រាជធានីភ្នំពេញ៖ លោកវេជ្ជបណ្ឌិត ម៉ក់ សុភក្តិ, វេជ្ជបណ្ឌិតឯកទេស ថ្លើម ក្រពះ ពោះវៀន នៃមន្ទីរពេទ្យកាល់ម៉ែតបានឲ្យដឹងថា៖ ជំងឺឬសដូងបាតគឺជាជំងឺដែលកើតឡើងដោយសារការរីកប៉ោងនៃសរសៃឈាម…
រាជធានីភ្នំពេញ៖ លោកវេជ្ជបណ្ឌិត ម៉ក់ សុភក្តិ, វេជ្ជបណ្ឌិតឯកទេស ថ្លើម ក្រពះ ពោះវៀន នៃមន្ទីរពេទ្យកាល់ម៉ែតបានឲ្យដឹងថា៖ ជំងឺឬសដូងបាតគឺជាជំងឺដែលកើតឡើងដោយសារការរីកប៉ោងនៃសរសៃឈាម ដែលមាននៅជុំវិញក្រសាលគូថ ។ គេសង្កេតឃើញថា ជំងឺឬសដូងបាតជាមូលហេតុចម្បងទី១ ដែលនាំឲ្យអ្នកជំងឺមកពិគ្រោះជាមួយគ្រូពេទ្យ ចំពោះបញ្ហាផ្នែកក្រសាលគូថ ។ ជំងឺឬសដូងបាតនេះមិនអាចវិវត្តទៅជាជំងឺមហារីកបាននោះទេ ។
លោកវេជ្ជបណ្ឌិត ម៉ក់ សុភក្តិ បានបញ្ជាក់ថា៖ ជំងឺឬសដូងបាតមាន ២ប្រភេទគឺ៖
-ឬសដូងបាតក្រៅ ៖
ជាជំងឺដែលកើតឡើងលើសរសៃឈាមឬឬសដូងបាតនៅខាងក្រៅរន្ធគូថ
-ឬសដូងបាតក្នុង ៖
ជាជំងឺដែលកើតឡើងលើសរសៃឈាមឬ ឬសដូងបាតខាងក្នុងរន្ធគូថ ។
តើមានវិធីអ្វីខ្លះដើម្បីព្យាបាលជំងឺឬសដូងបាត?
ក-ចំពោះបញ្ហាឬសដូងបាតខាងក្រៅ៖អ្នកជំងឺអាចត្រូវបានព្យាបាលដោយប្រើថ្នាំគ្រាប់បំបាត់ហើម និងបំបាត់ការឈឺចាប់រួមទាំងថ្នាំបន្ទន់លាមក ក្នុងពេលជាមួយគ្នានោះអ្នកជំងឺអាចប្រើក្រែម (Crème) សម្រាប់លាបលើដុំនោះ។ ពេលខ្លះគ្រូពេទ្យអាចធ្វើការកាត់យកកំណកឈាមនៃឬសដូងក្រៅនោះចេញ បើសិនជាដុំឬសដូងបាតក្រៅមិនហើមខ្លាំង ហើយមានតែមួយដែលធ្វើឲ្យអ្នកជំងឺបានធូរស្បើយពីការឈឺចាប់ភ្លាមៗ ។
ខ-ចំពោះបញ្ហាឬសដូងបាតក្នុង៖ការព្យាបាលចម្បង គឺការព្យាបាលទៅលើបញ្ហាបន្ទោរបង់លាមកមានដូចជាការទល់លាមកឬការរាគ។ មានឧបករណ៍៣យ៉ាង ដែលអាចព្យាបាលជំងឺឬសដូងបាតមានដូចជាៈ
-ការដុតកំដៅ(Infrarougephotocoagulation)
លោកវេជ្ជបណ្ឌិត ម៉ក់ សុភក្តិ, វេជ្ជបណ្ឌិតឯកទេស ថ្លើម ក្រពះ ពោះវៀន នៃមន្ទីរពេទ្យកាល់ម៉ែតបានឲ្យដឹងទៀតថា៖
ជំងឺឬសដូងបាត មិនមែនជាជំងឺកាចសាហាវទេ វាគ្រាន់តែរំខានដល់អ្នកជំងឺ ប៉ុន្តែអ្នកជំងឺត្រូវជួបពិគ្រោះជាមួយគ្រូពេទ្យឯកទេសឲ្យបានត្រឹមត្រូវដើម្បីបញ្ជាក់ថា ពិតជាជំងឺឬសដូងបាតមែន ហើយការព្យាបាលទៀតសោតត្រូវព្យាបាលឲ្យបានត្រឹមត្រូវ ។ ព្រោះវាអាចបង្កឲ្យមានផលវិបាកក្រោយព្យាបាល ដូចជាការព្យាបាលដោយការចាក់។
បើសិនជាព្យាបាលមិនត្រឹមត្រូវទេអ្នកជំងឺអាចមានដំបៅនៅរន្ធគូថឬអាចត្បៀតក្រសាលគូថដែលជាបញ្ហាធ្ងន់ធ្ងរ ។
លោកវេជ្ជបណ្ឌិត ម៉ក់ សុភក្តិ បានរំលឹកផងដែរថា៖ « ព្យាបាលទាន់ពេលវេលា ដោយគ្រូពេទ្យជំនាញ នាំមកនូវការសះស្បើយឆាប់រហស័ » ៕
ចែករំលែកព័តមាននេះ