ខេត្តបន្ទាយមានជ័យ ៖ លោកមេបញ្ជាការយោធភូមិភាគទី៥ បានណែនាំដល់កងកម្លាំងត្រូវចេះសហប្រតិបត្តិការជាមួយកម្លាំងប្រទេសជិតខាងចូលរួមទប់ស្កាត់បទស្មើសតាមបន្ទាត់ព្រំដែន ក្នុងពិធីបើកវគ្គហ្វឹកហ្វឺន កាលពីព្រឹកថ្ងៃទី២៦ មិថុនា ២០១៥ ស្ថិតនៅទីបញ្ជាការដ្ឋាន៥១៤ ចំណុះកងពលតូចថ្មើរជើងលេខ៥១ ស្រុកថ្មពួក ខេត្តបន្ទាយមានជ័យ ។
ខេត្តបន្ទាយមានជ័យ ៖ លោកមេបញ្ជាការយោធភូមិភាគទី៥ បានណែនាំដល់កងកម្លាំងត្រូវចេះសហប្រតិបត្តិការជាមួយកម្លាំងប្រទេសជិតខាងចូលរួមទប់ស្កាត់បទស្មើសតាមបន្ទាត់ព្រំដែន ក្នុងពិធីបើកវគ្គហ្វឹកហ្វឺន កាលពីព្រឹកថ្ងៃទី២៦ មិថុនា ២០១៥ ស្ថិតនៅទីបញ្ជាការដ្ឋាន៥១៤ ចំណុះកងពលតូចថ្មើរជើងលេខ៥១ ស្រុកថ្មពួក ខេត្តបន្ទាយមានជ័យ ។
លោកឧត្តមសេនីយ៍ទោ ឈឿង សារិទ្ធិ មេបញ្ជាការកងពលតូចថ្មើរជើងលេខ៥១ បានមានប្រសាសន៍ថា បើកវគ្គហ្វឹកហ្វឺនអន្តរាគមន៍មានសិក្ខាកាមជាពលទាហាននៅក្នុងវរ៥១៤ មានចំនួន៤៨០នាក់ សិក្សារយ:ពេល៣០ថ្ងៃ ចាប់តាំងថ្ងៃទី២៦ មិថុនា ដល់ថ្ងៃទី២៥ កក្កដា ២០១៥ ត្រូវបញ្ចប់វគ្គហ្វឹកហ្វឺនដំណើរទ័ពអន្តរាគមន៍ វាយបកទីតាំងភ្នំខ្លែងពណ៌ ។
លោកឧត្តមសេនីយ៍ទោ ឯក សំអូន មេបញ្ជាការស្តីទីយុទ្ធភូមិភាគ៥ បានមានប្រសាសន៍ថា កងកម្លាំងយោធាកងខេមរភូមិន្ទ ត្រូវតែខំយកចិត្តទុកដាក់ហ្វឹកហ្វឺន ដើម្បីការពារសន្តិសុខ និងបូរណភាពទឹកដីមាតុភូមិកម្ពុជា ។ ហើយកងកម្លាំងយោធា ត្រូវប្រកាន់ជាតិនិយម និងសាមគ្គីផ្ទៃក្នុងត្រូវប្រកាន់ភ្ជាប់លើសីលធម៌របស់កងកម្លាំង ។
លោកបានមានប្រសាសន៍ណែនាំដល់កងកម្លាំងយោធា ត្រូវចេះសហប្រតិបត្តិការជាមួយកងកម្លាំង ដែលឈជើងតាមបន្ទាត់ព្រំដែន និងប្រទេសជិតខាងត្រូវចូលរួមទប់ស្កាត់រាល់បទល្មើសតាមបន្ទាត់ព្រំដែនដូចជាបទល្មើសជួញដូរអាវុធនិងគ្រឿងញៀន
វត្ថុបុរាណជួញដូរមនុស្សខុសច្បាប់ ពលករចំណាកស្រុក និងទំនិញគេចពន្ធ ៕
ចែករំលែកព័តមាននេះ