ប្រទេសថៃ ៖ ព្រះមហាក្សត្រថៃព្រះជន្ម៦៨ព្រះវស្សា ដែលកំពុងមានភាពចម្រូងចម្រាស់ច្រើនក្នុងប្រទេសនោះ ជាថ្មីម្ដងទៀតជាចំណុចនៃសង្គ្រាមប៉ាកាមួយក្រោយពីទ្រង់ទទួលសញ្ញាប័ត្រកិត្តិយសថ្នាក់បណ្ឌិតខាងការអភិវឌ្ឍន៍ធនធានមនុស្សនិងគ្រួសារ ។
នោះជាសញ្ញាប័ត្រកិត្តិយសមួយនាំឲ្យមានការផ្ទុះសំណើច ព្រោះព្រះមហាក្សត្រមហាវ៉ាជីរ៉ាឡុងកន ត្រូវបានគេស្គាល់ថាមានមហេសីដ៏ច្រើន មានបុត្រាមួយអង្គដែលមានជំងឺ ដោយទ្រង់មិន
សូវមើលថែ និងមានអតីតព្រះមហេសីមួយអង្គត្រូវលែងលះបញ្ជូនឲ្យរស់នៅឯកោដាច់ពីគេ ។ មានរឿងរ៉ាវឯកជនច្រើនណាស់ដែលមិនសមឲ្យទ្រង់ទទួលនូវសញ្ញាប័ត្រកិត្តិយសនោះឡើយ ។
តាម TWITTER អ្នកកាសែតអាល្លឺម៉ង់ ម្នាក់លោក ANDREW MACGREGOR MARSSHALL លាតត្រដាងពីព័ត៌មាននោះចំពោះអ្នកអាន ដោយលោកមិនចងចំអកទេ ។ តែការលាតត្រដាងរបស់លោកនាំឲ្យមនុស្សជាច្រើនមានប្រតិកម្មផ្ទុះសំណើចសើចហូរទឹកភ្នែក ទឹកសំបោរនិងធ្វើអត្ថាធិប្បាយនៅចុងបញ្ចប់នៃអត្ថបទតាមTWITTER នោះ ។ អ្នកលេងអីុនធើរណេតជាច្រើនបានធ្វើអត្ថាធិប្បាយដោយមិនលាក់បាំងឡើយ ការភ្ញាក់ផ្អើលរបស់ពួកគេជាមួយសញ្ញាប័ត្រកិត្តិយសថ្នាក់បណ្ឌិតនោះ ហើយរហូតដល់យកជារឿងលេងសើចទៀតផង ។
ចំណែកមហេសីរបស់ទ្រង់ព្រះមហាក្សត្រីស៊ូធីតាក៏បានទទួលសញ្ញាប័ត្រថ្នាក់បណ្ឌិតកិត្តិយសខាងរដ្ឋបាលសាធារណៈដែរ ។ កាលពីខែតុលាមហាក្សត្រីស៊ូធីតា ធ្លាប់ទទួលការចំអករួចហើយក្រោយពីទ្រង់ទទួលសញ្ញាប័ត្រជាច្រើនក្នុងកម្រិតកំពូល ។ ព្រះនាងទទួលសញ្ញាប័ត្រកិត្តិយសដល់ទៅ៣៩ ក្នុងកម្មវិធី១៩ផ្សេងៗគ្នាពីបណ្ដាសាកលវិទ្យាល័យរបស់ប្រទេស ។
មែនហើយសមត្ថភាពរបស់ព្រះមហេសីអង្គនេះ ខាងរដ្ឋបាលសាធារណៈកងទ័ពនិងការប្រាស្រ័យទាក់ទងជាមួយមហាជន អាកាសចរណ៍ស៊ីវិល ឬជំនួយសាធារណៈត្រូវបានគេទទួលស្កាល់។ក្នុងពេលដែលព្រះមហេសីអង្គនោះទទួលសញ្ញាប័ត្រទាំងនេះ ប្រជាជនបានធ្វើបាតុកម្មទាមទារកាត់បន្ថយអំណាចស្ដេចរហូតចង់ឲ្យលុបចោលរបបរាជានិយមថៃទៀតផង ។ នោះជាភស្ដុតាងបង្ហាញថាព្រះមហាក្សត្ររ៉ាមាទី១០កាន់តែមានការប្រឆាំងច្រើនពុំធ្លាប់មានពីមុនមក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ