ខេត្តមណ្ឌលគិរី ៖ បន្ទាប់ពីការចុះពិនិត្យ និងវាយតម្លៃចំណាត់ថ្នាក់សណ្ឋាគាររបស់គណៈកម្មការក្រសួងទេសចរណ៍ ឃើញថា សណ្ឋាគារ និងរមណីយដ្ឋានចំនួន០៤ក្នុងខេត្តមណ្ឌលគិរីបំពេញបានស្តង់ដារ និងទទួលស្គាល់ចំណាត់ថ្នាក់ផ្កាយ០១ និងផ្កាយ០៣ពីអភិបាលខេត្ត លោក អេង ប៊ុនហ៊ាង ដែលបានធ្វើឡើងនៅសាលប្រជុំសាលាខេត្ត កាលពីព្រឹកថ្ងៃទី២៩ មិថុនា។
តាមការលើកឡើងរបស់លោក ងិន សុវិមាន ប្រធានមន្ទីរទេសចរណ៍ខេត្តបានឲ្យដឹងថា ដោយខេត្តមណ្ឌលគិរី ជាតំបន់អេកូទេសចរណ៍បែបធម្មជាតិ មានធាតុអាកាសល្អ ទេសភាពស្រស់បំព្រង មានតំបន់រមណីយដ្ឋានធម្មជាតិ និងជំរំព្រៃឈើ តំបន់វប្បធម៌ប្រពៃណីទំនៀមទំលាប់នៃការរស់នៅរបស់បងប្អូនជនជាតិដើមភាគតិច(ព្នង) ហើយក៏មានសណ្ឋាគារ ផ្ទះសំណាក់ រមណីយដ្ឋានជាច្រើនកន្លែងផងដែរ ជាពិសេស អាចទាក់ទាញភ្ញៀវទេសចរជាតិ-អន្តរជាតិបានច្រើនពីមួយឆ្នាំទៅមួយឆ្នាំ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ