មេដឹកនាំប្រឆាំងបារ៉ែនត្រូវកាត់ទោសដាក់គុក4ឆ្នាំ
មេដឹកនាំប្រឆាំងបារ៉ែន ជាជនស៊ីអីុតលោកអាលី សាលម៉ាន់ ទទួលការកាត់ទោសកាលពីថ្ងៃទី១៦ មិថុនា ដាក់គុក៤ឆ្នាំពីបទអុជអាលជាសាធារណៈឱ្យមានការចង.កំហឹងចំពោះរដ្ឋអំណាច ។
មេដឹកនាំប្រឆាំងបារ៉ែន ជាជនស៊ីអីុតលោកអាលី សាលម៉ាន់ ទទួលការកាត់ទោសកាលពីថ្ងៃទី១៦ មិថុនា ដាក់គុក៤ឆ្នាំពីបទអុជអាលជាសាធារណៈឱ្យមានការចងកំហឹងចំពោះរដ្ឋអំណាច ។
លោកអាលី សាលម៉ាន់ អាយុ៤៩ឆ្នាំ ជាមេដឹកនាំប្រឆាំងស៊ីអីុតសំខាន់ដែលត្រូវជាប់ឃុំឃាំងតាំងពីចាប់ផ្តើមបាតុកម្មប្រឆាំងរដ្ឋាភិបាល កាលពីឆ្នាំ២០១១ ពេលផ្ទុះចលនានិទាឃរដូវអារ៉ាប់ខ្លាំងក្នុងតំបន់ ។
ការកាត់ទោសមេដឹកនាំប្រឆាំងរូបនេះនាំឱ្យផ្ទុះកំហឹងថ្មីដោយអង្គការសង្គមអ៊ិស្លាម AL WEFAK ដឹកនាំដោយលោកសាលម៉ាន់ ក្នុងសេចក្តីប្រកាសមួយថ្លែងថា ប្រជាជនគ្មានជម្រើសណាក្រៅពីបន្តចលនាប្រជាជនដោយសន្តិវិធីឡើយ ។
សហរដ្ឋអាមេរិកតាមរយៈអ្នកនាំពាក្យក្រសួងការបរទេសសម្តែងពីការព្រួយបារម្ភ ហើយអង្គការលើកលែងទោសអន្តរជាតិ AMNESTY INTERNATIONAL អំពាវនាវដល់បារ៉ែនឱ្យដោះលែងមេដឹកនាំស៊ីអីុតនោះដែលខ្លួនចាត់ទុកថា ជាអ្នកទោសនយោបាយ ៕
ចែករំលែកព័តមាននេះ