ADផ្ទាំងផ្សព្វផ្សាយពាណិជ្ជកម្ម

អ្នកការពារព្រៃសហគមន៍ ១៤គ្រួសារ ​ទទួលបាន​ដីកម្មសិទ្ធិ​ស្របច្បាប់

1 ខែ មុន
  • Oddar Meanchey

ខេត្តឧត្តរមានជ័យ៖ ប្រជាពលរដ្ឋ ១៤គ្រួសារ ជាសមាជិកកំលាំងការពារព្រៃសហគមន៍​សាមគ្គី ដែលរស់នៅក្នុងដែនដីព្រៃសហគមន៍ ត្រូវបានក្រុមអាជ្ញារស្រុកឃុំ រៀបចំបែង​ចែកដី​ឱ្យរស់នៅខាងក្រៅដីព្រៃសហគមន៍ ដោយស្របច្បាប់។ ពិធីប្រគល់ដីជូន​ប្រជាពលរដ្ឋទាំង ១៤គ្រួសារ…

ខេត្តឧត្តរមានជ័យ៖ ប្រជាពលរដ្ឋ ១៤គ្រួសារ ជាសមាជិកកំលាំងការពារព្រៃសហគមន៍​សាមគ្គី ដែលរស់នៅក្នុងដែនដីព្រៃសហគមន៍ ត្រូវបានក្រុមអាជ្ញារស្រុកឃុំ រៀបចំបែង​ចែកដី​ឱ្យរស់នៅខាងក្រៅដីព្រៃសហគមន៍ ដោយស្របច្បាប់។ ពិធីប្រគល់ដីជូន​ប្រជាពលរដ្ឋទាំង ១៤គ្រួសារ បានធ្វើឡើង កាលពីព្រឹកថ្ងៃទី២ ខែធ្នូ ឆ្នាំ២០២០ នៅក្នុងភូមិសាមគ្គី ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។

ប្រជាពលរដ្ឋទាំង ១៤គ្រួសារ បានឱ្យដឹងថា យោងទៅលើការរៀបចំរបស់ក្រុមអាជ្ញាធរ​ស្រុកឃុំ ក្រៅពីបែងចែកដីហើយ អាជ្ញាធរ​ក៏បានជួយឈើ សម្រាប់សាងសង់លំនៅឋាន​រស់នៅដោយស្របច្បាប់ថែមទៀត។ ពួកគាត់ មានចិត្តត្រេកអរ។ កន្លងមក ពួកគាត់ បានរស់នៅលើផ្ទៃដីព្រៃសហគមន៍សាមគ្គី ដោយមិនមែនជាដីកម្មសិទ្ធិ​របស់ខ្លួននោះទេ​។

លោក ស៊ូ ណាត មេឃុំត្រពាំងប្រីយ៍ បានឱ្យកោះសន្តិភាពដឹងថា កន្លងមក​ ប្រជាពលរដ្ឋ ១៤គ្រួសារ ដែលជាសមាជិកកម្លាំងការពារព្រៃសហគមន៍ មិនទាន់មានដី សម្រាប់រស់​នៅ​ជាកម្មសិទ្ធិនៅឡើយទេ។ ពួកគាត់ បានសុំដីសហគមន៍ រស់នៅបណ្តោះអាសន្ន។ ប៉ុន្តែ​ខណៈនេះ ក្រុមអាជ្ញាធរស្រុកឃុំ បានរៀបចំដីមួយកន្លែង សម្រាប់​បែងចែកជូន​ពួកគាត់ ដែលស្ថិតនៅក្បែរ​ដីព្រៃសហគមន៍ដែរ។ កម្មសិទ្ធិស្របច្បាប់​ផ្ទាល់ខ្លួននេះ គឺ​ក្នុង ១គ្រួសារ ទទួលបាន​ដីទំហ៊ំ ២០ × ១០០ម៉ែត្រ៕ ឱម សារឿន