ខេត្តបន្ទាយមានជ័យ ៖ គ្រាប់យុទ្ធភណ្ឌមិនទាន់ផ្ទុះចំនួន០៦គ្រាប់ ត្រូវបានក្រុមការងារអភិវឌ្ឍតំបន់បឹងជង្រុក និង៦៧១ ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ បានធ្វើការប្រគល់ឲ្យអង្គភាពស៊ីម៉ាក់កម្ទេចចោល នៅថ្ងៃទី១៦…
ខេត្តបន្ទាយមានជ័យ ៖ គ្រាប់យុទ្ធភណ្ឌមិនទាន់ផ្ទុះចំនួន០៦គ្រាប់ ត្រូវបានក្រុមការងារអភិវឌ្ឍតំបន់បឹងជង្រុក និង៦៧១ ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ បានធ្វើការប្រគល់ឲ្យអង្គភាពស៊ីម៉ាក់កម្ទេចចោល នៅថ្ងៃទី១៦ ខែធ្នូ ឆ្នាំ២០២០។
លោកវរសេនីយ៍ឯក បេន សំអាត អធិការនគរបាលស្រុកម៉ាឡៃ បានឲ្យដឹងថា៖ គ្រាប់យុទ្ធភណ្ឌមិនទាន់ផ្ទុះទាំងនោះមាន៖ ក្បាលគ្រាប់ ៦០មីល្លីម៉ែត្រ មួយគ្រាប់,ក្បាលគ្រាប់ ១០៥មីល្លីម៉ែត្រ ចំនួនមួយគ្រាប់,គ្រាប់មីនប្រភេទ៦៩ ចំនួន បីគ្រាប់, គ្រាម់មីន MBV 78 A1 ចំនួនមួយ ដែលបានរកឃើញនៅលើដីទំហំ ៣០៤ហិកតា ដែលកំពុងឈូសឆាយនៅចំណុចបឹងជង្រុក និង៦៧១ ភូមិសាស្ត្រឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដែលនឹងគ្រោងចែកជូនប្រជាពលរដ្ឋរស់នៅតំបន់នោះ។
លោកអធិការបានបញ្ជាក់ថា៖ ដើម្បីបញ្ចៀសការគ្រោះថ្នាក់ដល់ប្រជាពលរដ្ឋ នៅថ្ងៃទី១៦ ខែធ្នូ វេលាម៉ោង០៣ និង២៣នាទីរសៀល ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងក្រុមការងារ ព្រមទាំងក្រុមស៊ីម៉ាក់ បានរៀបចំធ្វើការកម្ទេចចោល៕ ដោយ ៖ ណុប រក្សា
ចែករំលែកព័តមាននេះ