ចាស់ជរាគ្មានទីពឹង អ្នកទីទ័លក្រ និងអតីតយុទ្ធជន ១២គ្រួសារ ទទួលអំណោយ
- កំពង់ធំ
ខេត្តកំពង់ធំ៖ ដើម្បីអបអរសារទរខួបលើកទី៤២ឆ្នាំ នៃថ្ងៃកំណើតរណសិរ្ស ២ធ្នូ ឆ្នាំ១៩៧៨ លោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង កំពង់ធំ…
ខេត្តកំពង់ធំ៖ ដើម្បីអបអរសារទរខួបលើកទី៤២ឆ្នាំ នៃថ្ងៃកំណើតរណសិរ្ស ២ធ្នូ ឆ្នាំ១៩៧៨ លោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង កំពង់ធំ…
ខេត្តកំពង់ធំ៖ ដើម្បីអបអរសារទរខួបលើកទី៤២ឆ្នាំ នៃថ្ងៃកំណើតរណសិរ្ស ២ធ្នូ ឆ្នាំ១៩៧៨ លោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង កំពង់ធំ បានដឹកនាំសហការី នាំយកនូវអំណោយ ជូនចាស់ជរាគ្មានទីពឹង ប្រជាពលរដ្ឋទីទ័លក្រ និងអតីតយុទ្ធជន ១២គ្រួសារ។ អំណោយទាំងនោះ ជារបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ព្រមទាំងលោកជំទាវ ពេជ ចន្ទមុន្នី។
ប្រជាពលរដ្ឋ ចាស់ជរាគ្មានទីពឹង និងអតីតយុទ្ធជនចំនួន ១២គ្រួសារ ដែលមានជីវភាពលំបាកខ្វះខាត រស់នៅភូមិសេរីវង្ស ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ ពិធីប្រគល់ និងទទួលអំណោយទាំងនោះ បានធ្វើឡើង កាលពីថ្ងៃទី២ ខែធ្នូ ឆ្នាំ២០២០។ ក្នុង ១គ្រួសារ ទទួលបានអង្ករ ២៥ គីឡូក្រាម មីចំនួន ០១កេស ទឹកស៊ីអ៊ីវ ០១យួរ ម៉ាស់ក្រណាត់ ១២ម៉ាស់ និងថវិកាមួយចំនួន។
លោកឧត្តមសេនីយ៍ទោ សោម ស៊ុន បានលើកឡើងថា ការផ្តល់ជំនួយនេះ ពិតជារឿងចាំបាច់ ក្នុងការដោះស្រាយជីវភាពប្រចាំថ្ងៃរបស់បងប្អូនប្រជាពលរដ្ឋ ទើបក្រុមការងារ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងសមាគមអតីតយុទ្ធជនកម្ពុជា ខេត្តកំពង់ធំ បាននាំយកនូវអំណោយរបស់លោក ហ៊ុន ម៉ាណែត និងលោកជំទាវ ពេជ ចន្ទមុន្នី មកផ្តល់ជូន នាពេលនេះ។ អំណោយទាំងនេះ ដោះស្រាយការលំបាកក្នុងជីវភាពរបស់បងប្អូនប្រជាពលរដ្ឋ បានមួយរយៈពេលខ្លី។
ជាមួយគ្នានេះ លោកមេបញ្ជាការ ក៏បានជម្រាបជូនប្រជាពលរដ្ឋទាំង ១២ គ្រួសារ អំពីស្ថានភាពនៃការឆ្លងរីករាលដាលមេរោគកូវីដ-១៩ ក្នុងព្រឹត្តិការណ៍សហគមន៍២៨វិច្ឆិកា។ ដូច្នេះទាមទារ ចាំបាច់ឲ្យបងប្អូនទាំងអស់ រួមជាមួយក្រុមគ្រួសារ បើគ្មានការចាំបាច់ មិនត្រូវចេញក្រៅផ្ទះ ហើយពេលចេញក្រៅផ្ទះ ត្រូវអនុវត្តន៍ឲ្យបានត្រឹមត្រូវតាមការណែនាំរបស់ក្រសួងសុខាភិបាល ដោយត្រូវពាក់ម៉ាស លាងសម្អាតដៃឲ្យបានញឹកញាប់ជាមួយអាកុលសម្លាប់មេរោគ ឬជែលសម្រាប់លាងសំអាតដៃ ឲ្យបានជាប្រចាំ៕ សុខ សារ៉ាយ
ចែករំលែកព័តមាននេះ