រាជធានីភ្នំពេញ ៖ ផ្ទះថ្មក្រោមឈើលើមួយខ្នងត្រូវបានអគ្គិភ័យឆាបឆេះ បង្កឲ្យមានការភ្ញាក់ផ្អើលយ៉ាង ខ្លាំងផ្អើលរថយន្តពន្លត់អគ្គិភ័យ ជាច្រើនគ្រឿងទៅអន្តរាគមន៍បាញ់ពន្លត់ទាន់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងប្រមាណ១២ និង៣៥នាទី ថ្ងៃត្រង់ទី២២ ខែធ្នូ…
រាជធានីភ្នំពេញ ៖ ផ្ទះថ្មក្រោមឈើលើមួយខ្នងត្រូវបានអគ្គិភ័យឆាបឆេះ បង្កឲ្យមានការភ្ញាក់ផ្អើលយ៉ាង ខ្លាំងផ្អើលរថយន្តពន្លត់អគ្គិភ័យ ជាច្រើនគ្រឿងទៅអន្តរាគមន៍បាញ់ពន្លត់ទាន់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងប្រមាណ១២ និង៣៥នាទី ថ្ងៃត្រង់ទី២២ ខែធ្នូ ឆ្នាំ២០២០ នៅចំណុចភូមិ១ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
ផ្ទះដែលត្រូវភ្លើងឆេះនោះ ធ្វើពីថ្មក្រោមឈើលើប្រក់ក្បឿង ទំហំ៦ម៉ែត្រ គុណនឹង៧ម៉ែត្រ ដែលមានម្ចាស់ឈ្មោះ កាទ័រ ដាវុធ ភេទប្រុសអាយុ៧០ឆ្នាំ ជាជនជាតិខ្មែរឥស្លាម។ តាមព័ត៌មានបានឲ្យដឹងថា នៅមុនពេលកើតហេតុគេឃើញភ្លើងបានឆេះចេញពីជាន់ទី១ ផ្សែងហុយខ្មួលខ្មាញ់បង្កឲ្យមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ច ហៅរថយន្តពន្លត់អគ្គិភ័យទៅជួយអន្តរាគមន៍។
តាមនគរបាលឲ្យដឹងថា នៅក្នុងហេតុការណ៍មានរថយន្តពន្លត់អគ្គិភ័យ ចំនួន៤គ្រឿងបានទៅអន្តរាគមន៍បាញ់អស់១គ្រឿងភ្លើងបានរលត់ទៅវិញ។ តាមព័ត៌មានឲ្យដឹងទៀតថា ការកើតមានអគ្គិភ័យនេះបណ្តាលមកពីឆ្លងចរន្តអគ្គិសនី ម៉ាស៊ីនត្រជាក់ ហើយក្លាយជាអគ្គិភ័យឆេះរាលទៅដល់ពូក តែសំណាងល្អ ហើយប្រជាពលរដ្ឋ និងរថយន្តពន្លត់អគ្គិភ័យទៅអន្តរាគមន៍ទាន់។ តាមនគរបាលឲ្យដឹងថា អគ្គិភ័យបណ្តាលរងការខូចខាតរួមមាន៖ពូក និង សម្ភារមួយចំនួន៕ ដោយ ៖ ម៉េង ធា
ចែករំលែកព័តមាននេះ