៅមានភាពរឹងមាំក្មេងជាងវ័យ ខុសពីមនុស្សចាស់ភាគច្រើនដែលឈានដល់វ័យជរាបែបនេះច្បាស់ជាកាយសម្បទាទ្រុឌទ្រោម ខ្សោយគ្មានកម្លាំងកំហែងធ្វើការងារ ឬលេងកីឡាសូម្បីតែការប្រើឥរិយាបទប្រចាំថ្ងៃ(ដេក-ដើរ-អង្គុយ-ឈរ)ក៏ប្រព្រឹត្តទៅដោយលំបាកដែរ…
រាជធានីភ្នំពេញ ៖ ស្ថិតក្នុងវ័យ៨៧ឆ្នាំទៅហើយតែកាយសម្បទារបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា មើលទៅមានភាពរឹងមាំក្មេងជាងវ័យ ខុសពីមនុស្សចាស់ភាគច្រើនដែលឈានដល់វ័យជរាបែបនេះច្បាស់ជាកាយសម្បទាទ្រុឌទ្រោម ខ្សោយគ្មានកម្លាំងកំហែងធ្វើការងារ ឬលេងកីឡាសូម្បីតែការប្រើឥរិយាបទប្រចាំថ្ងៃ(ដេក-ដើរ-អង្គុយ-ឈរ)ក៏ប្រព្រឹត្តទៅដោយលំបាកដែរ ។
តើអ្វីទៅជាមូលហេតុធ្វើឱ្យសម្ដេច ហេង សំរិនមានសុខភាពល្អ រឹងមាំ និងក្មេងជាងវ័យមិនសមជាអ្នកដែលមានអាយុ៨៧ឆ្នាំបែបនេះ?
ការកំណត់របបអាហារត្រឹមត្រូវ និងការហាត់ប្រាណ ត្រូវបានសម្តេច ហេង សំរិន ចាត់ទុកជាកត្តាធ្វើឲ្យសម្តេចមានសុខភាពល្អរឹងមាំ ។ តាមរយៈវីដេអូសកម្មភាពលេងកីឡា ដែលបានបង្ហោះនៅលើទំព័រហ្វេសប៊ុកផ្លូវការរបស់សម្តេច នៅថ្ងៃទី១៩ ខែធ្នូ ឆ្នាំ២០២០ យើងសង្កេតឃើញ ថា សម្ដេចប្រធានរដ្ឋសភារូបនេះ អាចវាយកូនគោល និងលើកដុំប៊ូលបោះចំគោលដៅបានយ៉ាងល្អ ។ កីឡាវាយកូនគោល និងប៉េតង់ជាកីឡាដែលសម្តេចតែងលេងរៀងរាល់ពេលសម្រាក និងទំនេរពីការងារ។
សម្តេច ហេង សំរិន បានបង្ហោះវីដេអូសកម្មភាពលេងកីឡាវាយកូនគោល និងប៉េតង់ភ្ជាប់ជាមួយសារយ៉ាងដូច្នេះថា៖«របបអាហារ និងការហាត់ប្រាណ ជាកត្តានាំមកនូវសុខភាពរឹងមាំ ។
វេជ្ជបណ្ឌិតខាងចំណីអាហារនិងសុខភាពណែនាំថា ចូរអ្នកបរិភោគអាហារឲ្យដូចជាការប្រើថ្នាំពេទ្យ បើមិនដូច្នោះទេ អ្នកនឹងហូបថ្នាំពេទ្យដូចបរិភោគអាហារ ។ ពាក្យចាស់បូរាណខ្មែរពោលថា កុំស៊ីតាមឃ្លាន»។
ក្នុងន័យនេះ សម្តេច ចង់បញ្ជាក់ថា មនុស្សគ្រប់រូបត្រូវចេះកំណត់របបអាហារ និងពេលវេលាឲ្យបានត្រឹមត្រូវក្នុងការទទួលទានអាហារ។
ទន្ទឹមនឹងនេះ បុរសវ័យ៨៧ឆ្នាំរូបនេះ បានណែនាំឲ្យប្រជាពលរដ្ឋកម្ពុជាឆ្លៀតពេលហាត់ប្រាណ និងលេងកីឡាដើម្បីសុខភាពរឹងមាំទាំងអស់គ្នា។ ជាពិសេសសម្តេចឲ្យថែរក្សាសុខភាព និងចូលរួមទប់ស្កាត់ជំងឺកូវីដ-១៩ តាមវិធានការរបស់ក្រសួងសុខាភិបាលឲ្យបានហ្មត់ចត់ផងដែរ ៕
ចែករំលែកព័តមាននេះ